JOSHUA 6:4 - Cho Bible Common Language 2016

⁴ Taigüpa chih cu phyungheng kawt bäng bäng u ne, Thukhän M’küm ah ma ung ami hteh vai. A hnüüp chih hnüüp ung nang la na gakap gui naw mang gaw cu chih vei nami vein vai. Cun yah ung taigüpa gui naw phyungheng tum khai gui.

JOSHUA 6:4 Referans Kwoze

THU PHLAAN 16:1

Cun kawn ah pum im ah kyong ungka naw khankho chang pachih-am “Khanpughi ah m’lungshe nak be ciah eikbei chih cu khomdek khan ah yuk hukä cine ng’hawh ne a pyein cu ka ng’yak ci.

2 SHONTÄP NAK 20:17

Shin ah ng’tuk nak ung kä nami ng’tuk hlawt khai. Pawng m’htei ne nami ngäng gui düt vai: Bawipa naw näng nak a ning pek gui cu nami hmuk khai. Judah la Jerusalem chang gui, kä nami ng’ä ai vai, kä nami kyih vai. Ng’tuk nak ah nami hteh vai, Bawipa naw ning om püi gui khai.

THU PHLAAN 8:2

Cun kawn ah Khanpughi ah maa ah ng’düi ci gui ah khankho chang pachih cu ka hmu gui ci. Ngami cu phyungheng pachih ami peit gui ah kyak ci.

2 SHONTÄP NAK 20:21

Ani cu chang gui awn ng’ge u neta, ghangpughang naw tum ng’lam ci gui a pyen nak gui cu, atheingcim hnüüp ung ami sui ah suinu sui sak gui ne, gakap gui ah ma ung hteh sak gui neta, “Bawipa cu m’hlümtai vä, ani ah m’hni nak cu khaw ng’län ci nei!” cine ng’äi ami m’cu vai ah k’bäi gui ci.

1 GHANGPUGHANG GUI 18:43

Cun kawn ah a changshäm am, “Hteit ne tuinu cu va teng ä” cine pyen nak ci. A changshäm naw hteit ne, ng’hlat law ba neta, a pyen cu, “A i phi kä ka hmuk ci nei.” Ani naw hteit ne ava teng vai ah chih vei pyen nak ci.

TAIGÜTHUM 14:16

akpat lam a kutpyün tumat awn yuk tawk neta, Bawipa ah om nak ah kyong ah chih vei k’peh ci.

THU PHLAAN 15:7

Khiküi paphli ungka tumat naw, hta ng’shon ung om ciah Khanpughi ah m’lungshe nak awn be ciah ghui khawk chih cu khankho chang pachih-am pe gui ci.

THU PHLAAN 15:1

Cun kawn ah kei naw, khankho ah küikyang ciah cäicat vai cu ka hmu ba ci. Cun cu leigaai mawng chih law püi ci gui ah khankho chang pachih ah kyak ci. Cun ah leigaai gui cu Khanpughi ah m’lungshe nak akhnubäih ah ang dang nak ah kyak ci, akhnubäih ah gawk lawk ciah lei ah kyak ci.

THU PHLAAN 10:3

phongkawng ah m’ngaw ah mäih ah thüng sei ng’khü ci.

THU PHLAAN 8:6

Cun kawn ah phyungheng chih kawt ciah khankho chang pachih cu, tum ge vai ne pawng ci gui.

THU PHLAAN 5:6

Cun kawn ah htomehta cu khiküi paphli la aghaampa gui ah ng’lung ah mang kiaang ah lai ung ng’düi sei ka hmuk ci. Ani cu küikyan nak vai ngawn pyi ah htomehta awn täng ci. Ani ung aki chih la amik chih om ci. Cun gui cu khomdek khan avan ung a tüih ah Khanpughi ah Mumcha chih ah kyak ci.

THU PHLAAN 5:1

Mang kiaang ung ngok ciah akpat lam a kut ung ca k’chaw cu ka hmuk ci: cun ah ca k’chaw cu vang ah vei ah ca be sei gu ne, m’hnüt nak chih awn m’hnüt ah kyak ci.

THU PHLAAN 1:20

Ka k’pat lam ka kut ung om sei na hmuh ah aisi pachih la ghui mei ng’düi pachih ah thuuk ciah a mawng cu; mei ng’düi pachih cu khrithabum gawnu pachih ah kyak ci, aisi pachih cu khrithabum gawnu pachih ngäng ciah khanchang pachih ah kyak ci.

THU PHLAAN 1:4

Johan naw Asia khaw gawnu pachih ung khrithabum gui-am ca aning guk law gui cu; Zanta, tuhngawi, ngawi yä angtäi sei om ciah Khanpughi, amang kiang ah maa ah ng’tän ciah mümcha pachih la;

2 GHANGPUGHANG GUI 5:10

Elisha naw changshäm tüi law ne, Jordan tuinu ah hteit ne chih vei angsi vai ah m’thein sak ci, cun ung a gaw nak maih yüm yüm khai nei cik ci.

KHEI NAK 23:1

Balaam naw Balak am, “Kei ah hmawk ah shin ung sonkiang chih ah na cawh vai. Vantang chih la htome m’ca chih naw law püi vai” ciah pyen nak ci.

ZEKHARIAH 4:6

Bawipa ungka lawk ciah shin ah ng’thu cu, Zerubbabela am ka pek vai ah khanchang naw na m’thein ci nei. “Nang cu na näng khai, cun cu gakap huham awn ah kä kyak ci, na mät ah thagui awn ah kä kyak ci, kei ah ka mümcha awn ah kyak ci.

ZEKHARIAH 4:2

“A i ang na hmuh?” cine na ng’shik ci. Kei naw, “Ghui awn pyan ah mei-im ng’düi ka hmuk ci nei ka cik ci. A khan bäih ah situi k’am om ci. Mei-im ng’düi khan ah mei-im chih om ci. Cun gui cu mei-ca chih awn ami pyan bäng bäng ah kyak ci.

ISAIAH 27:13

Cun ah hnüüp a gawk law ung, Assiria la Egypt kho ah amktu ah om tuk ciah Israel gui avan cu khünak ba gui ah k’phyung puuk cu tum vai nei. Ngami cu law u ne, theing ciah m’htung, Jerusalem ung Bawipa cu khawihnah khai gui nei.

JOB 42:8

Tuhbäi vantang chih la htome amca chih cu Joba ah law püi u ne, nami mät ah phäh ah khawihnah nak ah nami dou thak vai. Cun ung Joba naw ning taigü pe gui khai, ani ah taigü kei naw ka m’shang khai, nami om ah ciah kä ning ng’thumcha gui khai. Nangmi naw ani ah mäih ah kei ah mawng akcang kä nami pyen ci.”

2 SHONTÄP NAK 20:19

Kohath la Korah pahta ungka Levit gui cu ng’düi law u ne, m’lau u ne, Israel Khanpughi Bawipa cu m’hlümtai ci gui.

2 SHONTÄP NAK 13:12

Khanpughi amät cu kami ng’vaihta ah kyak ci, ani ah taigü gui ci phyungheng kawt ne shin ung om ci gui, keimi naw nangmi ning tuk püi gui vai ah cun gui tum ne na khü gui ge khai ah om ci gui Israel chang gui, Bawipa cu kä nami ng’tuk püi en vai nei, ani cu nami pupa gui ah Khanpughi nei! Nangmi naw kä nami näng hlawt khai nei!”

TAIGÜTHUM 4:6

Ani naw a kutpyün gui cu cun ah si ung yuk phum neta, theing ciah yihdung ah ma ung chih vei ak peh vai.

ATÜNNAK 2:3

Khanpughi naw cun ah a chih hnüüp cu phyisä ne theingciim sak ci. A i ah kyasei ci ung cun ah hnüüp cu a tüisho a pyi phleh nak la angdüm nak ah kyak ci.

JOSHUA 6:3

Nang la na gakap gui naw hnüüp ät ung hnü ät ci, hnüüp chuk ung cun ah mang gaw cu masa ne nami vein vai.

JOSHUA 6:5

Cun kawn ah ngami naw ak aw ng’ng’shäi ah hnü ät tum khai gui. Cun nami ng’yak vai am, chang avan ng’pang tu ne nami m’lau vai. Cun ung mang gaw paang cu piawn yawp khai. Cun kawn ah gakap avan ng’phäi ne mang gaw kyong ah nami luh vai.”

2 GHANGPUGHANG GUI 5:14

Cun ah kyasei Naaman cu Jordan tuinu ah hteit ne chih vei tui ung ng’hnim ci, Elisha naw a pyen ah mäih ah bik ci, ani cu akni ah gai ci. A sa cu a hmawhta ah mäih ah theek ne gai ci.