JOSHUA 7:11 - Cho Bible Common Language 2016

¹¹ Israel gui hmakak ci gui nei! Kei awn ami yum ghawm ah, ami k’pan vai ah kei ah thukbäi cu plawh pyi ci gui nei. M “dimshum vai ah phyuntam ah khawh amshah cu lak ci gui nei. Ngami cu m’gu u ne, acun ah mawng ung hleei u neta ami mät ah khawh ah tha ci gui nei.

JOSHUA 7:11 Referans Kwoze

HEBRU 4:13

Khanpughi ah ng’thuh haih ci a i kä om ci a tüi sho phung phung cu a mik ah hmuh ah dang yawp ci. Acun ah kyasei mi bilawh, ngaih tüh gui phung cu Khanpughi-am mi ap khai nei.

LAMKTU 5:9

Peter naw,” a i ah kiah sei nang ni naw Khanpughi ah Mumcha Theing m’hleei m’hlak vai ah na ni k’bäi ang? Na cei m’cim ciah chang gui m’kawt law k’pha law ba ci gui nei, ngah mi naw nang mä kawt ne ning m’cim lawk khai gui nei” cine pyen nak ci.

MATTHE 22:21

Ngami naw, “Ghangpughang ah müi, ghangpughang ah ming nei,” cik ci gui. Cun kawn ah Bawipa Jesuh naw, “Ghangpughang ah kaa cu ghangpughang-am ap ba vä, Khanpughi ah kaa cu Khanpughi-am ap ba vä,” cine kyak na gui ci.

ZEKHARIAH 5:4

M’gäi ciah Bawipa naw a pyen cu, ani naw ng’phyun nak cu yuk chah lawk khai, a hleei pyen ne ng’phyun ciah im päng ung lut khai. Acun cu ami im gui ah kyong ah om neta, ngami cu akshe ah nawng gui khai.”

HABAKKUK 2:6

Ami näng gui naw näng ci gui cu gaih tuk ci gui, shemshai ci gui, shemshai ci gui. Ngami naw, “Kä nami kaa nami lak ci, nangmi cu ng’yiin ciah chang ah nami kyak ci, Nangmi cu a i güt aphu nami gah vai ang’ceet ah shang ba ne, ng’bühmang ne nami om khai ang?”

HOSEA 6:7

“Cun ung phi Adam khonglei ung ami luh law vai am kei naw ngami awn ka bi ah thukhän cu m’shet ci gui.

JEREMIAH 31:32

Cun cu kei naw ngami Egypt ah kut ungka ka luh law püi ba gui yah ung ami pupa gui awn ka bi ah thukhäu phyim ah mäih ah kä kyak ci. Kei cu ngami ah cei ah mäih ah kya ngä sei phi, ngami naw cun ah thukhäm cu kä k’pang ci gui.

ISAIAH 24:5

Chang gui naw khanpughi ah thukhän gui m’shet nak la ng’täi khai ah a pyan ah angthukhän m’kat nak awn khomdek cu lelawi sak ci gui.

2 GHANGPUGHANG GUI 18:12

Samaria ashum cu, Israel chang gui naw ami Khanpughi Bawipa kä ami läk ah hmawk ah kyak ci, ngami naw ani naw abi püi gui ah thukhän cu m’shet u ne, Bawipa ah changshäm Moses naw a pek gui ah thukhän gui avan cu kä läk ci gui. Ngami naw kä ngai ci gui, kä läk ci gui.

SUKI GUI 2:20

Cun kawn ah Bawipa naw Israel gui ah khan ah m’lung she neta a pyen cu, “Kei naw ami pupa gui am, ami khäm vai ah ka ng’thu khan ah thukhän cu shin ah pakhui naw m’shet pyi ci nei. A i ah kyasei ci ung ngami naw kei kä na läk ci gui,

JOSHUA 23:16

Bawipa nami Khanpughi naw nami pan vai aha ning thumkhän gui ah thukhän cu kä nami k’pan ah a kyak ung, a hei khanpughi gui ah a khut bi ne, nami khawihnah ah a kyak ung, ani naw am lungshe nak awn ning m’kyuk gui khai. Acun ung nangmi tumat phi, a ning pek gui ah shin ah khawni khaw ung kä nami law ba ge khai.”

JOSHUA 7:1

Bawipa naw Israel ang thumkhän ah, Jerikho ungka api phi a i phi kä lak vai, m’di m’shum yawp vai, cicu kä läk ci om ci. Achan ming nak ciah chang naw cun ah thukbäi cu kä läk ci. Cun ah kyasei Bawipa cu Israel gui ah khan ah m’lungshe ci. (Achan cu Karmi ah hta, Zabdi ah tu, Zerah pahta, Judah pakhui ah kyak ci.)

THULÄÄN NAK 17:2

Gawnu tumat ung pami, kä cun ung hnumi naw katnak bi neBawipa a hnungtuk püi nak la thumkhän am shet nak cu nami ng’ya man khai.

TAIGÜTHUM 5:15

Chang tumat naw kä ngaih-tüh ah Bawipa am pek vai ah ak theing cu a pek vai a häu ah a kyak ung, ani naw thungba nak douthak nak ah kä kheihlik ciah htome baw, me baw ak hla a law püi vai. Cun cu aküikyang ah a phu ami k’bäi ah kyak ci.

JOSHUA 7:10

Bawipa naw Joshua a pyen nak cu, “Tho law ä, a i ah kyasei m’dek ung shikcha ah na ng’yän ang?

1 SAMUEL 14:38

Cun kawn ah Saul naw chang vai gui am, “Sha law ne, tuhngawi a i katnak a om ah shui vä.

2 GHANGPUGHANG GUI 5:24

Ngami cu Elisha ah om nak khomhtung ah gawk u neta, Kehazi naw ng’ip goi cu chang ne im kyong ah luh püi ci. Cun kaw ah ani naw Naaman ah changshäm gui cu tüi ba gui ci.