JOSHUA 3:3 - Cho Bible Common Language 2016

³ Chang gui cu pyen nak ci gui, “Taigü gui naw, Bawipa nami Khanpughi ah Thukhän M’küm ami kawh nami hmuh ah a kyak ung phung gäi neta nami läk gui vai.

JOSHUA 3:3 Referans Kwoze

THULÄÄN NAK 31:9

Cun ah kyasei Moses naw Khanpughi ah thukhän cu guk ci. Levit taigü gui am pe gui ci. Ngami cu Bawipa ah Thukhän M’küm m’htei ci gui. Israel gui ah ng’vaihta gui ah kyak ci gui.

2 SAMUEL 6:13

Thukhän M’küm kawt ci gui cu m’khan chuk hteit u khäta, David naw ng’düm sak gui ne, seipat la sei k’plan awn khawihnah nak cu douthak ci.

JOSHUA 3:8

Thukhän M’küm kawt ciah taigü gui cu na pyen nak gui vai, tui ung mi gawk ah a kyak ung, tui ung va ng’leh neta tui kam ung ami ng’düih vai.”

THULÄÄN NAK 31:25

Ani naw a pyi kawn ah, Bawipa ah Thukhän M’küm m’htei ci gui ah Levit taigü gui cu pyen ah gui ci,

KHEI NAK 10:33

Chang gui naw khomhtung theing Sinai ami hteh tak awn ah hnüüp thum ung hteit ci gui. Bawipa ah Thumkhän M’küm cu ma ne hteit ne shaum pigaw ami cawh nak vai ah hmun cu hmuk ci gui.

THU PHLAAN 14:4

Ngami cu hnumi awn kä ng’etsheng man ciah ng’piangmi hta gui ah kya ne, htomehta ah hteh nak päng ah läk tuk ci gui. Ngami cu chang ah hta avan ungka a ghü gui ah kyasei, Khanpughi la Htomehta ung ng’ap ma ci gui ah kyak ci.

MATTHE 16:24

Cun kawn ah Bawipa Jesuh naw ang düihpüi gui-am, “Kei awn atäng ah hteit tu hlük ciah chang cu, amät ah ng’yak hlü nawng shüt ne, amät ah kutlam tung kawt netah, ka hnu ah a na läk vai.

MATTHE 8:19

Thukhän saya tumat cu law netah, “Bawipa na hteh nak päng ah ka ning läk tuk khai nei,” cine kyak ci.

2 SAMUEL 6:3

Ngami naw m’htung khan ah Abinadab ah im ungka la u ne, ng’hle akthai ung taih ci gui. Abinadab ah hta goi Uzzah la Ahio naw ng’hle cu hteh püi ci goi,

JOSHUA 6:6

Joshua naw taigü gui khü gui neta, “Thukhän m’küm nami lak vai, nangmi sing chih cu acun ah ma ung phyungheng gui kawt ne nami hteh vai” cine m’cäi gui ci.

JOSHUA 4:10

Chang gui naw ami bi vai am thein gui vai ah Bawipa naw Joshua am ang thukbäi a päng kä ang pyi pha ah chuih, taigü gui cu Jordan tuinu ah anglung ung düi ci gui. Cun cu Moses naw ang thumkhän ah kyak ci. Chang gui naw ang ghit ah tuinu cu kat ci gui.

JOSHUA 3:6

Cun kawn ah ani naw taigü gui cu Thukhän M’küm kawt ne chang gui ah ma ung ami hteh vai ah pyen na gui sei, a pyen ah mäih ah bik ci gui.

KHEI NAK 4:15

Phung phyet vai a khin a gawk law ung Kohath ah a pahta, gui cu acun ah aktheing kawh vai ah lawk khai gui. Cun cu Aaron la a hta gui naw cun gui la cun ung khawhcham avan ami uknak ang pyi kawn ah kyak khai. Kohath pahta gui naw theing ci a i phi kä ami tawn vai. Ami tawn ung ngami cu sik khai gui. Shin cu Kohath pahta gui naw Phung a hawi ah ang nawn ung phi ami bi vai ah kyak ci.

JOSHUA 3:4

Cun kawn ah shin ung kä nami om ba vai, ngami naw hteh nak vai lam ning m’shüm gui khai gui. Cung phi thukhän küm kä nami et vai, mäng m’cawt shawng ne nami om vai.”

1 SAMUEL 6:15

nak vai ah cik ci gui. Levit gui naw Bawipa ah Thukhän M’küm cu chang u ne, ghui ang khe tha nak ah m’küm gui phi la u neta, lung nu nu ah khan ah tha ci gui. Cun kawn ah Beth Shemesh chang gui naw m’khih ne khawihnah nak douthak u ne, a hei gui awn phi Bawipa cu khawihnah ci gui.

1 GHANGPUGHANG GUI 8:3

Ami ng’vai gui ami van ng’bum u neta, taigü gui naw Thumkhän M’küm cu chang u neta,

JEREMIAH 33:18

levi pakhui ungka cu angtäi sei taigü ah kyak khai, ngami ka nii ni ne m’khih-douthak, htang-douthak la khawihnah nak gui cu douthak khai gui.”