JOSHUA 5:1 - Cho Bible Common Language 2016

¹ Jordan ah akhei täng ungka Amorit ghangpughang gui ami van, Mediterranean tuinu yung ah om ciah Kanaanit ghangpughang gui am van naw, Israel chang gui naw kä ami kah yawp pha ah chuih, Bawipa naw Jordan tuinu a hu sak cu ng’yak ci gui. Ngami cu kyikyawk u ne, Israel gui ah phäh ah ami tha maih yawp ci.

JOSHUA 5:1 Referans Kwoze

KHEI NAK 13:29

Khaw ah a htumtäng ah Amalek chang gui om ci gui. Khaw gui täng ah Hittit gui, Jebusit gui la Amorit chang gui om ci gui. Kanaan chang gui cu Mediteranean tuinu pei la Jordan tuinukem yung ah om ci gui.”

1 GHANGPUGHANG GUI 10:5

Cun ah hnumi naw tawnglang ung ami pyan ah buhmeh gui, a bawi gui ah om nak ah im gui, mang im kyong ah bii k’bi gui ami m’düih m’thawh gui, la täng khai ah ami suisak gui, ei awk nak ung ani ngäng ciah changshäm gui, Taigüim kyong ah ami douthak ah khawihnah nak gui cu hmuk ci. Acun naw ani cu kä ng’ghi hlawt khai ah cäi sak ci.

THU PHLAAN 18:10

Ngami naw ani ah geinvai nak cu hmu u ne, ang htei ah kyikyawk u ne, asho nak ah ng’düi u netah, “Hlüngtai küikyang ciah mang gaw, Babilon! Cäi-aih vai thüi aih vai kyak ci nei. Nang cu nayi ät hta ah kyong ung m’shetkat nak na gah pyi ci nei” ci ne kiak khai gui nei.

AMOS 2:9

“Cun ung ka chang gui aw, nangmi ah hmawk ah Amorit chang gui cu ng’pyi khai gui ah ka m’di gui khai nei, ngami cu ceda sing güt law u ne, m’htai ghing hlawk ah khüi ci gui.

DANIEL 5:6

Ani cu a hmai ng’ham sei kyikyawk ne, am khuuk phi ng’tum ci.

EZEKIEL 21:7

A i ah kyasei na ng’hlaw ei ah ami ning shi law ah a kyak ung, ng’thu gawk law sei nei, cine na m’thei gui vai. Cun a gawk law ung, ngami ah m’lung cu kyih nak awn be khai, ami kut gui cu gung ne ng’bat khai, ami hnawk tha cu kya yawp khai, ami m’khuuk gui cu ng’tum khai. Akhin cu gawk law ci nei, cun cu a shin ung nei.” Uktu Bawipa naw a pyen nei.

EZEKIEL 16:3

Uktu Bawipa naw ani a pyen n ak cu Jerusalem am m’thein ä: “Nang cu Kanaan khaw ah ami ning hta nak nei. Na pa cu Amorit Chang, na nu cu Hittit chang ah kyak ci.

SAM 135:11

Cun gui cu Shihon, Amorit ghangpughang: Ok, Bashan ghangpughang; Kanaan kho ah ghangpughang gui ami van ah kyak ci.

EZRA 9:1

Shin gui avan bi pyi kawn ah Israel chang gui ah ami ng’vai gui amshah cu law u ne, ami na m’thein law cu chang gui taigü gui la Levit gui cu ami pei yung ah khaw ah kyak ciah Ammon, Moab la Egypt khaw gui awn phi kya, Kanaanit gui, hittit gui, Perizzit gui, Jebusit gui la Amorit gui awn, phi ky a, ami mät ng’khoi chak khai gui ah kä om ci gui. Ngami cu cun ah chang gui naw shemshai ci gui, ami bi man ah mäih bä ah bik ci gui.

2 SAMUEL 21:2

(Gibeon chang gui cu Israel chang ah kä kyak ci gui; Ngami cu Israel gui ami shung vong gui vai ah shai ami tak ah Amorit chang ken gui ah kyak ci. Cun ung phi Saul naw m’di gui khai ah k’tha nak ci, a i ah kyasei ci ung ani naw Israel la Judah gui ah phäh ah a khüi ghat ah phäh ah kyak ci.)

1 SAMUEL 25:37

Ani ang sim ba kawn ah a mawng avan m’thein ci, ani cu cäicat ne yaica neta khem man man ah ng’khem ci.

SUKI GUI 11:23

Cun ah kyasei, a chang gui Israel gui ah hmawk ah Amorit gui k’täm gui ci cu, Bawipa, Israel gui ah Khanpughi nei.

SUKI GUI 4:2

Cun ah kyasei Bawipa naw Hazor mang gaw uk ciah Kanaanit ghangpughang Jabin am tu ne näng gui sak ci. Ani ah gabawi cu Sisera, chang khuihei gui ah om nak Hazosheth ung ka ah kyak ci.

SUKI GUI 3:3

Cun ah khaw ung om tu lä ci gui cu, Philistin mang gaw hma, Kanaanit gui avan, Sidonian gui, la Lebanon m’htung ungka naw Hamath hteng ung khüt ciah Baala Hermon m’htung ung om ciah Hivit gui ah kyak ci.

SUKI GUI 1:1

Joshua asih kawn ah Israel chang gui naw Bawipa cu ng’shi u ne, “A u keimi pakhui naw hteit ma ne Kanaanit gui cu tu gui khai ang?”

JOSHUA 24:15

Ani ah bii bi vai cu kä nami ng’yak hlü ah a kyak ung, a u ah bii bi vai cu tuhngawi nami phukpit vai. Mesopotamia ah nami pupa gui ah khawihnah man ah khanpughi gui ang? Tuhbäi nangmi naw nami om nak ah khaw mah gui, Amorit gui ah khanpughi gui ang? Kei la ka kyongchang läi naw Bawipa ah bii kami bik khai nei.”

JOSHUA 17:18

Khawgui khaw cu nangmi ah kaa ah kyak ci. Bung ah a kyak pang ung phi, nangmi naw chuvaw u neta, vang cawi ungka naw vang cawi ung khüt sei, nami kaa nak vai. Kanaanit gui cu m’si-yatha ta u ne, gaigawng ciah chang ah ami kyak ung phi, nami k’täm gui vai nei.”

JOSHUA 17:12

A i ah kyasei phi, Manasseh chang gui naw cun ah mang gaw gui ung om ci gui ah chang gui cu kä täm gui hlawt ci gui. Cun ah sei Kanaanit gui cu acun ung om tu lä ci gui.

PHYAWN NAK 23:28

Na ga gui cu cäiktat nak awn ka güüt gui khai. Hivit gui, Kanaanit gui, Hittit gui cu na ma ung ka k’täm gui khai.

ATÜNNAK 48:22

Nang ah chaw, na phäi gui ah chaw ah kä kyak ciah Shekhem khohmun cu ka ning pek nei. Cun ah hmun cu ang lei nik ci, Amorit gui ah kut ungka ka li la ka khim awn ka gah ah kyak ci” cine m’cäi ci.

ATÜNNAK 12:6

Shekhem hmun theing, Moreh sing ghing aktheing ah kung ah gawk ne hteit ci gui. (Cun sang ung cun ah khaw ah Kanaan chang gui om yah ci gui.)

ISAIAH 41:5

“Ashou nak khaw ah om ciah chang gui naw kei naw ka bi cu hmu pyi ci gui; Ngami cu kyi ne, ng’thüng ne ng’hlet ci gui. Cun ah kyasei ami van law ne ng’bum lawk ci gui.

JOSHUA 3:16

tuinu cu kä long ba ne ng’düm ne hang bäm ci, Zarethan ah pei, Adam mang gaw güt ah hang li ci. Tuisen tuinu ung yu kyum ciah tuinu cu pit ne sün sei, chang gui cu Jerikho pei ah va kai ci gui.

JOSHUA 3:17

Chang gui ng’lei ak hu ung ami hteh yah ung, Bawipa ah Thukhän M’küm kawt ciah taigü gui cu, Jordan tuinu ah ang lung ng’lei hu ung changh avan naw ami hei kah güt ung ng’düi ci gui.