JOSHUA 5:14 - Cho Bible Common Language 2016

¹⁴ Cun ah chang naw, “Ka nei, Kei cu shin ung Bawipa ah gakap bawi ah ka kyak ci nei” cik ci. Joshua naw m’dek ung bawp ne khawihnah neta, “Bawi aw, kei cu na na changshäm nei, a i ka bi vai ang na ng’yak hlü?” cine ng’shik ci.

JOSHUA 5:14 Referans Kwoze

ISAIAH 55:4

Kei naw ani cu pakhui gui ah ang vaihta la gakapbawi ah ka pyang ci, kei naw cun gui awn ani ungka naw ka huham ka m’dang ci.

ATÜNNAK 17:3

Abram cu a hmai m’kyum ne kawp khätah Khanpughi naw,

LUKA 20:42

David ghangpughang amät naw Salan cacim ung; “Bawipa naw ka Bawipa-am, Na gaa gui cu na kho kaa ah ka gawk sak gui yawp khai.

DANIEL 12:1

Linen sui sui ciah Khanpughi naw pyen ci, “Cun ah akhin ung na chang gui ngäng ciah dämduh ciah khanchang Michaela cu dang lawk khai. Cun kawn ung changpakhui gui ami om kawn ah kä kya man ciah khüikha nak pikbäih ah akhin cu gawk lawk khai. Cun ah akhin a gawk law ung Khanpughi ah ca-uk ung aming ami guk ah na pakhui ungka chang avan cu hun nak gah khai gui.

DANIEL 10:13

Persia uktu ah khanhta ng’piang naw hnüüp m’ku lei ät ung na hnu nak ci nei. Cun kawn ah khanchang gui ungka ang vaipi tumat Michaela naw law ne kei cu na m’htei ci, a i ah kyasei ci ung Persia ung kei cu ka mät hta bäng ka om shüt ciah kyak ci.

THU PHLAAN 12:7

Cun kawn ah khanmawpi ah ng’tuk bi nak om ci. Michaela la ak khanchang gui naw, shawk cu ng’tuk püi ci gui. Shawk la ak khanchang gui naw phi ng’tuk tu ba püi ci gui.

JOHAN 20:28

Thomas naw, “Ka Bawipa La Ka Khanpughi ah na kyak ci nei” cine pyein ci.

MATTHE 22:44

Bawipa naw ka Bawipa-am, Na ga gui na kho kaa ah kä ka gawk sak pha ah chuih, Na ngoh vai,’ ciah David Ghangpughang naw pyein ci.

MATTHE 8:2

Cun sang ung kheilei ung gaw ciah chang tumat cu, Bawipa ah ma ah m’kuukdoong netah, “Bawipa na ng’yak hlü a om ung kei ah gaw nak cu na theek sak ä,” cik ci.

ISAIAH 6:8

Cun kawn ah Bawipa ah ng’thu ka ng’yak cu, “A u ang kei naw ka tüih kaw? Kei naw m’shang ne,” kei natüi ä! Ka hteit khai nei!

KHEI NAK 16:45

“Shin ah chang gui ah ami hnu ung ng’düi vä, Kei naw a shin ung ka m’di law gui khai.” Ngani ani nik hnih cu m’dek ung hmai na ne kawp ni neta,

HEBRU 2:10

Apäng avan tüisho ngäng bom ciah Khanpughi naw, a hta akda gui am abäkhäk nak, a teipai nak gui ah, geinvai nak a aut sak nak awn Bawipa Jesuh cu kümbe sak ci. Cun ah Khanpughi naw a bi cu düng ci, a i ah kyasei ci ung cun ah chang gui hun nak ah hteh püi gui ci cu, Bawipa Jesuh ah kyak ci.

PHILIPPIAN 3:8

Cun bäng ah kä kyak ciah Bawipa Khrit Jesuh ka hmat nak tu cu apäng avan ah küikyang pi ci kya sei, ayan kaa gui cu kei na ghawi sak ci gui ah ka hmat ci. Kei naw Bawipa ah hmawk ah apäng avan cu ka ghawt shüt ci. Bawi Khrit kei ung a gawk law vai la

LAMKTU 9:6

Acun ah k’aw naw, “Kei cu nang naw nak dudeiu nak ah Jesuh nei, cun ung phi tuk bäi ng’düi law ba neh, pigawnu kyawng ah hteit ä, cun kawn ah na bi vai cu na hmat lawk khai nei” ci neh kyak nak ci.

LUKA 1:43

A i ah kya ne, kei ah khan ah shin ah hlüngtai nak gui a gawk law ang?

SAM 110:1

Bawipa naw ka bawipa am, “Ka patlam ah shin ung ngaw ä, Na ga gui cu na kho ka ah kä ka ngon sak pha ah chuih ngaw ä” pyen nak ci.

TAIGÜTHUM 9:24

Ang ghit ah Bawipa naw mei yuk chah sei, acun naw sonkiang khan ungka m’khih ne douthak la a thau gui cu ui yawp ci. Chang gui naw cun cu hmu u neta, ami van m’lau u ne, ami hmai naw m’dek tawn khai ah kawp ci gui.

PHYAWN NAK 4:10

Cun ung phi Moses naw, “Ka nei, Bawipa aw, kä na tüi en ä, kei cu ng’thu thei ciah kä ka kyak ci, nang naw na na ng’thu püi yah ung phi kä ka ng’thu thei ci. Kei cu kä ng’thu hlawt ne, shokshü ne, am kha gih ciah ka kyak ci.

ATÜNNAK 17:17

Abraham naw a hmai naw m’dek tawn khai ah kawp neta, amlung kyong ah gaih ne, a khawkum phia law pyi ciah chang cu hta ba hning khai aw? Khawkum 90 law pyi ciah Sarah cu hta hning khai aw?” cine amlung kyong ah ngaih-tüh neta;

LUKA 5:12

Kho hnüüp ät ung Bawipa Jesuh cu pigaw tumat ung gawk lawk ci. Cun ah pigaw ah kheilei ung gaw ciah chang tumat om ci. Ani naw Bawipa Jesuh cu hmu netah, ama ah kawp ne, “Sayapa, na ng’yak hlü a om ung na theingthap sak ä” cik ci.

KHEI NAK 16:22

Cun ung phi Moses la Aaron naw ani hmai m’dek ung tawn khai ah ng’boop ni neta, “O Khanpughi, nang cu ghin nak avan ah a phung ah na kyak ci, chang tumat akat ung chang bum van ah khan ah na m’lungshe ne ma?” cik ci goi.

PHYAWN NAK 4:13

Cun ung phi Moses naw, “Ka nei, Bawipa aw, na bä ni, chang a hei tüi ä” cik ci.

SAM 24:10

Ghangpughang mang cu a u ang? Ani cu, hlüngtai ciah Bawipa, Ghangpughang mang nei!

KHEI NAK 22:31

Cun kawn ah Bawipa naw cun ung khim kawt ne ng’düi ciah khanchang cu Balaam am hmuh sak ci. Balaam cu m’dek täng ah a hmai kawp ne m’dek ung yung bawlawk ci.

JOSHUA 20:1

Bawipa naw Joshua a pyen nak

2 SAMUEL 7:19

Cun ung phi uktu Bawipa, tuhbäi phi nang naw na bi lä ci nei; lawk ciah kho kum gui ung kei ah hta ng’shon vai gui cu nang naw shaitak na bi pyi ci nei. Cun cu nang naw chang am na hmuh sak ci nei, uktu Bawipa!

2 SAMUEL 7:20

Kei naw a i ang ka ning pyen nak ba mä kaw! Nang naw na na hmat ci, na na changshäm.

EZEKIEL 3:23

Cun ah kyasei kei cu khongnawi ah ka hteit ci, Chebar Tuinu peiah ka hmuh ah mäih ah Bawipa ah bämang nak cu ka hmuk ci. Kei cu m’dek täng ah hmai na ne ka kiuk ci,

DANIEL 8:11

Khankho gakap gui ah manghta phi k’taap ne, ani am a hnüüptä ami douthak phi ng’düm sak ci.