JOSHUA 6:19 - Cho Bible Common Language 2016

¹⁹ Ngui, ghui, kyei la m’sii awn pyan phung cu Bawipa ah phäh ah nami tha vai. Cun cu Bawipa ah m’küm ung gim vai kyak ci.

JOSHUA 6:19 Referans Kwoze

MATTHE 27:6

Taigüpa naw cun ah tangka cu kaw netah, “shin cu sikplai ngui ah kyak ci, mi thukhän awn hnung tuk ci kyasei, pum im ngui m’küm ung käm dawn tu vai,” cik ci.

1 SHONTÄP NAK 26:20

Ahei ami Levit-paw gui cu Taigüim ung khawhcham gui la Khanpughi am ami ap ah m’cümhnah nak tha nak ah khan gui ngäng ci gui.

MAKUH 12:41

Bawipa Jesuh cu pum im kyong ah khawh ami peit nak ah m’küm pei ah ngoh netah, cun ah m’küm ung chang gui naw ami peit ah ngui ami ghawn law cu teng gui ci. Bühmang ciah chang gui naw ngui akda ghawn ne pek ci gui.

NEHEMIAH 10:38

Bumgha bum ät loh yah ung Aaron ah hta ng’shon taigü gui cu Levit gui awn atäng ah om khai gui. Levit gui naw bumgha bum ät ami gah avan ah bum gha bum ät ba cu, Taigüim ung mang vai ah, Taigüim gimkaw nak kyong ah law püi khai gui.

1 SHONTÄP NAK 18:11

Ghangpughang David naw cun gui cu ani naw anäng ah chang pakhui gui — Edom, moabm Ammon, Philistia la Amalek ungka alak ah ghui ngui gui mah ah khawihnah nak ung mang vai ah ap ci.

2 GHANGPUGHANG GUI 24:13

Ani naw Taigüim ungka la mang im ungka khawchaam avan Babilon ah hteh püi ci. Bawipa naw angcä ah mäih ah, Nebukhadnezzar naw, Solomon ghangpughang naw Taigüim ung mang vai ah ghui awn a pyan ah khawh chaam gui cu avan m’shet yawp ci.

1 GHANGPUGHANG GUI 7:51

Ghangpughang Solomon naw Taigüim ung bilawh gui avan pyi neta, apa David naw Bawipa am a ap gui avan ngui ni, ghui ni, a hei khawh gui avan cu Taigüim khawh tha nak ah akhaan ung tha ci.

2 SAMUEL 8:11

Ghangpughang David naw cun ung cu khawihnah nak ung mang vai ah ap ci. A hei pakhui gui näng ne a gah ah ghui ngui gui phi khawihnah nak ung ap ci, cun ah pakhui gui cu —

MIKHAH 4:13

Bawipa naw, “Jerusalem chang gui, hteit ne nami ga gui cu m’kyuk gui vä! Kei naw nang cu m’si ki na ne, kyei khopaw nak ciah sei ah mäih ah ka ning gai sak khai. Nang naw changpakhui akda cu na deeng gui khai, akshe bi ne ami gah ah khawh gui cu nangmi naw kei, m’dek khan ung avan ah Bawipa am nami na pek khai.”

2 SHONTÄP NAK 31:12

M’cümhnah gui la bum gha bum ät avan cu acun ung ng’geing khai ah tha ci gui. Ngami naw cun ngäng khai ah Levit Konaniah cu angvaipi ah tha u ne, a nau Shimei cu ani tawi khai ah tha ci gui.

2 SHONTÄP NAK 15:18

Ani naw apa Abijah naw Khanpughi ung a ap ah khawh gui avan la amät naw a ap ah ghui la ngui khawh gui cu, Taigüim ah kyong ah tha ci.

1 SHONTÄP NAK 28:12

Ani naw Taigüim kyong la angveing yung ah akhan gui, Taigüim ung mang ah khawh gui la Bawipa ami pek m’cümhnah nak gui tha nak ah akhan gui, am lung kyong ung om ciah a mawng avan pe gui ci.

1 SHONTÄP NAK 26:28

Shelomith la akyong chang gui cu, Taigüim ung mang vai ah ami ap gui phung phung, prophet Samuela a pek, Ghangpughang Saul ah pek Nera ah hta Abner la Zeruiah ah hta Joab ni ah pek lah m’cümhnah gui mah mah ah m’htei ci gui ah kyak ci.

1 SHONTÄP NAK 26:26

Shelomith la akyong chang gui cu Ghangpughang David ni, kyongchang ami ng’vai gui ni, pahta ung ami ng’vai gui ni. Gakap bawi gui ni naw Khanpughi am ami ap ah m’cümhnak nak avan cu m’htei ci gui ah kyak ci.

1 GHANGPUGHANG GUI 14:26

Ani naw Taigüim la mangim ung khawh gui avan cu lak ci, Solomon ah pyan ghui shawiphaw phi lak ci.

JEREMIAH 38:11

Ebedmelek cu chang gui awn mang im m’kümkhan kyong ah hteit neta, k’pyon gui la neta, gui awn na yuk chak lawk ci.

KHEI NAK 31:22

Mei naw kä a uih hlawt gui ah ghui, ngui, kyei, m’si, kyei bawk, khe gui cu mei awn m’khih ne ng’gängsei sak gui vai. Apäng avan cu ang ng’gängsei vai ah phäh ah tui awn ng’gängsei sak vai.

TAIGÜTHUM 19:24

A kum phli kum, am theih avan cu douthak nak ah nami ap vai. Cun cu kei, Bawipa ung m’tamkhah nak nami m’dang nak ah kyak khai.

KHEI NAK 31:11

Ngami naw pha ne ami guttep gui avan hteh püi ci gui, thawngkyum gui la seime gui phi hteh püi ci gui,

KHEI NAK 31:12

Cun gui cu ngami naw Moses la Eleazar la Israel chang bum avan ah ma ah law püi ci gui, cun sangung ngami cu Jordan ungka naw Jerikho ah hteh nak lam Moab khawdou ung shaum pigaw co ne om ci gui.

JOSHUA 7:11

Israel gui hmakak ci gui nei! Kei awn ami yum ghawm ah, ami k’pan vai ah kei ah thukbäi cu plawh pyi ci gui nei. M “dimshum vai ah phyuntam ah khawh amshah cu lak ci gui nei. Ngami cu m’gu u ne, acun ah mawng ung hleei u neta ami mät ah khawh ah tha ci gui nei.

1 SHONTÄP NAK 26:27

Ngami naw ng’tuk nak ung ami guttep gui cu law püi u neta, Taigüim ung mang vai ah ap ci gui.