JOSHUA 3:5 - Cho Bible Common Language 2016

⁵ Joshua naw chang gui am, “Nami theingthap vai nei, a i ah kyasei ci ung ngawi ung Bawipa naw nami ng’lung ah cäi aih vai cu bi lawk khai nei.”

JOSHUA 3:5 Referans Kwoze

JOSHUA 7:13

Tho lawä! Chang gui theingthap sak gui ä! Ka ma ah ami law vai ah pawng sak gui ge ä! Ngawi ung ami pawng ge vai ah na m’thein gui vai, a i ah kyasei ci ung Kei, Bawipa Israel Khanpughi naw shin ah ka pyen ci; ‘Israel gui, kei naw m’di vai ah ka thukbäi ah khawh amshah nangmi ung om ci! Acun ah khawh ungka kä nami phyawn pha ah chuih nami ga näng ne kä nami ng’düi hlawt khai!’

TAIGÜTHUM 20:7

Nami mät naw nami mät nami theingcim sak vai, a i ah kyasei ci ung kei cu Bawipa nami na Khanpughi ah kyak ci.

JOEL 2:16

Chang gui atäng ah bum gui vä; theing ciah ng’ge nak vai ah pawng püi gui vä; aghipa gui law püi gui vä; a hmaw gui bum gui vä nausen gui phi bum gui vä. Ng’chu ng’la thai ci gui phi ami im nawng shüt ne law u sä.

1 SAMUEL 16:5

Ani naw, “Ä, kei cu Bawipa am khawihnah nak ka douthak khai ah ka lawk ci nei. Nami mät theingthap sak neta law tu vä” cik ci. Ani naw Jesse la a hta gui phi ami mät ami theingthap vai ah pyen na gui neta, khawihnah nak ah khü gui ci.

JOHAN 17:19

Ngami naw bi bi nak vai ami pumsa ami ap nak hlawt vai ah, kei naw ngami ah hmawk ah ka pumsa cu ka ap ci.

TAIGÜTHUM 10:3

Cun kawn ah Moses naw Aaron am, “Shin cu Bawipa naw a yuk ng’thu law yah ung a pyen ah mawng ah kyak ci, ‘Kei ah khuut bik ci phung naw kei ah theingcim nak cu a kyih aa vai; kei naw ka bämang nak cu ka chang gui ung ka m’than khai’ cik ci.” Cun ung phi Aaron cu kä chawkchek ne om ci.

SAM 86:10

Nang cu m’gäi ne cäi aih vai gui na bik ci. Nang bäng cu Khanpughi ah na kyak ci nei.

JOB 1:5

Pawi päng ah a ngawiu ung khongawi, Joba cu ang dawt ah thou law neta, a hta gui tumat ciah phäh ah ami theingthap nak vai ah khawihnah dou thak ci ci. Ani naw ak phlüt ah cun ah abi cu a hta gui tumat mat naw kä ngaih-tüh ah Khanpughi a i ah kä sui ne akat nak vai a kyih ah phäh ah kyak ci.

JOSHUA 3:13

Khomdek avan ah Bawipa ah Thukhän M’küm kawt ciah taigü gui naw ami khaw awn tui ung ami ng’leh ah a kyak ung, Jordan tui a lon cu düm khai, long ciuah tui cu vangtäng ah ng’bum yawp khai.”

KHEI NAK 11:8

Cun cu khomü ah khüi awn ng’dawn ne shaum pigaw ung kya lawk ci. A ngawi ung khaw ngawi chang gui naw hteit ne kaw u ne, geet ne khui khai ah deng u neta, shong ci gui. M’htut phe ah phi pyang ci gui. Cun cu oliv situi awn pyan ah m’htut ah mäih ah hlim ci.)

JOSHUA 3:4

Cun kawn ah shin ung kä nami om ba vai, ngami naw hteh nak vai lam ning m’shüm gui khai gui. Cung phi thukhän küm kä nami et vai, mäng m’cawt shawng ne nami om vai.”

JOSHUA 3:6

Cun kawn ah ani naw taigü gui cu Thukhän M’küm kawt ne chang gui ah ma ung ami hteh vai ah pyen na gui sei, a pyen ah mäih ah bik ci gui.

SAM 77:15

Jakob la Josef ah hta ng’shon na chang gui cu na huham awn na hun ci.