JOSHUA 3:17 - Cho Bible Common Language 2016

¹⁷ Chang gui ng’lei ak hu ung ami hteh yah ung, Bawipa ah Thukhän M’küm kawt ciah taigü gui cu, Jordan tuinu ah ang lung ng’lei hu ung changh avan naw ami hei kah güt ung ng’düi ci gui.

JOSHUA 3:17 Referans Kwoze

PHYAWN NAK 14:29

Cun ung phi Israel gui cu m’dek hu ung hteit ne tuinu kaan ci gui, vang ah vei ah tui k’paang om ci.

PHYAWN NAK 14:22

Israel gui cu m’dek hu ung hteit ne, tui kaan ci gui, vang ah vei cu tui k’paang ah kyak ci.

SAM 66:6

Ani naw tuinu cu khaw kawng ah ng’lat sak sei, mi pupa gui naw tuinu cu khan ne hteit ci gui. Ani ah bi ah hmawk ah keimi kami yei ci.

ISAIAH 25:8

Uktu Bawipa naw sih nak cu khonglän ung m’di khai! Ani naw chang pang ah mik ungka ng’phli tui cu ghu pe ne, kho ah ka avan ung a chang gui ah thüivat nak cu lak pe gui yawp khai. Bawipa amät naw a pyen nei!

2 GHANGPUGHANG GUI 2:8

Cun kawn ah Elijah naw a savun suinu cu suut ne k’chaw neta, a cun awn tuinu that sei, tuinu cu ng’pai ci. Ani la Elisha cu m’dek hu ung kan ne cäga ah va kai ci goi.

JOSHUA 4:3

Na thumkhän gui vai, Jordan tuinu anglung, taigü gui ah düih nak ungka lung gha lei goi ami lak vai, cun ah lung gui cu kawt u ne, tuhmü phung ami tuk nak vai ung ami tha vai ah na pyen nak gui vai.”

HEBRU 11:29

Israel chang gui naw tuisen tuinu, kho kawng ah hteh ah mäih ah ami kah cu yum nak awn ah kyak ci. Cun ung phi Egypt chang gui naw, ami ak kah vü tu sangung ngami cu tuinu naw hteh gui yawp ci.

PHYAWN NAK 14:21

Moses naw tuinu khan ah a kut shäng khäta, Bawipa naw ng’hüüt ciah ng’kiang khokhi awn tuinu cu m’hlat ci. Khaw cu thai ne khi ne tuinu cu ket sak ci, tuinu cu ng’pai ci.

KHEI NAK 33:51

Israel gui ah phäh ah shin ah m’shümthein nak gui ah kya ci: “Ngami cu Jordan tuinu kat ne Kanaan khaw ung nami luh law ah a kyak ung,

JOSHUA 4:1

Pakhui avan naw Jordan tuinu ami kah awn ah Bawipa naw Joshua a pyen nak cu,

JOSHUA 4:22

Israel gui naw khonglei hu ung Jordan tuinu ami kah ah mawng nami m’thein gui vai nei.

JOSHUA 4:10

Chang gui naw ami bi vai am thein gui vai ah Bawipa naw Joshua am ang thukbäi a päng kä ang pyi pha ah chuih, taigü gui cu Jordan tuinu ah anglung ung düi ci gui. Cun cu Moses naw ang thumkhän ah kyak ci. Chang gui naw ang ghit ah tuinu cu kat ci gui.

JOSHUA 4:11

Ngami ami van vang gaa ah ami va kai kawn ah Bawipa ah Thukhän M’küm kawt ciah taigü gui cu chang gui ah ma ung hteit ba ci gui.

JOSHUA 5:1

Jordan ah akhei täng ungka Amorit ghangpughang gui ami van, Mediterranean tuinu yung ah om ciah Kanaanit ghangpughang gui am van naw, Israel chang gui naw kä ami kah yawp pha ah chuih, Bawipa naw Jordan tuinu a hu sak cu ng’yak ci gui. Ngami cu kyikyawk u ne, Israel gui ah phäh ah ami tha maih yawp ci.