JOSHUA 4:12 - Cho Bible Common Language 2016

¹² Reuben, Kad pakhui gui la Manasseh pakhui ungka amshah gui cu ng’tuk ge vai ah pawng u ne, Moses naw ami bi vai ah am thein gui ah mäih ah pawih ba ciah chang gui cu mata gui ne hteit ci gui.

JOSHUA 4:12 Referans Kwoze

JOSHUA 1:14

Nami chu gui, nami hta gui la nami vuhchah gui cu ashin ung om u sä. Cun ung phi gakap gui la ng’tuk’bi gui cu nami Israel paw gui ah han lu täng ah hei kaan u ne ngami bawm gui khai ah hteit u sä.

PHYAWN NAK 13:18

Cun ah kyasei bungpuk sunpah ne Tuisen tuinu täng ah hteh püi gui ci. Israel gui cu ng’tuk vai ah hteit ci gui.

KHEI NAK 32:17

Cun ung keimi cu Israel chang kami paw gui awn a täng ah ng’tuk nak ah kami hteit tu ge khai ne. Keimi kami om nak vai ah khaw ung ngami kä kami om sak gui pha ah chuih ng’tuk nak ung kami khawngmang khai nei. Cun sangung, keimi ah pängye chang gui cu, vongpang ah gawnu ung om u ne, shin ah khaw ung chang gui cu phyawn nak khai gui.

THULÄÄN NAK 3:18

Acun ah akhin ung kei naw shin ah m’shümthein nak gui cu ka pe gui ci; Bawipa mi Khanpughi naw shin ah khaw, Jordan tuinu ah a kiangtäng cu nami khäm vai ah ning pe gui ci. Tuhbäi ng’tuk khai ah nami chang gui cu likhim pe ne a hei Israel pakhui gui ah ma ung ana ma ne, Jordan tuinu na kat ne ami khaw khäm nak ung bawm gui khai ah ana tüi gui vä.

THULÄÄN NAK 33:21

Ngami naw ami mät ah phäh ah khaw aknipi lak ci gui. Khawngmang ciah akchaw cu ngami ung ap gui ci. Ngami naw Bawipa ah thumkhän gui thukhän gui cu läk ci gui. Cun cu Israel gui ah ami khawngmang gui, a täng ah ami bum sang ung ah kyak ci.

JOSHUA 4:11

Ngami ami van vang gaa ah ami va kai kawn ah Bawipa ah Thukhän M’küm kawt ciah taigü gui cu chang gui ah ma ung hteit ba ci gui.

JOSHUA 4:13

Bawipa ah ma ah chan phya phlikip cu ng’tuk vai ah ng’düi ge u ne, Jerikho pei ah khawdou cu phlän ne hteit ci gui.