JOSHUA 4:13 - Cho Bible Common Language 2016

¹³ Bawipa ah ma ah chan phya phlikip cu ng’tuk vai ah ng’düi ge u ne, Jerikho pei ah khawdou cu phlän ne hteit ci gui.

JOSHUA 4:13 Referans Kwoze

EPHESIAN 6:11

Khoshe ah thuvi tüihtok nak näng m’khüt nak vai ah, Khanpughi ah ning peik gui ah likhim k’be cu nami awi k’bah vai nei.

JEREMIAH 52:8

Cun ung phi Babilonian gakap gui naw ghangpughang Zedekiah cu gawt u ne, Jerikho, khawdo pei ah phak ci gui, a gakap gui ami van naw dawng tak ci gui.

JEREMIAH 39:5

Cung ung phi Babilonian gakap gui naw k’täm law u ne Zedekiah cu Jerikho khudo pei ah phak ci gui. Cun kawn ah ngami naw ani cu Ghangpughang Nebukhadnezzar ah hteh püici gui ani cu Hmah khopäng Riblah mang gaw ung om ci, acu ah Nebukhadnezzar naw ng’thumcha nak bik ci.

2 GHANGPUGHANG GUI 25:5

Cun ung phi Babilonian gui naw Ghangpughang Zedekiah cu gawt u ne, Jerikho khodo pei ah pha u sei, a gakap gui ami van naw nawng shüt ne dawng ci gui.

JOSHUA 5:10

Israel gui cu Jerikho ah pei Kilkal khawdou ung ami om yah ung, cun ah cha a hnüüp gha lei phli hnüüp phyawn nak pawi bik ci gui.

PHYAWN NAK 13:18

Cun ah kyasei bungpuk sunpah ne Tuisen tuinu täng ah hteh püi gui ci. Israel gui cu ng’tuk vai ah hteit ci gui.

KHEI NAK 32:17

Cun ung keimi cu Israel chang kami paw gui awn a täng ah ng’tuk nak ah kami hteit tu ge khai ne. Keimi kami om nak vai ah khaw ung ngami kä kami om sak gui pha ah chuih ng’tuk nak ung kami khawngmang khai nei. Cun sangung, keimi ah pängye chang gui cu, vongpang ah gawnu ung om u ne, shin ah khaw ung chang gui cu phyawn nak khai gui.

THULÄÄN NAK 3:18

Acun ah akhin ung kei naw shin ah m’shümthein nak gui cu ka pe gui ci; Bawipa mi Khanpughi naw shin ah khaw, Jordan tuinu ah a kiangtäng cu nami khäm vai ah ning pe gui ci. Tuhbäi ng’tuk khai ah nami chang gui cu likhim pe ne a hei Israel pakhui gui ah ma ung ana ma ne, Jordan tuinu na kat ne ami khaw khäm nak ung bawm gui khai ah ana tüi gui vä.

JOSHUA 4:12

Reuben, Kad pakhui gui la Manasseh pakhui ungka amshah gui cu ng’tuk ge vai ah pawng u ne, Moses naw ami bi vai ah am thein gui ah mäih ah pawih ba ciah chang gui cu mata gui ne hteit ci gui.

JOSHUA 4:14

Cun ah hnüüp ung Bawipa naw abi gui naw, Joshua cu chang m’gäi ah kyak ciah Israel chang gui naw ami k’bäi vai ah kyak sak ci. Ngami naw Moses ami m’tamkhah man ah mäih ah ani cu a ghin yah ah pum tamkhah ci gui.

SUKI GUI 20:1

Israel chang gui avan, a siiptäng Dan ungka naw a htumtäng Beersheba ung khüt ci, a kyangtäng Kilead khaw ungka naw avan cu ng’khü tuk ci gui. Ngami cu Mizpah ung Bawipa ah ma ah tumat ah ng’tum ci gui.