JOSHUA 4:14 - Cho Bible Common Language 2016

¹⁴ Cun ah hnüüp ung Bawipa naw abi gui naw, Joshua cu chang m’gäi ah kyak ciah Israel chang gui naw ami k’bäi vai ah kyak sak ci. Ngami naw Moses ami m’tamkhah man ah mäih ah ani cu a ghin yah ah pum tamkhah ci gui.

JOSHUA 4:14 Referans Kwoze

JOSHUA 3:7

Bawipa naw Joshua am, “Tuhngawi kei ah bilawh naw Israel chang avan cu, nang chang m’gäi ah ami ning m’tam vai ah kyak sak gui khai. Cun awn ah kei naw Moses ka om püi ah mäih ah ka ning om püi cu na hmat lawk khai nei.

2 SHONTÄP NAK 30:12

Khanpughi cu Judah kho ung phi bii bi ne, Ghangpughang la a uktubawi gui ah thumkhän ami läk nak awn ani ah ang yakhlü ngai ne ami kawng ät vai ah bik ci.

ROMAN 13:4

A i ah kya sei ci ung, ani cu nang ah ni nak vai ah Khanpughi naw ak chang ah am düih ah kyak ci. Cun ung phi katnak na bi ah a kyak ung ani cu na kyih vai, aniung akcang ah shet m’kat nak vai ah huham nak cu om ci. Ani cu Khanpughi ah changshäm ah kya ne, katnak bik ciah chang gui cu Khanpughi ah huham awn m’shetkat gui ciah kyak ci.

1 GHANGPUGHANG GUI 3:28

Israel chang gui naw Solomon ah ng’thumcha cu ng’ya u neta, ani cu anghtei ah chang m’sui ci gui, a i ah kyasei ci ung, Khanpughi naw ani am taga khai ah ng’thumcha nak ah cüivai nak a pek cu ami hmat ah phäh ah kyak ci.

NG'THU K'THUUK~ 24:21

Ka hta aw, Bawipa cu na kyih aa vai, Ghangpughang cu na m’tam khah vai. Ngami hnungtuk püi gui ciah chang awn nami bi ghawm vai a i kä om ci.

1 SAMUEL 12:18

Cun ah kyasei Samuel taigü ci, acun hnüüp ung Bawipa naw kho hmum la kho k’aa tüi lawk ci. Chang avan naw Samuel la Bawipa cu kyih ci gui.

PHYAWN NAK 14:31

Bawipa naw m’gäi ciah a huham awn Egypt gui a hnim gui cu Israel gui naw hmu u neta, kyi u ne Bawipa ung ng’düi ci gui. Bawipa cu yum ci gui, ak chang Moses phi yum ci gui.

1 KORIN 10:2

Ngahmi cu khawmei la tuinu ung Moses ah chang ah ami kyak nak ah tui-hniim ci gui.

JOSHUA 4:13

Bawipa ah ma ah chan phya phlikip cu ng’tuk vai ah ng’düi ge u ne, Jerikho pei ah khawdou cu phlän ne hteit ci gui.

JOSHUA 4:15

Cun kawn ah Bawipa naw Joshua a pyen nak cu,

PHYAWN NAK 11:3

Bawipa naw, Israel chang gui cu Egypt chang gui naw ami chang m’sui gui vai ah bik ci. Akcang ah bawi gui la chang avan naw Moses cu, chang m’gäi chang küikyang ah kyak ci, ciah k’bäi ci gui.

2 GHANGPUGHANG GUI 2:15

Jerikho ah ka prophet hmakip gui naw ani cu hmu u neta, “Elijah ah huham cu Elisha ung gawk ci nei” cik ci gui. Ngami naw ani hteit ne hmu u ne, ama ah m’khuukdong u neta,

1 SHONTÄP NAK 29:25

Bawipa naw Solomon cu Israel pakhui avan ah khan ah m’tamkhah ne Israel uk man ciah ghangpughang gui ah ta bä pi ciah bämang nak cu pek ci.”