Biblia Todo Logo
Bib sou entènèt

- Piblisite -




JOSHUA 4:24 - Cho Bible Common Language 2016

24 A shin ah phäh ah m’dek khan ung om ciah chang päng naw, Bawipa ah a huham a i hlawk ah däm ci, cicu hmat khai nei, nangmi naw Bawipa nami Khanpughi cu khonglän ung nami m’tamkhah vai nei.”

Gade chapit la Kopi




JOSHUA 4:24
24 Referans Kwoze  

Cun ung phi a shaitak ah mäih ah hun gui ci, dämduh ciah a huham am dang nak ah kyak ci.


Nang cu na hlüngtai aih ci nei! Na thagui cu dämduh aih ci nei.


Bühmang nak la bämcam nak avan cu nang ungka lawk ci, nang naw na k’thagui la na huham awn a päng nü cu na uk ci. Nang naw a u phi dämduh ne khüighat khai ah na pyang hning ci.


Tuhbäi, Bawipa mi khanpughi naw, Assirian gui ah kut ungka na gung gui ci nei. Cun ah kyasei khaw ah ka ung chang pakhui avan naw O Bawipa, nang bäng Khanpughi ah na kyak ciah hmat ci nei.


Kyih nak la ng’ä nak naw lin gui ci, Bawipa na thagui cu hmuk ci gui nei, ngami cu kyi ne am gein kaa ah ng’düi ci gui. Changshäm ungka na m’hlawt gui ah na chang gui kä ami ng’khum pha ah chuih.


Bawipa naw m’gäi ciah a huham awn Egypt gui a hnim gui cu Israel gui naw hmu u neta, kyi u ne Bawipa ung ng’düi ci gui. Bawipa cu yum ci gui, ak chang Moses phi yum ci gui.


Nangmi nami om ah chuih nangmi la nami htangshon gui naw Bawipa nami Khanpughi cu m’tamkhah u ne, kei naw ka ning pek gui ah thumkhän avan cu nami läk vai, cun ung nangmi cu cun ah khaw ung akshou nu nami om khai.


Kei naw ng’täi ciah thukhän cu ngami awn ka bik khai. Ngami ah phäha ah akni ka bi cu kä ka ng’düm phung khai, ami m’lung kyong avan awn ami na kyih aa vai ah kei naw ka bik khai, cun ung ngami naw kei käna ng’hlah tak khai gui.


Theingcim ci gui ah kongsi ung nang cu kyih aa vai ah na kyak ci, ngami ami van ah ka ah ng’düi ci gui.


Ani cu achang gui avan awn Elisha ah law ba u neta, “Tuhbäi kei naw ka hmat pyi ci, a hei Khanpughi kä om ci, Israel Khanpughi bäng om ci nei; bawi aw ka yei aih ci nei, kei ah m’cümhnah nak gui cu na dou pe ä” cik ci.


Shin ah hnüüp ung Bawipa naw nang cu kei ah ka huham kyong ung ning tha ci nei; kei naw nang cu ning hnim ne, na lu ka ning täng khai nei. Kei naw Philistin gakap gui ah pumsa gui cu kha gui la khisa gui am ka vuh khai nei. Cun kawn ah khaw ah khan ung chang van naw Israel gui ah Khanpughi om ci, cicu hmat khai gui,


Moses naw, “Kä kyi vä, Khanpughi a law cu ning m’nüm gui khai la ang thu nami ngaih vai ah ning pyang gui khai ah kyak ci, cun ung nangmi kä nami shekak khai” cik ci.


Cun ung phi ka huham ka ning m’dang nak ah ka ning ghin sak khai, cun ung kei ah ka m’gäi nak cu m’dek khan avan ung gawk khai.


Cun kawn ah khomdek khan ung chang avan naw Bawipa naw amät ah chang ah a ning ghü gui cu hmuk khai gui, ngami naw ning kyih gui khai gui.


Khomdek khan chang pakhui avan naw Bawipa bäng cu Khanpughi nei — a hei kä om ci nei, ciah hmat khai gui.


Cun ung nang naw kami pupa gui am na pek gui ah khaw ung ami om ah chuih, na chang gui naw nang thu cu akhin avan ung ngai khai gui.


Nang cu kei hlawk ah na gaigawng ne ma? Na k’aw cu kei ah k’aw hlawk ah ng’hngum ne ma?


Bawipa naw thingcim ciah a huham cu m’dong khai; Ani naw a chang gui cu hun gui khai, khomdek khan avan naw cun cu hmuk khai.


Swiv nou:

Piblisite


Piblisite