JOSHUA 7:1 - Cho Bible Common Language 2016

¹ Bawipa naw Israel ang thumkhän ah, Jerikho ungka api phi a i phi kä lak vai, m’di m’shum yawp vai, cicu kä läk ci om ci. Achan ming nak ciah chang naw cun ah thukbäi cu kä läk ci. Cun ah kyasei Bawipa cu Israel gui ah khan ah m’lungshe ci. (Achan cu Karmi ah hta, Zabdi ah tu, Zerah pahta, Judah pakhui ah kyak ci.)

JOSHUA 7:1 Referans Kwoze

JOSHUA 22:20

M’didap vai ah khawh gui ah mawng ung Zerah ah hta Akhan naw thumkhän kä a ngaih cu nami shüm ba vai. Acun ah phäh ah Israel chang bum avan cu m’kuk nak gah ci. Akatnak ah phäh ah Akhan amät bäng sik ciah kä kyak ci nei” cik ci gui.

THUSHÄUTU 9:18

Cüivai nak naw likhim ah ta bä pi ci akni bi thei ci, cun ung phi hmakat ciah chang tumat naw ani nak akda m’di hning ci.

1 SHONTÄP NAK 21:7

Cun ah mi bi cu Khanpughi naw kä m’hni neta, Israel gui cu m’kyuk gui ci.

JOSHUA 22:18

Tuhbäi nangmi ani läk vai ah nami mak khai ma? Tuhngawi nangmi naw Bawipa nami hnungtuk ciah a kyak ung, ngawi ung ani naw Israel chang päng ah khan ah m’lungshe khai nei.

JOSHUA 22:16

Bawipa ah chang bum avan ah phäh ah ng’thu pyen ci gui. Ngami naw ami pyen nak gui cu, “A i ah kyasei nangmi naw Israel Khanpughi hnungtuk püi ne, akshe nami bi ang? Nangmi naw nami mät ah hmawk ah shin ah sonkiang nami cawh nak awn Bawipa cu nami hnungtuk püi ci nei! Nangmi naw ani cu kä nami läk law ba ci nei!

JONAH 1:7

Htinpaw ung bik ci gui cu ami mät ng’htau u ne, “A u ah cheishoh nak awn shin ah mi awt law cu hmat nak vai ah m’shüih mi tawk vai nei” cik ci gui. A cun ah m’shüih tawk u neta Jonah ah ming ung ng’süh sei hmat ci gui.

EZRA 9:6

Kei naw, “O Khanpughi, nang ah ma ah ka lu ka tä law vai ah ka ng’aa aih ci nei. Kami katnak cu ng’pum ci nei, kami lu ah ta hlüng pi ci nei. Khankho ah mäih ah hlüng lawk ci nei.

2 SHONTÄP NAK 24:18

Cun ah kyasei chang gui naw ami pupa gui ah Khanpughi, Bawipa ah Taigüim ung khawihnah nak cu nawng u ne, a gup gui la khanpughinu Asherah ah gup khawihnah nak cu tün ne bik ci gui. Shin ah ami cheishoh nak ah katnak naw Judah la Jerusalem ah khan ah Bawipa ah m’lungshe nak cu law püi sak ci.

2 SAMUEL 24:1

Bawipa cu Israel gui ah khan ah m’lungshe ba mä ci, ani naw David cu, ami khan ah yaica nak abi vai ah bik ci. Bawipa naw ani am, “Hteit ne Israel gui la Judah chang gui cu khei gui ä” cik ci.

DANIEL 9:7

Nang Bawipa naw ak phlüt ah a hman cu na bik ci, cun ung phi keimi kami mät naw ak phlüt ah thang shet nak cu kami law püi ci. Shin cu Judea la Jerusalem ung om ci la kä ami bekhüt ah phäh ah aksho ang et khaw gui ung, nang na k’phyiit pai gui ah Israel gui avan ah phäh ah akcang ah kyak ci.

TAIGÜTHUM 10:6

Cun kawn ah Moses naw Aaron la a hta goi Eleazar la Ithamar am, “Nani lu kä huih ne kä nani om en vai, nani thüisei ciah mäih ah nani sui kä nani k’teh en vai. Cun ah nani bi ung nani sik khai, chang van ah khan ah Bawipa cu m’lungshe khai. Cun ung phi nami Israel chang gui ami van cu Bawipa naw a yuk chah law ah mei awn sik ciah phäh ah ami kyah vai nei.

2 GHANGPUGHANG GUI 5:24

Ngami cu Elisha ah om nak khomhtung ah gawk u neta, Kehazi naw ng’ip goi cu chang ne im kyong ah luh püi ci. Cun kaw ah ani naw Naaman ah changshäm gui cu tüi ba gui ci.

ATÜNNAK 34:27

Cun kawn ah Jakob ah hta gui cu ami bee ami m’thüi ah phäh ah phu tuk khai gui ah law ba mä ci gui.

JOB 35:8

Nang ah katnak awn yaica ci gui la akni na bi nak awn bawm nak gah ci gui cu na chang paw gui ah kyak ci gui nei.