JOSHUA 4:19 - Cho Bible Common Language 2016

¹⁹ A cha ät nak ah a hnüüp gha hnüüp ung chang gui naw Jordan tuinu cu hei kat u neta, Kilkal ung phung tuk ci gui, cun cu Jerikho a kyangtäng ah kyak ci.

JOSHUA 4:19 Referans Kwoze

JOSHUA 5:9

Bawipa naw Joshua a pyen nak cu, “Egypt ah changshäm ah kya ne nami thüi nak ungka, tuhngawi kei naw ka ning ng’nawn sak gui ci.” Cun ah kyasei cun ah hmun cu Kilkal ah ami sui ah kyak ci, cun cu tuh güt om ci.

MIKHAH 6:5

Ka chang gui aw, shüm ba vä. Moab ghangpughang Balak naw nangmi ah khan ah a i bi vai ah a pawng, Beor ah hta Ballam naw a i ah am shan, Akacia ah phung la Kilkal ah ng’lak ung, a i ah kyak ci, cicu shüm ba vä. Cun gui nami shüm ba ung kei naw a i cha ah ka ning hun gui cu nami hmat khai nei” cik ci.

AMOS 5:5

Beersheba khawihnah vai ah kä nami hteh vai, Bethela ung kei nami na hmuh vai ah kä nami tha nak vai, Bethela cu akholä ah kia lawk khai. Kikal ah kä nami hteh vai — ani ah chang gui cu omktu ah ng’yiin khai gui.”

AMOS 4:4

Uktu BAWIPA naw, “Israel chang gui, Bethela khaw theingciim ciah hmun ah hteit ne, shetkat nak bi vä! Kikal ah hteit ne shetkat nak bi pi k’hteh vä! Ma ne hteit ne khawihnah nak vai ah seime cu a ngawi tä sei law püi vä, a hnüüp thum päng ung nami bum gha bum ät cu law püi vä.

1 SAMUEL 15:33

Samuela naw, “Nang ah na khim naw nu nu akda cu a hta kaa ah kyak sak ci, cun ah kyasei, tuhbäi na nu cu a hta ah kyak khai nei” cik ci. Ani naw Gilgal sonkyang ma ah Agag cu tupit pit ci.

JOSHUA 15:7

Cun ungka naw khüikha khaw nawi ung hteit ne Debira ung gawk ci. Cun ungka naw a siiptäng ah ng’hlat ne kialkal ung gawk ci, acun ah ahmai lam khaw nawi ah a htumtäng ah Adummim hteng om ci. Cun ungka naw Enshemesh tuilong ung hteit ne Enrokel ung gawk ci.

JOSHUA 10:43

Cun kawn ah Joshua la a gakap gui cu Kilkal phung ah law ba ci gui.

JOSHUA 10:6

Kibeon chang gui naw, Kilkal phung ung om ciah Joshua am ng’thu m’khäh law u ne, “Kä na nawng en gui ä, ang ghit ah law ne na gung law gui ä! Na hun law gui ä! Khawgui khaw ung om ciah Amorit ghangpughang gui ami van ng’dawn u ne, na tu law gui ci gui nei!” cik ci gui.

THULÄÄN NAK 1:3

Egypt khaw ami hteh tak kawn ah a kum phlikip nak ah a cha gha lei ät nak ah a hnüp ät hnüüp ung ngami am am thein gui vai ah Bawipa naw ang thumkhän päng cu Moses naw chang gui am m’thein gui ci.

THULÄÄN NAK 11:30

(Shin ah khomhtung gui cu, Jordan tuinu ak khei täng, Jordan khawg nawi ung om ci gui ah Kanaanit chang gui ah khopäng ah kyak ci. Cun gui cu ak khei täng ah vang shawng ci, Kilkal gawnu pei ah Morah sing ghing theing gui awn kä ng’shawng ci.)

JOSHUA 4:18

taigü gui tuikam ah ami gawk law kawn ah tuinu cu long ba ne tuikam avan plüm ba ci.

JOSHUA 5:10

Israel gui cu Jerikho ah pei Kilkal khawdou ung ami om yah ung, cun ah cha a hnüüp gha lei phli hnüüp phyawn nak pawi bik ci gui.

2 GHANGPUGHANG GUI 2:1

Bawipa naw Elijah cu khokhi kuiphak awn khankho ah akai püi nak vai ah akhin cu gawk lawk ci. Elijah la Elisha cu Kilkala ka naw lawk ci goi.

JOSHUA 9:6

Ngami naw Kikal phung ung hteit u neta, Joshua la Israel gui ami pyen nak gui cu, “Keimi cu a khaw shou ah kaa kami lawk ci, keimi awn hmuhchum nak nami bi vai ah kami ng’ya hlük ci nei” cik ci gui.

JOSHUA 24:11

Nangmi naw Jordan tuinu kat ne, Jerikho ung nami gawk ci. Jerikho chang gui naw ning tu gui ci gui, Amorit, Perizzit, Kanaanit, Hittit, Kirkashit, Hivit, la Jebusit gui naw phi ning tu gui ci gui. Cun ung phi cun gui ami van ah khan ah näng nak ka ning pe gui ci.

1 SAMUEL 10:8

Nang cu Gilgal ah ma ne na na hteh vai, a cu ah ning hmuk khai, m’khih ne khawihnah nak la ng’gei-chum nak khawihnah mi bik khai. A cu ah kei kä ka law pha ah chuih hnüüp chih na na ngäng vai, a i bi vai ka ning m’theing khai.