JOSHUA 3:16 - Cho Bible Common Language 2016

¹⁶ tuinu cu kä long ba ne ng’düm ne hang bäm ci, Zarethan ah pei, Adam mang gaw güt ah hang li ci. Tuisen tuinu ung yu kyum ciah tuinu cu pit ne sün sei, chang gui cu Jerikho pei ah va kai ci gui.

JOSHUA 3:16 Referans Kwoze

JOSHUA 3:13

Khomdek avan ah Bawipa ah Thukhän M’küm kawt ciah taigü gui naw ami khaw awn tui ung ami ng’leh ah a kyak ung, Jordan tui a lon cu düm khai, long ciuah tui cu vangtäng ah ng’bum yawp khai.”

1 GHANGPUGHANG GUI 7:46

Ghangpughang naw shin gui avan cu Jordan khongnawi Sukkoth la Zarethan ah anglak m’si shep nak ung a pyan ah kyak ci.

1 GHANGPUGHANG GUI 4:12

Ahilud ah hta Baana: Mang gaw gui: Taanach, Mekiddo, la Beth Shan ah pei ah khawpäng avan, Zarethan gawnu pei, Jezreela gawnu ah a htumtäng Abel Meholah la Jokneam mang gaw ung khüt ci.

ATÜNNAK 14:3

Cun ah ghangpughang hma cu Siddim khaw ng’nawi ung ng’bum ci gui. Cun cu tuhbäi Tuisi ah kyak ci.

SAM 114:3

Tuisen tuinu naw hmu neta dawng ci, Jordan tuinu cu kä lon ah ng’düm ci.

THULÄÄN NAK 1:1

Shin ah ca-uk ung guk cu Israel chang gui Jordan tuinu ah a kiangtäng bungpuk ah ami om yah ung Moses naw a pyen nak gui ah thu ah kyak ci. Ngami cu Suph ah pei Jordan khaw nawi ung om ci gui. Cun cu vangtäng ung Paran gawnu la vangtäng ung Topel, Laban, Hazeroth la Dizahab gawnu gui ah ami ng’lak ung om ci.

KHEI NAK 34:3

A htumtäng ah khawgi cu Zin khaw bung ungka naw Edom khawgi ung khüt khai. Cun cu a kiangtäng ung Tuisi Tuinu ah a htum lam akcawi ung tün khai.

SAM 77:19

Nang cu tui ng’hnawk ah khan ah htei ne, tuinu thuk cu na kan ci, cun ung phi na kho neh cu kä hmuh hlawk nei.

SAM 74:15

Nang naw tui k’cüih tui khawng na pawk sak ci, tuinu lawng phi na kawi sak ci.

SAM 66:6

Ani naw tuinu cu khaw kawng ah ng’lat sak sei, mi pupa gui naw tuinu cu khan ne hteit ci gui. Ani ah bi ah hmawk ah keimi kami yei ci.

SAM 29:10

Bawipa naw tui thuuk phi avan uk ci, ani naw ghangpughang ah kya ne angtäi sei uk ci nei.

JOSHUA 15:2

Cun ah ahtum täng khawgii ungka naw htum ah yu khüt nak Tuisi tuinu ung khüt ci.

THULÄÄN NAK 3:17

Akhei täng ah ngami ah khopäng cu Jordan tuinu ah khüt ci. Asiip täng ah Kalile Tuili, A htum täng ah Tuisi Tuinu ung khüt ne, a kiangtäng ah Piskah M’htung nawi ung khüt ci.

PHYAWN NAK 14:21

Moses naw tuinu khan ah a kut shäng khäta, Bawipa naw ng’hüüt ciah ng’kiang khokhi awn tuinu cu m’hlat ci. Khaw cu thai ne khi ne tuinu cu ket sak ci, tuinu cu ng’pai ci.

SAM 33:7

Ani naw tuinu gui cu hmun ät ung kyum sak ci; Tuili küi phi khai ne li ät ah büi ci.

SAM 114:5

Tuinu, a i ah kiyasei na dawng ang? O Jordan tuinu, a i ah kyasei na ng’düm ang?

ISAIAH 50:2

“Kei naw ngami ka hun gui khai ah ka hteh shi gui yah ung, a i ah kyasei kä ami na m’shan ang? Kei naw ka khü gui yah ung a i ah kyasei kä ami äi ang? Ngami ka hun nak gui vai ah kei ung thai gui ken aih ne ang? Kei naw ka thumkhän awn tuinu cu ka kawi sak hning ci, tuinu lawng cu khong’gau ah ka kyak sak hning ci, cun ah kya ne tui lawng ung tui kä om sei nga gui sik ci gui.

EZEKIEL 47:8

Ani naw na pyen nak ci, “Shin ah tui lawng naw ak kyang täng ung khaw cu yuk kaan ne, Jordan khongnawi ung gawk ne, Tuisi Tuinu ah zu kyum ci. Cun ah tui cu tuisii tuinu ung kyum neta tuinu ung m’sii tui cu tui gei ah kyak sak ci.

NAHUM 1:4

Ani naw tuinu taam sei kawi ci! ani naw tuilawng gui kawi sak ci Bashan khawbung chawng ci. Karmela khomhtung ng’haam ci. Lebanon ah cheipai gui ng’yai ci gui.

HABAKKUK 3:8

Bawipa, tuinu gui naw na m’lung ning shet sak u ne ma? Tuilinu gui naw na m’lung ning so sak u ne ma? Nang cu khongmei ah khan ah na ng’cum ci; puikho khi cu na ng’hlee ah kyak ci nang naw na chang gui ah näng nak na law püi ci.

PHYAWN NAK 14:22

Israel gui cu m’dek hu ung hteit ne, tui kaan ci gui, vang ah vei cu tui k’paang ah kyak ci.

PHYAWN NAK 14:29

Cun ung phi Israel gui cu m’dek hu ung hteit ne tuinu kaan ci gui, vang ah vei ah tui k’paang om ci.

PHYAWN NAK 15:8

Nang naw muh ci sei tuinu cu ng’hnawk ne ng’plaak ci; cun cu k’paang ah mäih ah ng’taai ci;

JOSHUA 4:22

Israel gui naw khonglei hu ung Jordan tuinu ami kah ah mawng nami m’thein gui vai nei.

JOSHUA 5:1

Jordan ah akhei täng ungka Amorit ghangpughang gui ami van, Mediterranean tuinu yung ah om ciah Kanaanit ghangpughang gui am van naw, Israel chang gui naw kä ami kah yawp pha ah chuih, Bawipa naw Jordan tuinu a hu sak cu ng’yak ci gui. Ngami cu kyikyawk u ne, Israel gui ah phäh ah ami tha maih yawp ci.

JOSHUA 12:3

acun naw Jordan khaw nawi khäm ne Kalile tuili a htum ungka naw Beth Jeshimoth (Tusi tuinu akiang), cun ungka naw Piskahm’htung nawi ung khüt ci.

JOSHUA 16:7

Janoah ungka naw yu kyum ba ne, Ataroth la Naarah ung gawk ne, cungka Jerikho ung gawk ba ne Jordan ung khüt ci.

SUKI GUI 7:22

Kideon ah a chang gui naw ami phyung puuk ami tum yah ung, Bawipa naw ga gakap gui cu ami mät ah khim awn ami mät ng’tuk sak gui ci. Ngami Zarethan täng ah dawng u ne, Beth Shithhah ah khüt ci gui, Tabbath ah pei Abel meholah ah phi khüt ci gui.

SAM 78:13

Ani naw tuinu k’pai ne hteh sak gui ci; tui cu k’paang ah mäih ah ng’lim sak ci.