JOSHUA 4:9 - Cho Bible Common Language 2016

⁹ Joshua naw phi lung gha lei goi cu Jordan ah tuinu ah anglung ung ng’ling ci. Cun cu Thukhän M’küm kawt neta taigü gui naw ami düih nak ah hmun ah kyak ci. (Cun ah lung gui cu atuhgüt acun ung om ci.)

JOSHUA 4:9 Referans Kwoze

1 SAMUEL 7:12

Samuel naw lung la ne, Mizpah la shen ah ng’lak ung k’süm neta, “Bawipa naw lam pum ung na m’htei gui ci nei” ci neta, acun cu “M’htei ciah lung” ngah sui ci.

2 SHONTÄP NAK 5:9

Ami kawh nak gui ah a mawng gui cu Atheingcim Pikbäih Hmun ah a ma ung om ne a u naw phi ang dim ah hmuh hning ung phi aheitäng ah ka naw kä hmuh vai kyak ci. (Cun ah kawh nak gui cu tuh güt acun ung om ci gui.)

2 SAMUEL 4:3

A cun ah ng’shon gui Kittaim gawk u ne, tuh güt a cun ung om ci gui.)

1 SAMUEL 30:25

David naw läk vai, cun ah a pyan cu, Israel ung a ngawi yä ami läk ah kyak ci.

SUKI GUI 1:26

Cun kawn ah ani cu Hittit khaw ah hteit mang gaw k’süm ne, Luz ah aming sui ci, cun cu atuh güt awn ming nak ci. Israel gui naw kä ami k’täm gui ah chang gui.

JOSHUA 24:26

Joshua naw shin ah thumkhän gui cu Khanpughi ah thukhän ca uk ung guk ci. Cun kawn ah ani naw lung amkawm la neta, Bawipa ah theingcim ciah hmun Oak sing ghing ka ah ng’ling ci.

THULÄÄN NAK 34:6

Bawipa naw ani cu Moab khaw nawi ung m’cim ci. Cun cu bethpeor gawnu ah gangdang ung ah kyak ci. Cun ung phi tuhngawi ani ah ng’cim hmun akcang cu, aunaw kä hmat ci.

PHYAWN NAK 28:21

Shin ah lung gha lei goi ung tumat ciah khan ah vüt ne, Jakob ah hta chang gha lei goi ah ming cu tumat ciah guk vai. A cun naw Israel pakhui gha lei goi cu dang sak ci.

PHYAWN NAK 24:12

Bawipa naw Moses am, “M’htung khan ah ka om nak ah hang kai law ä, shi ah na om yah ung, lung palap hnih ka ning pek khai. A cun ung chang gui m’shüm thein nak ah thukhän avan cu ka guk nei” cik ci.

ATÜNNAK 28:18

Jakob cu khawngawi hta ah tho ne, ang khum nak ah lung cu la ne, shüm hmat nak vai ah ng’ling neta, ak chuung ah situi awn yuk shawi ci, cun cu Khanpughi m’tam nak vai ah kyak ci.

ATÜNNAK 26:33

Ani naw tuishawk cu “Shibah” ah sui ci. Cun ah kyasei gawnu ah ming phi Beerasheba ah ami sui ah kyak ci.

MATTHE 28:15

Gakap gui cu ngui la u netah, ami m’cäi gui ah mäih ah pyein ci gui. Gakap gui ah pyein ah thu cu tuhngawi güt Jew chang gui ah ng’lung ah thang lä ci.

MATTHE 27:8

Cun ah kyasei cun ah khomdek cu, “siplai hmun,” ah tuhgüt pyein ci gui.

1 GHANGPUGHANG GUI 18:31

Ani naw lung gha lei goi cu lak ci, Jakob ah hta gui pakhui gha lei goi ah phäh ah tumat ciah kyak ci, Jakob cu Bawipa naw Israel ah aming a sui ah kyak ci.

JOSHUA 4:10

Chang gui naw ami bi vai am thein gui vai ah Bawipa naw Joshua am ang thukbäi a päng kä ang pyi pha ah chuih, taigü gui cu Jordan tuinu ah anglung ung düi ci gui. Cun cu Moses naw ang thumkhän ah kyak ci. Chang gui naw ang ghit ah tuinu cu kat ci gui.