JOSHUA 3:14 - Cho Bible Common Language 2016

^14-15 Cun cu geit khäm khin ah kia ne tui phi däm ci. Chang gui naw Jordan tui kah vai ah phung ami hteh tak yah ung taigü gui cu Thukhän M’küm kawt ne ma ne hteit ci gui. Taigü gui tui ung ami ng’leh vai am,

JOSHUA 3:14 Referans Kwoze

HEBRU 9:4

Acun ah kyong ah ang ui gui mei awn ami m’khih nak ah ghui mangkiang la, ghui bäng awn pyan ah Thukhän M’küm om ci. Cun ah m’Küm khui ah manna m’htut ah om nak ah ghui-am, lim ne hnah ciah Aaron ah ng’shopawng la thukhän gui guk ah lung k’paang hnih om ci.

JEREMIAH 3:16

Nangmi cun ah khaw ung nami da law ah a kyak ung chang gui naw kei ah thu khän m’küm ah mawng kä pyen ba khai gui nei. Nangmi naw cun ah mawng kä ngaih-tüh ba khai gui, kä shüm ba khai gui; ngami naw kä ng’ya hlü ba khai gui, ahei tumat pyang ba khai gui.

SAM 132:8

Bawipa, Thukhän m’küm awn Pum Im kyong ah lut law ä, Na huham m’dang ne shin ung angtäi sei om ä.

JOSHUA 6:6

Joshua naw taigü gui khü gui neta, “Thukhän m’küm nami lak vai, nangmi sing chih cu acun ah ma ung phyungheng gui kawt ne nami hteh vai” cine m’cäi gui ci.

JOSHUA 3:6

Cun kawn ah ani naw taigü gui cu Thukhän M’küm kawt ne chang gui ah ma ung ami hteh vai ah pyen na gui sei, a pyen ah mäih ah bik ci gui.

JOSHUA 3:3

Chang gui cu pyen nak ci gui, “Taigü gui naw, Bawipa nami Khanpughi ah Thukhän M’küm ami kawh nami hmuh ah a kyak ung phung gäi neta nami läk gui vai.

THULÄÄN NAK 31:26

“Shin ah Khanpughi ah thukhän ca uk cu la neta, Bawipa nami Khanpughi ah Thukhäm M’küm ah ang leng ung nami tha vai. Cun ung shin cu a chang gui hnu ng’tuk püi gui ciah saksi ah kya ne a cun ung om khai.

JOSHUA 24:11

Nangmi naw Jordan tuinu kat ne, Jerikho ung nami gawk ci. Jerikho chang gui naw ning tu gui ci gui, Amorit, Perizzit, Kanaanit, Hittit, Kirkashit, Hivit, la Jebusit gui naw phi ning tu gui ci gui. Cun ung phi cun gui ami van ah khan ah näng nak ka ning pe gui ci.