JOSHUA 5:13 - Cho Bible Common Language 2016

¹³ Joshua cu Jerikho pei ah a om yah ung Khimsem kawt ne amät täng ah ng’düi ciah chang cu ang ghit ah hmuk ci. Joshua naw ama ah hteit neta ang shi cu, “Nang cu kei ah gakap ang, keimi ah ga ang?”

JOSHUA 5:13 Referans Kwoze

KHEI NAK 22:23

Ng’sela naw khimsem kawt ne ng’düi ciah khanchang cu hmu neta, lam phleng ne bung täng ah dawng ci. Balaam naw sela cu teiuh ne lam ung hteh ba sak ci.

ATÜNNAK 18:2

Chang sing thum ng’düi sei hmuk ci. Ani cu a hmuh gui vai am va lut ne, a hmai naw m’dek tawn khai ah kawp neta,

KHEI NAK 22:31

Cun kawn ah Bawipa naw cun ung khim kawt ne ng’düi ciah khanchang cu Balaam am hmuh sak ci. Balaam cu m’dek täng ah a hmai kawp ne m’dek ung yung bawlawk ci.

1 SHONTÄP NAK 21:30

Cun ung phi David cu cun ah hmun ung Khanpughi khawihnah vai ah kä hteit tuk hlawt ci, a i ah kyasei ci ung ani naw Bawipa ah khankho chang ah khimsem cu kyih ci.

DANIEL 10:5

Kei naw hang mang neta linen sui sui ne, ghui ni kheipat pat ciah chang tumat cu ka hmuk ci.

PHYAWN NAK 23:23

Kei ah khanchang cu na ma ung hteit neta, Amorit gui, Hittit gui, Perizzit gui, Kanaanit gui, Hivit gui la Jebusit gui ah khaw ah ning hteh püi khai, ngami cu kei naw ka m’di gui khai nei.

LAMKTU 1:10

Cun ah a kai kawn ung ang düihpüi gui cu, khankho cäi ne dan ci gui. Cun yah ung abauk sui ciah chang gawi ami pei ah ng’dang law ni ne tah,

ZEKHARIAH 1:8

Kei naw ng’se asen ng’cuum ciah chang tumat cu ka hmuk ci. Ani cu m’htai ghing gui ah hmu khaw ng’nawi ung düi ci. Ani ah hmu ah ng’se gui — asen, amvo la a bawk gui om ci gui.

1 SHONTÄP NAK 21:27

Bawipa naw khanchang am akhim a bun ba vai pyen sei khanchang naw ng’ngai ci.

SUKI GUI 13:11

Manoah cu tho law ne akchu cu läk lawk ci. Ani naw cun ah chang ah hteit neta ang shi cu, “Nang cu kei ah chu na ng’thu püi ciah chang ah kia ne ang?” Ani naw, “Ä” cik ci.

DANIEL 8:3

a cun ah tuinu ah pei ah htome khla om sei ka hmuk ci. Cun cu a ki hnih lawk ci, a ki tumat cu ahei tumat ah ng’shäi pi ne thai pi ci.

SUKI GUI 13:22

Moanoah naw akchu am, “Mikmi cu akcang ah mi sik khai nei, a i ah kyasei ci ung mikmi naw Khanpughi mi hmuk ci” cik ci.

JOSHUA 6:2

Bawipa naw Joshua pyen nak ci, “Kei naw na kut ung Jerikho cu ka ning m’shum ci, Acun ung ghangpughang la nget ciah gakap gui avan mah mah ah kyak ci.

ATÜNNAK 33:5

Esau naw hnumi gui la a hmaw gui cu hmu law gui neta, “Shin ah na khah püi gui cu a u gui ang?” cine ng’shik ci. Jaokb naw, “Ka bawi aw, shin ah a hmaw gui cu Khanpughi naw bä ne ana pek ah kyak ci nei” cine m’shang ci.

ATÜNNAK 33:1

Jakob naw Esau cu chang phia phli khah püi ne law sei hmuk ci. Cun ah kya khäta a hta gui cu, Leah la Rebekka ni, a changshäm gui ni am k’pai gui ci.

THU PHLAAN 1:13

cun ah mei-im gui ah ng’lung ah hnicim chang ah mäih tumat cu ka hmuk ci. Ani cu akhawphaa yuk pha khai ah suinu sui ne, ghui m’ciu vawp ci.

ATÜNNAK 18:1

Mamre sing ghing theing bung ah Abraham ah ma ah Bawipa ang dang ah mawng cu; khaw hnüüp lunglai yah ung Abraham naw a phung m’kawt pei ah ngo ne dan netah,

ATÜNNAK 28:16

Jakob cu tho law ba neta, “Akcang ah Bawipa cu shin ah hmun ung om ci — cun ung phi kei naw kä ka hmat ci” cik ci.

1 SHONTÄP NAK 12:22

A hnüüp tä sei chang thai gui cu David ah gakap ung ng’dawn law u sei, ani ah gakap cu anghtei ah khüighat lawk ci.