JOSHUA 6:21 - Cho Bible Common Language 2016

²¹ Mang gaw ung om ciah pami, hnumi, a hmaw ang vai, chang nünü ngawn yawp ci gui. Sei ni, me ni, ng’se la gui phi ngawn yawp ci gui.

JOSHUA 6:21 Referans Kwoze

JEREMIAH 48:18

Dibon ung om ciah nang mi, m’taam nak ah hmun nami om nak ungka kyum law ne, m’dek ung m’vut ung ngo vä; Moab m’di ciah chang cu shin ung om ne, acun ah mang gaw k’pang gui cu m’di pyi ci nei.

THU PHLAAN 18:21

Cun kawn ah k’thamah pi ciah khankho chang naw lungsum teih lawk ciah lungnu cu, la ne tuinu ung yuk shum netah “Babilon mang gaw cu a shin ah mäih ah tui ung yuk shum khai gui nei, a ngawi ah phi kä dang law ba khai nei.

1 GHANGPUGHANG GUI 20:42

Prophet naw ghangpughang pyen nak ci, “Shin cu Bawipa ah ng’thu nei: ‘Kei naw ngawn vai ah ka k’bäi pyi ah chang cu nang naw na luat sak ci, acun ah hnün ung nang naw na hnun gui na pek khai, ani ah gakap na luat sak ah phäh ah na gakap cu m’di vai nei.

1 SAMUEL 15:8

Ani naw Amalek ghangpughang Agag cu akghing ah pha ne, chang gui avan ngawn gui ci.

1 SAMUEL 15:3

Amalek chang gui cu hteit ne tu gui vä, ngami ung om ci phung m’di yawp vä. A i phi kä nami k’pawih nak vai; chang avan pami, hnumi, akhmaw, nau sen; htome, kala uk la ng’sela avan nami ngawn vai.”

JOSHUA 11:14

Israel gui naw mang gaw gui ungka a phu küi gui la vuhchah gui cu la u ne, kaa nak ci gui. Cun ung phi chang nü ngawn ci gui, a u kä m’ghin ci gui.

JOSHUA 10:39

Ani naw cun cu, cun ung om ciah ghangpughang la a pei yung ah gawnu gui mah ah khäm ci. Acun ung ci nü cu ngawn ci gui. Joshua naw Hebron la Libnah la acun ung om ciah ghangpughang ah khan ah a bi ah mäih ah Debira ghangpughang ah khan ah phi bik ci.

JOSHUA 10:28

Joshua naw Makkedah la cun ung ghangpughang cu, acu hnüüp tu ne khäm ci, mang gaw ung om ci päng ngawn ci, a u kä m’ghin ci. Ani naw Jerikho ghangpughang a ciah mäih ah Makkedah ghangpughang phi cik ci.

THULÄÄN NAK 7:16

Bawipa nami Khanpughi naw nami huham kyong ung a tha ah pakhui päng cu nami m’di vai. Chimgein nak api phi kä nami m’dang en vai. Ngami ah khanpughi gui kä nami khawihnah en tu vai. Cun cu sih nak ü awng ah kyak khai.

THULÄÄN NAK 2:34

Acun ah khin ung keimi naw gawnu nü nü tu ne näng u ne, chang nü pami, hnumi, ak hmaw gui avan kami ngawn ci. A u kä kami pawih nak ci.

THULÄÄN NAK 13:16

Acun ung om ciah chang gui ah khawh avan cu atäng ah nami law püi vai, gawnu ang lung ung nami bum vai. Cun kawn ah gawnu cu nami m’khih vai, acun ungka a päng cu Bawipa nami Khanpughi am douthak ah kyak ci. Cun cu dishum khai ah ngawiyä nawng vai. Api ah phi kä cawh kyan ba vai.

JOSHUA 8:2

Nangmi naw Jerikho la a ghangpughang ah khan ah nami bi ah mäih ah Ai la a ghangpughang ah khan ah nami bi vai. Cun ung phi tuhbäi ungläi ami khawh gui la ami vuhchah gui cu nami kaa vai ah nami lak vai. Mang gaw cu a hnu täng ung ma ne ang ghit ah nami tuk vai ah nami pawng vai, ciah kyak ci.

JOSHUA 8:22

Mang gaw kyong ah om ciah Israel gui cu dawng law ne ng’tu law tuk ci gui. Cun ah kyasei Ai ung chang gui naw, Israel gui naw khaai ne ami koi gui cu hmuk ci gui. Cun kawn ah ngami naw ami van ngawn gui ci gui. A u kä phyawng ci, a u kä ghing ci.

JOSHUA 9:3

Cun ung phi Kibeon chang gui Hivit gui naw, Jerikho la Ai ah khan ah Joshua ah bi cu ng’ya u neta,

JOSHUA 11:11

Ngami naw cun ung chang nü cu ngawn ci gui, a u phi kä ghing ba ci, mang cu m’khih ci gui.