JOSHUA 3:11 - Cho Bible Common Language 2016

¹¹ Khomdek avan ah Bawipa ah Thukhän M’küm naw Jordan tui cu nami ma ung a hei kah ah a kyak ung,

JOSHUA 3:11 Referans Kwoze

ZEKHARIAH 6:5

Ani naw, “Ngami cu khokhi mawng phli ah kyak ci gui, m’dek khan avan khäm ciah Bawi ah ma ungka tuhbäi lawk ci gui ah kyak ci.

ZEKHARIAH 4:14

Cun kawn ah ani naw, “Shin ah angban goi cu chang sing goi ah kyak ci, Khanpughi naw abii bik khai ah a ghü, amdüih, m’dek khan avan ah bawi ah kyak ci.”

SAM 24:1

Khomdek khan la a cun ung om ci phung cu Bawipa ah kaa ah kyak ci; Khomdek la akhan ah om ci pung cu ani ah kaa ah kyak ci.

MIKHAH 4:13

Bawipa naw, “Jerusalem chang gui, hteit ne nami ga gui cu m’kyuk gui vä! Kei naw nang cu m’si ki na ne, kyei khopaw nak ciah sei ah mäih ah ka ning gai sak khai. Nang naw changpakhui akda cu na deeng gui khai, akshe bi ne ami gah ah khawh gui cu nangmi naw kei, m’dek khan ung avan ah Bawipa am nami na pek khai.”

JOSHUA 3:13

Khomdek avan ah Bawipa ah Thukhän M’küm kawt ciah taigü gui naw ami khaw awn tui ung ami ng’leh ah a kyak ung, Jordan tui a lon cu düm khai, long ciuah tui cu vangtäng ah ng’bum yawp khai.”

ZEKHARIAH 14:9

Cun kawn ah Bawipa cu khomdek khan avan ung ghangpughang ah kya lawk khai; chang päng naw Khanpughi ah kyak ci, cine khawihnah khai gui, acun ah ming cu hmat khai gui.

ZEPHANIAH 2:11

Ngami cu Bawipa naw kyih sak gui khai, ani naw khomdek khanpughi gui cu akholä ah kyak sak gui khai. Chang pakhui pang naw ami mät ah khaw phäh phäh ung Khanpughi cu khawihnah khai gui.

JEREMIAH 10:7

A u naw kä ning m’tamkhah ne om hlawt khai aw, pakhui avan ah ghangpughang aw? Nang cu m’tamkhah vai ah na khinkha ci nei. Chang pakhui gui, cüivai ci gui avan ung phi kia, ami ghangpughang gui ung phi kia, nang ah mäih tumat phi kä om ci nei.

ISAIAH 54:5

Nang ning tüisho ci naw na cei ah mäih ah ning m’htei khai nei Aming cu m’gäi ciah Bawipa ah kyak ci nei. Theingcim ciah Israel Khanpughi naw ning hun khai. Ani cu khomdek uk ciah kyak ci.

ISAIAH 3:12

Ngui ng’pu ci gui naw ka chang gui kalu na gui u ne, khawh-mah gui naw shedam na gui ci gui. Ka chang gui aw, nami ng’vai gui naw lam hma ne ning hteh püi gui ci gui. Cun ah kyasei a hawi ah lam ung hteh vai kä nami hmat ci.

JOB 41:11

Acun cu ng’tuk püi neta amät phyawng ei hning ci om ne ang? Khomdek khan avan ung cun ah bi hning khai a u kä om ci nei.

THULÄÄN NAK 9:3

Cun ung phi tuhbäi nami mät naw nami hmuk khai, Bawipa nami Khanpughi cu mei m’lei ah mäih ah nami ma ung hteit khai nei. Ani naw nami ma ung hnim gui khai nei, cun ah kyasei a shaitak ah mäih ah nangmi naw ng’ghit ah k’täm gui u ne, nami m’di gui khai nei.

SAM 97:5

M’dek khan van ah Bawipa ah ma ah, Bawipa la khomhtung gui cu khoi chap ah mäih ah tui ne ng’nawi ci gui.

1 SHONTÄP NAK 29:11

Nang cu dämduh ne, huham mah ne, bämang ne, chünla ne, m’gää ciah na kyak ci. Khankho la khomdek ung avan nünü cu nang ah ka ah kyak ci nei, nang cu ghangpughang, avan ah khan ah m’gääi ciah uktu ah na kyak ci.