JOSHUA 6:17 - Cho Bible Common Language 2016

¹⁷ Mang gaw la mang gaw kyong ah om ci nü m’di yawp vai nei. Cun cu Bawipa am douthak ah kyak ci nei. Chang plet Rahab ah kyong khui chang phung k’phyawn vai nei, a i ah kyasei ci ung ani naw mi ng’däät sak ah chang gui cu k’phyawn gui ci nei.

JOSHUA 6:17 Referans Kwoze

THULÄÄN NAK 20:17

Chang avan m’htin ne nami m’di vai. Hittit gui, Amorit gui, Kanaanit gui, Perizzit gui, Hivit gui la Jebusit gui cu Bawipa naw a ning k’bäi gui ah mäih ah nami m’di gui vai.

JAMES 2:25

Acun ah mäih ah hlawhlaang ciah Rahab ah mawng cu kyak ci. Ani naw Israel chang sübük ci gui cu, dou gui netah phyawng ne alam hei ung ami hteh ba vai ah m’thei gui ci. Cun ah a hnünthawh nak awn ani cu Khanpughi ung düng nak gah ci.

MIKHAH 4:13

Bawipa naw, “Jerusalem chang gui, hteit ne nami ga gui cu m’kyuk gui vä! Kei naw nang cu m’si ki na ne, kyei khopaw nak ciah sei ah mäih ah ka ning gai sak khai. Nang naw changpakhui akda cu na deeng gui khai, akshe bi ne ami gah ah khawh gui cu nangmi naw kei, m’dek khan ung avan ah Bawipa am nami na pek khai.”

HEBRU 11:31

Hlawhhlangnu Rahab cu ng’däät ciah chang gui dou gui ne ang khawt püi gui ah hmawk ah, Khanpughi kä yum ci gui awn a täng ah kä a mi ngawn tu cu a yum nak awn ah kyak ci.

HEBRU 6:10

Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

KALATIAN 3:12

Cun ung phi thukhän cu yum nak awn api ah phi kä ng’pha ci. Cacim ung, “Thukhän ung om ci phung-läk ciah chang cu ghing khai nei,” ciah om ci.

KALATIAN 3:10

Thukhän läk vai bäng ngaih u ci gui cu acun naw kyuk gui ci. Cacim theing ung, “Thukhän ca uk ung ami guk phung kä läk ciah chang cu Khanpughi naw m’kyuk ci,” ciah om ci.

1 KORIN 2:7

Kei naw ka ng’shäu ah Khanpughi ah ng’cim ciah cüivai nak cu, hnicim chang ah maa ah ng’yih ciah cüivai nak ah kyak ci. Cun cu khodek kä a tüisho pha ung mikmi ah bämang nak vai ah a güi pyi ah kyak ci.

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

ATÜNNAK 12:3

Hriham ning pek ci cu, Hriham ka pek khai, Ning plah taam ci cu, Ka plah taam khai, Nang ung chang pakhui avan cu, Hriham ka pek khai” cine pyen ci.

1 KORIN 16:22

A u chang phi Bawipa kä m’hni ci phung cu — kyuk sä! Marana tha — Kami Bawipa Kyum law ä!

EZEKIEL 39:17

Uktu Bawipa naw na pyen nak ci, “Hnicim chang, shin ah ang veing avan ungka, kha gui la khisa gui avan cu, kei naw ka pyan pek gui ah khawihnah nak ami ei law vai ah khü gui ä. Cun cu Israel khomhtung khan ah dämduh ciah ei ah kyak khai nei, acu ah ngami naw sa ei ne si awk khai gui nei.

JEREMIAH 46:10

Shin cu m’gäi ciah uktu Bawipa ah hnüüp ah kyak ci nei; tuh ngawi ani naw phu tuk khai; tuh ngawi ani naw aga gui m’kyuk khai nei. Ani ah khimsen naw abe güt ung ei gui khai, a kyä güt ah ami si aw gui khai nei. Tuh ngawi m’gäi ci naw a ghuh ng’tha nak vai awn khawihnah ci nei. Asiip täng Euphratis ung ah kyak ci nei.

ISAIAH 34:6

Khawihnah nak ah htome la me ah asi la athai khim ung a kawk ah mäih ah ani ah khimsem cu ngami ah si lo thai naw küm khai. Bawipa naw shin ah khawihnah nak cu Bozrah mang gaw bik khai; ani naw shin ah däimduh ciah ngawn sih nak cu Edom kho ung bik khai.

EZRA 10:8

Cun cu chang gui ah ami ng’vai gui ah thukbäi awn ah kyak ci. Chang tumat mat cu hnüüp thum ah kyong ung kä a law tu ah a kyak ung, akhawh avan lak pek vai. Chang bum ung a om tu nak hning cu shum khai.

1 SAMUEL 15:6

Ani naw Kenite chang gui ah ng’thu m’shäk ci, ngami ah pupa gui cu Israel gui Egypt ah ka ami law ba yah ung m’gein tuk ci gui ah kyak ci: “A hei ah hteit vä, Amalek gui hteh ta gui vä, cun ung ngami awn a täng ah kä ka ning ngawn gui khai” cik ci. Cun ah kyasei Kenite chang gui a hei ah hteit ci gui.

JOSHUA 7:1

Bawipa naw Israel ang thumkhän ah, Jerikho ungka api phi a i phi kä lak vai, m’di m’shum yawp vai, cicu kä läk ci om ci. Achan ming nak ciah chang naw cun ah thukbäi cu kä läk ci. Cun ah kyasei Bawipa cu Israel gui ah khan ah m’lungshe ci. (Achan cu Karmi ah hta, Zabdi ah tu, Zerah pahta, Judah pakhui ah kyak ci.)

JOSHUA 2:22

Ng’däät ciah chang goi cu khomhtung täng ah dawng ne ng’thup ci goi. Ghangpughang ah chang gui naw hnüüp thum ung khaw avan ung shui goi ci gui. Cun ung phi kä hmu goi ci gui, cun ah kyasei ngami cu Jerikho ah hteit ba ci gui.

JOSHUA 2:1

Cun kawn ah Joshua naw ng’däät khai ah chang hnih cu Akaciah phuung ungka naw Kanaan khaw, aktung pi ah Jerikho mang gaw cu adüm ah däät khai goi ah m’cäi ne tüi goi ci. Ngani cu mang gaw ah gawk ni neta, chang plet Rahab ah im ah hteit ne acu mü om tuk ci goi.

1 SAMUEL 15:3

Amalek chang gui cu hteit ne tu gui vä, ngami ung om ci phung m’di yawp vä. A i phi kä nami k’pawih nak vai; chang avan pami, hnumi, akhmaw, nau sen; htome, kala uk la ng’sela avan nami ngawn vai.”

TAIGÜTHUM 27:21

M’thawh Banak ah a hneng Kum a gawk law ah a kyak ung cun ah lolai cu Bawipa naw a khäm ah khawh ah kya lawk ci. Cun cu taigü gui naw ami khäm vai.