JOSHUA 6:1 - Cho Bible Common Language 2016

¹ Israel gui kä ami luh hlawt vai ah Jerikho m’kawt cu ak htek ah khai ne ngäng ci gui. Mang gaw ung a u kä luh lang ci.

JOSHUA 6:1 Referans Kwoze

JOSHUA 2:24

ani pyen cu, “Akcang kani pyen ci, Bawipa naw shin ah khaw avan cu na pe gui pyi ci nei. Acu ah om ciah chang avan naw na kyih gui ci gui nei” cik ci goi.

SAM 127:1

Khanpughi naw im kä a cawh ung, Im co ciah bi cu a kholä ah kyak ci; Khanpughi naw gaw kä a ngäng ung, Gaw ngäng ciah ngäng cu a kholä ah kyak ci.

JOSHUA 2:7

Ghangpughang ah chang gui hteit ba u khäta, mang ah m’kawt cu khai ci gui. Ngami naw ng’däät ciah Israel chang goi cu Jordan tuinu kah nak ah lam ung khüt ne shui ci gui.

2 GHANGPUGHANG GUI 17:4

Cun ung phi kum ät ung Hoshea naw Egypt ghangpughang So ah ng’shä tüi ne, ani naw abawm tu vai ah pyen neta Assiria am phlam kä pek ba ah om ci. Shalamanese naw cun cu hmat law neta Hoshea cu pha ne thawng ung chum ci.

JOSHUA 5:15

Bawipa ah gakap bawi naw pyen nak ci, “Na phahnak suut ä, nang cu atheingcim hmun ung na ng’düi ci nei.” Ani naw a pyen ah mäih ah Joshua naw bik ci.

JOSHUA 6:2

Bawipa naw Joshua pyen nak ci, “Kei naw na kut ung Jerikho cu ka ning m’shum ci, Acun ung ghangpughang la nget ciah gakap gui avan mah mah ah kyak ci.

JOSHUA 2:1

Cun kawn ah Joshua naw ng’däät khai ah chang hnih cu Akaciah phuung ungka naw Kanaan khaw, aktung pi ah Jerikho mang gaw cu adüm ah däät khai goi ah m’cäi ne tüi goi ci. Ngani cu mang gaw ah gawk ni neta, chang plet Rahab ah im ah hteit ne acu mü om tuk ci goi.

JOSHUA 16:7

Janoah ungka naw yu kyum ba ne, Ataroth la Naarah ung gawk ne, cungka Jerikho ung gawk ba ne Jordan ung khüt ci.

JOSHUA 18:21

Benjamin pakhui kyongchang gui naw ami khäm ah mang gaw gui cu; Jerikho, Beth Hok Lah, Emek Keziz,

2 SAMUEL 10:5

Ngami cu ang htei ah ng’a ne, ami im ah hteit ba ci gui. Cun ah a mawng gui cu David naw ng’ya neta, ami m’gawng mu kä ah sei ba pha ah chuih kä law ba ne, Jerikho ah ami om vai ah thu m’khäh gui ci.

2 GHANGPUGHANG GUI 2:4

Elijah naw Elisha aw, “Tuhbäi shin ung om shüt ä; Jerikho ah ka hteh vai ah Bawipa naw thu nak bäi ci nei” pyen nak ci. Cun ung phi Elisha naw, “Ka bekhüt nak la ghing ciah Bawipa la nang ah ma ah ng’taam ne ka pyen ci, kei naw kä ka ning hteh tak khai” cik ci. Cun ah kyasei ngami cu Jerikho ah hteit ci gui.