JOSHUA 5:9 - Cho Bible Common Language 2016

⁹ Bawipa naw Joshua a pyen nak cu, “Egypt ah changshäm ah kya ne nami thüi nak ungka, tuhngawi kei naw ka ning ng’nawn sak gui ci.” Cun ah kyasei cun ah hmun cu Kilkal ah ami sui ah kyak ci, cun cu tuh güt om ci.

JOSHUA 5:9 Referans Kwoze

1 SAMUEL 17:26

David naw a pei ah ka gui cu ng’shi gui ne, “Shin ah Philistin chang ngawn ne Israel gui cäi ng’ä nak ung phyawn sak ciah chang naw a i gah khai ang? Ghing ciah Khanpughi ah gakap ghet taap ciah shin ah chang hei Philistin chang cu a u ang?” cik ci.

JOSHUA 4:19

A cha ät nak ah a hnüüp gha hnüüp ung chang gui naw Jordan tuinu cu hei kat u neta, Kilkal ung phung tuk ci gui, cun cu Jerikho a kyangtäng ah kyak ci.

ATÜNNAK 34:14

Ngami naw, “Kami bee cu vun aat ne kä ng’kyon ciah chang awn kä kami ng’pui khah sak hlawt khai, cun cu thui ng’aa nak vai ah kyak khai.

TAIGÜTHUM 24:14

“Cun ah chang cu shaum pigaw k’pung ah hteh püi vä. Ani ah ang plah ng’ya tuk ci phung naw, ani shekak ciah m’dang nak ah a kut alu khan ah taih sä. Cun kawn ah changbum van naw lung awn vawi ne ngawn vä.

EZEKIEL 23:8

Ani naw angla mihta nak ashum nak ah Egypt ah a tün cu k’täi ne bik ci. Ani hnumi hta ah a kyak yah ung Chang gui naw ani cu ih püi u ne, pawm zau Chang ah mäih ah om püi ci gui.

EZEKIEL 23:3

Ngani ani hmaw yah ung Egypt ah om ci goi, ngani cu ani hta ah ani kyak nak shum ni ne pawm zau Chang ah kya lawk ci goi.

JEREMIAH 9:25

Bawipa naw pyen ci, “Kei naw shin ah chang gui ka m’kyuk nak gui vai ah akhin cu gawk lawk ci nei: Egypt, Judah, Edom, Ammon, Moab, la khong gau kho chang gui, ngami cu ami lu ak tawi ah k’teiu ci gui ah kyak ci. Shin gui ami van cu ami vun-aat ci gui ah kyak ci, cun ung phi acun dang sak ciah thukhän cu ngami naw kä k’pang ci gui. Shin ah chang gui la Israel chang gui a u naw phi kei ah thukhän kä k’pang ci gui.

SAM 119:39

Kei naw ka kyih ah shedam nak ung na hun ä; Na m’khoi m’cha nak cu cäi aih vai kyak ci nei!

1 SAMUEL 17:36

Kei naw kawng gui la khawm gui cu ka ngawn ci, shin ah khuihei Philistin acun ah mäih ah ka cik khai, ani naw ghing ciah Khanpughi ah gakap gui cu gheet taap gui ci.

1 SAMUEL 14:6

Jonathan naw chang nong am, “Philistin chang hei gui ah phung ah ni va ng’kat khai. Bawipa naw na m’htei goi hman khai; ana m’htei goi ah a kyak ung kä ma ne, näng nak na pe goi khai, mi ken ung phi a i kä kyak khai” cik ci.

JOSHUA 24:14

Tuhbäi cun kawn ah, Joshua naw k’täi ne, “Bawipa cu m’tamkhah ne kyäp nep nak la bekhüt nak awn abii nami bi vai. Egypt la Mesopotamia khaw ah nami pupa gui naw ami khawihnah man ah khanpughi gui cu nami phyawn nak gui vai, Bawipa bäng ah khut nami bi vai.

JOSHUA 5:8

Vun-ah nak ami bi kawn ah pakhui ami van cu vun ami ah a khan güt phung ung om ci gui.

1 SAMUEL 7:16

Akum tä sei Bethela, Gilgal la Mizpah gui cu m’hleh ci, cun ah hmun gui ung ng’cuh can nak avan cu dim sak ci.

2 SAMUEL 19:15

Cun ah kyasei ghangpughang cu Jordan ung gawk lawk ci, Judah chang gui cu ghangpughang hmuk khai gui ah Gilgal ung gawk lawk ci gui, ngami naw tuinu kah nak ung phi ngäng m’htei khai gui.

MIKHAH 6:5

Ka chang gui aw, shüm ba vä. Moab ghangpughang Balak naw nangmi ah khan ah a i bi vai ah a pawng, Beor ah hta Ballam naw a i ah am shan, Akacia ah phung la Kilkal ah ng’lak ung, a i ah kyak ci, cicu shüm ba vä. Cun gui nami shüm ba ung kei naw a i cha ah ka ning hun gui cu nami hmat khai nei” cik ci.

ZEPHANIAH 2:8

A hlüngtai säih Bawipa naw, “Moah la Ammon chang gui naw ka chang gui cu päipih shedam na u ne, ami khaw phi gut gui hlük ciah ka ng’yak ci.

NEHEMIAH 12:29

Bethkilkala, Keba la Azmaveth ung ka law ci gui.

HOSEA 4:15

“Nangmi Israel chang gui cu kei ung kä nami bekhüt pang ung phi, Judah gui naw cun ah mäih ah cheishoh nak kä bi en u sä. Kikal la Bethaven ung kä khawihnah en u sä. Cun ung ghing ciah Khanpughi ah ming awn shaitak kä bi en vä.

AMOS 5:5

Beersheba khawihnah vai ah kä nami hteh vai, Bethela ung kei nami na hmuh vai ah kä nami tha nak vai, Bethela cu akholä ah kia lawk khai. Kikal ah kä nami hteh vai — ani ah chang gui cu omktu ah ng’yiin khai gui.”