JOSHUA 7:12 - Cho Bible Common Language 2016

¹² Acun cu Israel gui naw ga näng ne kä ami düih nak hlawt ah kyak ci. Ngami naw ga ng’hlah tak ci gui, a i ah kyasei ci ung ami mät cu dishum nak ah phyumtam nak gah pyi ci gui nei. Kä nami lak vai cine thukbäi ung phi nami lak gui cu kä nami m’di pha ah chuih, nangmi awn a täng ah kei cu kä ka om ba khai nei!

JOSHUA 7:12 Referans Kwoze

ISAIAH 59:2

Nang mi, nami hmakat nak ah phäh ah ani naw kä aning yak gui ah kyak ci. Nangmi naw ani khawihnah vai ah nami k’thanak yah ung, nangmi la khanpughi ah ng’lak ung ning m’cha gui cicu nangmi ah katnak ah kyak ci —

SUKI GUI 2:14

Bawipa naw Israel gui ah khan ah m’lungshe aih neta, ng’tuk’bi gui am tuk sak gui ci. Ani naw ga gui avan cu ami khaw ah huham mah sak gui khäta, Israel gui cu ami mät naw ami mät kä shung vong ba hning ci gui.

KHEI NAK 14:45

A cu ah om ciah Amalek gui la Kanaan chang gui naw ngami cu tu gui u ne, hnim gui ci gui. Hormah gawnu ah khüt ne khäm law gui ci gui.

JOSHUA 6:18

Cun ung phi m’di vai phung cu api phi kä nami lak vai, nami lak ah a kyak ung khüikha nak la dishum nak cu Israel chang phung ung nami law püi ciah kyak khai.

THULÄÄN NAK 7:26

Cun ah a gup gui ci api ah phi nami im ah kä nami law en püi vai. Cun gui ah khan ah om ciah plah tam nak cu, nangmi ah khan ah gawk lawk khai. Nangmi naw cun gui cu thüi na u ne, cun ah a gup gui cu nami päipih vai, a i ah kyasei ci ung ngami cu Bawipa naw a plah tam gui ah kyak ci.

HABAKKUK 1:13

Shin ah changshe gui, kä bekhüt ci gui, a i ah kyasei na ng’düih püi gui ang? Na mik cu theing ciim ci, akshe kä na teng hlük ci, cheishoh nak bik ciah chang täng ah kä na ng’düi ci, Ngami naw ami mät ah mä yum pi ciah chang ami m’di yah ung, a i ah kyasei adüm ah na om ang?

HOSEA 9:12

Ami hta nau om sei ami däm ng’vai sak ung phi, kei na ka lak pe gui khai. Tumat phi ghing ne kä om khai gui. Kei naw shin ah chang gui ka nawng gui ah akiak ung ngami ah khan ah kyihkyawk vai gui gawk lawk khai.”

JEREMIAH 23:33

Bawipa naw na pyen nak ci, “Jeremiah, ka chang tumat mat naw baw, prophet naw baw, taigü naw baw, ning shi law ne, ‘Bawipa ah thu pyen cu a i ang?’ Nang naw na m’thein vai cu, ‘Nang cu Bawipa ung phuih ah na kyak ci, ani naw nang cu ning k’täm lawk kahi nei.’

JEREMIAH 6:8

Jerusalem chang gui aw, shih ah genbai nak gui cu nangmi ah phäh ah m’kyihm’hting nak ah kya sä, kä cun ung Kei naw ka ning nawng gui ling khai; Nami mang gaw cu a u naw kä ghin om nak hlawt ah khong’gau ah ka lat khai.

NG'THU K'THUUK~ 28:1

Chang shekha cu a u naw kä a gawt ung phi amät dawng ci, Cun ung phi düng ciah chang cu phongkawng ah mäih ah m’gäi ci.

SUKI GUI 2:4

Khanchang naw shin ah thu a pyen vai-am Israel chang gui ami van cu kyap ci gui,

KHEI NAK 14:39

Bawipa ah thu pyen cu Moses naw Israel gui am m’thein gui khäta, ngami cu ak tä ah thüikyap ci gui.

SUKI GUI 16:20

Cun kawn ah ani naw, “Samson! Philistin gui lawk ci gui nei” cine m’lau ci. Ani cu tho law neta, ngaih-tüh ci, “A yanä ah mäih ah tubäi phi luat ne ka hteit khai” Ani naw Bawipa naw a hteh tak cu kä hmat ci.

1 SAMUEL 14:38

Cun kawn ah Saul naw chang vai gui am, “Sha law ne, tuhngawi a i katnak a om ah shui vä.

SAM 44:10

Kami gaa gui dawng taak vai ah na ci gui ci sei, Ngami naw kami ka gui cu la yawp ci gui nei.

SAM 60:10

Keimi akcang ah na na hnu na gui khai ma? Keimi ah gakap gui awn atäng ah kä na ng’düi khai ma?

KHEI NAK 14:42

Kä hteit vä, Bawipa cu nangmi awn a täng ah kä om ci, nami ga gui naw ning hnim gui khai gui nei.

KHEI NAK 14:43

Amalek gui la Kanaan chang gui awn nami ng’hmuh law ung nangmi cu ng’tuk nak ung nami sik khai. Bawipa naw kä ning om püi gui khai. A i ah kyasei ci ung nangmi naw ani läk vai ah nami mak ci.”