JOSHUA 3:8 - Cho Bible Common Language 2016

⁸ Thukhän M’küm kawt ciah taigü gui cu na pyen nak gui vai, tui ung mi gawk ah a kyak ung, tui ung va ng’leh neta tui kam ung ami ng’düih vai.”

JOSHUA 3:8 Referans Kwoze

JOSHUA 3:17

Chang gui ng’lei ak hu ung ami hteh yah ung, Bawipa ah Thukhän M’küm kawt ciah taigü gui cu, Jordan tuinu ah ang lung ng’lei hu ung changh avan naw ami hei kah güt ung ng’düi ci gui.

JOSHUA 3:3

Chang gui cu pyen nak ci gui, “Taigü gui naw, Bawipa nami Khanpughi ah Thukhän M’küm ami kawh nami hmuh ah a kyak ung phung gäi neta nami läk gui vai.

NG’ÄI KYAH 3:26

Cun ah kyasei m’lung sau nak awn k’äih cu mikmi ah phäh ah akni pi ah kyak ci — ani naw ana hun gui vai ah mi k’äih ci.

NEHEMIAH 13:28

Joiada cu Taigütung Eliashib ah hta ah kyak ci, Joiada ah hta gui ung ka tumat naw Beth Horon gawnu ung ka Sanballat ah hta hnumi chu na sei, Joiada cu kei naw Jerusalem ung ka k’täm ci.

NEHEMIAH 13:22

Kei naw Levit gui ka k’bäi gui cu, ami mät naw ami mät theingthap sak u neta, hteit ne kyiin hnüüp theingcim sak hning vai ah m’kawt gui cu ami ngäng vai. Na shüm ä, O Khanpughi, na m’gein ä, a i ah kyasei ci ung na m’hni nak cu dämduh aih ci nei.

2 SHONTÄP NAK 30:12

Khanpughi cu Judah kho ung phi bii bi ne, Ghangpughang la a uktubawi gui ah thumkhän ami läk nak awn ani ah ang yakhlü ngai ne ami kawng ät vai ah bik ci.

2 SHONTÄP NAK 29:30

Ghangpughang la pakhui ung ami ng’vai gui naw, Levit gui ami pyen nak gui cu, David la prophet Asaph ah guk ah ng’äi gui cu Bawipa am ami m’cu vai ah pyen na gui ci gui. Cun ah kyasei chang nü naw akdämduh ah yei ne ng’äi m’cu ne m’khukdong ne, Khanpughi khawihnal ci gui.

2 SHONTÄP NAK 29:27

Hezekiah naw m’khih ne douthak nak ami bi vai ah ng’thukbäi ci, douthak nak ami tün vai am chang gui naw Bawipa m’tam ne ng’äi m’cu ci gui, tumkhawng ci gui naw phyungheng gui la tumkhawn avan tum ci gui.

2 SHONTÄP NAK 29:15

Shin ah chang gui naw ami Levit paw gui cu ng’bum sak gui u khätah ngami ami van theingthap nak bik ci gui. Ghangpughang naw ami bi vai ah ang thumkhän ah mäih ah Taigüim cu theingthap sak u ne, Bawipa ah thukhän ah mäih ah bik ci gui.

PHYAWN NAK 14:13

Moses naw, “Kä kyih en vä. Khüi ne ng’düi vä! Tuh ngawi Bawipa naw ana hun nak gui ah bii a bi cu nami hmuk khai nei; shin ah Egypt chang gui cu kä nami hmu ba gui khai nei.

JOSHUA 3:7

Bawipa naw Joshua am, “Tuhngawi kei ah bilawh naw Israel chang avan cu, nang chang m’gäi ah ami ning m’tam vai ah kyak sak gui khai. Cun awn ah kei naw Moses ka om püi ah mäih ah ka ning om püi cu na hmat lawk khai nei.

JOSHUA 3:9

Cun kawn ah Joshua naw chang gui am, “Shin ung law vä, Bawipa nami Khanpughi ah pyen cu ngai law vä.

2 GHANGPUGHANG GUI 2:6

Cun kawn ah Elijah naw Elisha pyen nak ci, “Tuhbäi shin ung om shüt ä; Jordan tuinu ah ka hteh vai ah Bawipa naw ng’thu nak bäi ci nei.” Elisha naw, “Ka bekhüt nak ah ghing ciah Bawipa la nang ah ma ah ng’taam ne ka pyen ci, kei naw kä ka ning hteh tak khai” cik ci. Cun ah kyasei ngami cu hteit u sei,

JOSHUA 4:11

Ngami ami van vang gaa ah ami va kai kawn ah Bawipa ah Thukhän M’küm kawt ciah taigü gui cu chang gui ah ma ung hteit ba ci gui.