JOSHUA 6:23 - Cho Bible Common Language 2016

²³ Cun ah kyasei ngani hteit ni ne, Rahab law püi ni ne, anu la apa ni, a phäi nau gui la a kyong chang gui avan law püi ci goi. Ngami naw ami kyong chang la ami changshäm gui ami van law püi u ne, Israel gui ah phung pei ah phyawng khai gui ah tha gui ci gui.

JOSHUA 6:23 Referans Kwoze

HEBRU 11:7

A ngawi ah gawk lawk khai ah kä hmu hning ah a mawng gui, Khanpughi naw khän ne am cäi nak Noah naw ang yak cu a yum nak awn ah kyak ci. Ani naw Khanpughi ah thu ngai ne amät ah kiong khui ah phiawn nak ah hteinpaw im cu co ci. Cun ah khomdek chang gui ah shetkat nak cu dang sak ne, ani cu a yum nak awn Khanpughi ung düng nak cu gah ci.

EPHESIAN 2:12

Cun yah ung nang mi cu Bawi Khrit awn nami ng’shawng ci. Nangmi cu a kho hei chang gui ah kya u ne, Khanpughi ah ghü ah chang ah kä nami kya tuk ci. Khanpughi naw ak chang gui ah hmawk ah shai a taak ah ng’thukhän ung phi, nangmi cu kä nami ng’khämtuk ci, khomdek khan ung Khanpughi kä hmu ne, ngaih u vai kä om ciah chang ah nami kya man te ci.

1 KORIN 5:12

Chang hei gui nüng m’khoichaa vai cu kei ah bi ah kä kyak ci. Ngami cu Khanpughi naw m’khoichaa gui khai. Cun ung phi nangmi naw nami mät ah chang bum ungka nami ng’thumcha hning ciah kä kya ne ang! Cacim naw, “Nami changbum ung kaa, chang she cu k’täm vä” cine pyein ci.

LAMKTU 27:24

“Paul kä na kyih vai, Nang cu ghangpughang ah ma ah na gawk khai. Khanpughi naw nang cu a ning m’hni nak awn, a täng ah htinpaw ng’cum tuk ci gui ah chang gui cu sih nak ungka k’phiawn gui khai nei” cine pyein ci.

LAMKTU 10:28

Cun ah chang gui am Peter naw, “Jew chang tumat cu chang pakhui hei ung kä ah khawtsheng tu vai, kä ah ng’et sheng tu vai, ciah yum nak cu nami hmat pyi ci. Cun ung phi, a u shekak ci, a u kä theingthap ci, cine käm khoichaa vai ah Khanpughi naw nam hnuh pyi ci nei.

KHEI NAK 31:19

Tuhbäi nangmi nami van chang ngawn ci phung, gook tawn ci phung cu hnüüp chih ung shaum pigaw ah pung ah nami om vai. A hnüüp thum hnüüp la a hnüüp chih hnüüp ung nami mät la nami pha gui ah hnumi gui cu nami ng’gängsei sak gui vai.

ATÜNNAK 18:24

Cun ah gawnu ung chang ni hmakip a om ah a kyak ung phi gawnu avan na m’di khai ma? Chang ni hmakip ah hmawk ah kä na k’phyawn khai ma?

ATÜNNAK 12:2

Nang cu akda ah ka ning shon sak khai. Na htangshon cu pakhui küüi ah kyak khai. Hriham ning pe ne na ming ka ning thangsak khai. Nang cu chang gui ah hriham ah na kyak khai.

JOSHUA 2:18

Shin cu nang naw na bi vai nei. Keimi naw nami khaw kami tuk law ung keini na na yuk chah law nak goi ah m’kawt ung shin ah yih sen cu na yai vai nei. Na nu la na pa ni, na phäi nau gui ni, na pa ah kyong chang gui avan cu na im ung na bum gui vai nei.

JOSHUA 2:13

Shai ami tak vai, ka pa la ka nu, ka phäi nau gui, ka phäi nau gui ah ami kyong chang gui avan nami k’phyawn gui vai, chang am kä nami ngawn sak en gui vai” cik ci.

ATÜNNAK 19:29

Khanpughi naw Lotah ah om nak ah khaw ng’nawi ung mang gaw gui cu amdi yah ung, Abraham cu amlung ung shüm ba neta Lotah cu phyawn sak ci.

HEBRU 11:31

Hlawhhlangnu Rahab cu ng’däät ciah chang gui dou gui ne ang khawt püi gui ah hmawk ah, Khanpughi kä yum ci gui awn a täng ah kä a mi ngawn tu cu a yum nak awn ah kyak ci.

JOSHUA 2:16

Ani naw, “Khawgui täng ah hteit ni ä, kä cun ung ghangpughang ah chang gui naw ning hmu goi khai gui nei. Ngami kä ami ng’hlah law ba pha ah chuih hnüüp thum ung acu ah nani ng’thuh vai nei. Cun kawn ah nani hteh ba vai nei.

SUKI GUI 1:25

Ani naw lam shüm gui khäta, Epraim la Manasseh gun aw mang gaw ung chang cu ngawn yawp ci gui, acun ah chang la akyongchang bäng kä ngawn ci gui.