JOSHUA 6:26 - Cho Bible Common Language 2016

²⁶ Cun yah ung Joshua naw kükyang ciah m’thein nak pe gui ci.” Tuhchü Jerikho mang gaw cawh ba vai ah tha nak ci phung cu Bawipa ah plahtaam nak ah aka ung om khai nei. Angneei co ciah chang phung cu, a hta ng’vaipi chük khai nei; Am kawt co ciah chang phung cu, a hta hmawpi chük khai nei.”

JOSHUA 6:26 Referans Kwoze

1 GHANGPUGHANG GUI 16:34

Ani naw a uk sangung Bethela ah ka Hiela naw Jerikho cu co ba ci. Nun ah hta Joshua ung Bawipa naw ng’thu angcäi ah mäih ah, Hiela naw Jerikho mang gaw angnei a cawh yah ung a hta ng’vaipi Abiram cu shum ci, m’kawt gui a cawh yah ung a hta hmawpi Sekub cu shum ci.

LAMKTU 19:13

Hteit shüi shüi ne khoshe k’täm ci gui ah Judah chang am shah gui cun naw phi, Bawipa Jesuh ah ang ming awn khoshe k’täm vai ah k’tha nak ci gui. Ngami naw “Paul ah pyein ah Jesuh ah ming awn nang cu ka ning k’täm ci nei” cine chang kai ciah khoshe cu kyak nak ci gui.

MATTHE 26:63

Cun ung phi Bawipa Jesuh cu kä chiu phung ne om ci. Taigü tung naw nang cu Khanpughi ah Htapa, Messiah ah na kyak ci ma, kei-am nam thein-ä. Ghing ne om ciah Khanpughi ung thukhäm ne ka ning shik ci nei,” cine pyein ci.

MALAKHI 1:4

Esau ah hta ng’shon Edomit gui naw “Mi gawnu gui cu di pyi ci, cun ung phi mi co ba khai” ami ci ung, Bawipa naw, “Co ba u sä — kei naw ka phyet pe ba gui khai nei. Chang gui naw ‘khawshe khaw’ ah khü gui khai, ‘Bawipa naw angtäi sei amlung she nak ah pakhui ah kyak khai gui nei’ ” cik ci.

1 GHANGPUGHANG GUI 22:16

Cun ung phi Ahab naw, “Bawipa ah ming ung kei ung ng’thu na pyen ung, akcang na pyen vai! Acun ah na bi vai ah kei naw a i güt ka ning pyen nak vai ang?

2 GHANGPUGHANG GUI 2:4

Elijah naw Elisha aw, “Tuhbäi shin ung om shüt ä; Jerikho ah ka hteh vai ah Bawipa naw thu nak bäi ci nei” pyen nak ci. Cun ung phi Elisha naw, “Ka bekhüt nak la ghing ciah Bawipa la nang ah ma ah ng’taam ne ka pyen ci, kei naw kä ka ning hteh tak khai” cik ci. Cun ah kyasei ngami cu Jerikho ah hteit ci gui.

JOSHUA 16:7

Janoah ungka naw yu kyum ba ne, Ataroth la Naarah ung gawk ne, cungka Jerikho ung gawk ba ne Jordan ung khüt ci.