JOSHUA 6:22 - Cho Bible Common Language 2016

²² Cun kawn ah Joshua naw ng’däät ciah chang goi cu m’thein goi ne, “Plet ciah hnumi ah im ah lut ni neta, nani shaitak te ah mäih ah ani la akyong chang gui cu na ni law püi vai” cik ci.

JOSHUA 6:22 Referans Kwoze

HEBRU 11:31

Hlawhhlangnu Rahab cu ng’däät ciah chang gui dou gui ne ang khawt püi gui ah hmawk ah, Khanpughi kä yum ci gui awn a täng ah kä a mi ngawn tu cu a yum nak awn ah kyak ci.

JOSHUA 6:17

Mang gaw la mang gaw kyong ah om ci nü m’di yawp vai nei. Cun cu Bawipa am douthak ah kyak ci nei. Chang plet Rahab ah kyong khui chang phung k’phyawn vai nei, a i ah kyasei ci ung ani naw mi ng’däät sak ah chang gui cu k’phyawn gui ci nei.

EZEKIEL 17:16

Uktu Bawipa naw pyen ci, “kei cu ghing ciah khanpughi akcang ah ka kyak ci, Shin ah ghangpughang cu Babilonia ah sik khai, a i ah kyasei ci ung ani naw a thukhän cu m’shet ne mang kiang ung ngoh sak ciah Babilonia ghangpughang awn ani bi nak cu am shet ah phäh ah kyak ci.

EZEKIEL 17:13

Ani naw ghangpughang ah kyong Chang ungka tumat la ne ng’khawt püi neta abekhüt vai ah thukhän püi ci-Ani naw ng’khan nak vai ah küi kyang ciah Chang gui cu la gui neta

SAM 15:4

Ani naw Khanpughi hnu ng’tuk püi cicu päipih ci, cun ung phi Bawipa läk cicu m’tam khah ci, ani cu a shaitak ah mäih ah angtäi sei bik ci, a mät ah chaw a häu ung a i ah kä ngai ci.

2 SAMUEL 21:7

Cun ung phi ani la Jonathan naw theing ciah shaitak ani bi om ci kyasei, Saul a tu Jonathan ah hta, Mephibosheth cu David naw k’pawih nak ci.

2 SAMUEL 21:2

(Gibeon chang gui cu Israel chang ah kä kyak ci gui; Ngami cu Israel gui ami shung vong gui vai ah shai ami tak ah Amorit chang ken gui ah kyak ci. Cun ung phi Saul naw m’di gui khai ah k’tha nak ci, a i ah kyasei ci ung ani naw Israel la Judah gui ah phäh ah a khüi ghat ah phäh ah kyak ci.)

JOSHUA 9:15

Joshua naw Kibeon chang gui awn hmuhchum nak bi neta, om tu sak gui ci. Israel chang bum ah ami ng’vai gui naw hmuhchum nak bi vai ah khäng ciah shaitak pe gui ci gui.

JOSHUA 6:23

Cun ah kyasei ngani hteit ni ne, Rahab law püi ni ne, anu la apa ni, a phäi nau gui la a kyong chang gui avan law püi ci goi. Ngami naw ami kyong chang la ami changshäm gui ami van law püi u ne, Israel gui ah phung pei ah phyawng khai gui ah tha gui ci gui.

SUKI GUI 1:25

Ani naw lam shüm gui khäta, Epraim la Manasseh gun aw mang gaw ung chang cu ngawn yawp ci gui, acun ah chang la akyongchang bäng kä ngawn ci gui.