JOSHUA 3:10 - Cho Bible Common Language 2016

¹⁰ Nangmi nami gawk law ah a kyak ung ani naw, Kanaanit gui, Hittit gui, Hivit gui, Perizzit gui, Kirkashit gui, Amorit gui la Jebisit gui cu k’täm gui khai. Ghing ciah Khanpughi nami ng’lung ah om ci, cicu nami hmat klawk khai.

JOSHUA 3:10 Referans Kwoze

THULÄÄN NAK 7:1

Bawipa nami Khanpughi naw tuhbäi nami khäm law vai ah khaw ung, ning hteh püi gui khai. Ani naw cun ah khaw ungka pakhui akda k’täm gui khai. Nangmi nami gawk ah a kyak ung nangmi ah ta ng’ghaw pi ne huham mah pi ciah pakhui chih cu ani naw k’täm khai. Cun gui cu Hittit gui, Kirkashit gui, Amorit gui, Kanaanit gui, Perizzit gui, Hivit gui, la Jebusit gui ah kyak ci.

PHYAWN NAK 33:2

Lam ning m’shüm gui khai ah khanchang cu kei naw ka tüi lawk khai nei. Kanaanit gui, Amorit gui, Hittit gui, Perizzit gui, Hivit gui la Jebusit gui cu kei naw ka k’täm gui khai nei.

HEBRU 10:31

Ghin ciah Khanpughi ah kut khui ung kyumkiak cu kyihkyawk aih vai ah kyak ci nei.

1 SAMUEL 17:26

David naw a pei ah ka gui cu ng’shi gui ne, “Shin ah Philistin chang ngawn ne Israel gui cäi ng’ä nak ung phyawn sak ciah chang naw a i gah khai ang? Ghing ciah Khanpughi ah gakap ghet taap ciah shin ah chang hei Philistin chang cu a u ang?” cik ci.

JEREMIAH 10:10

Cun ung phi nang, Bawipa, cu Khanpughi akcang nei, nang cu ghing ciah Khanpughi, angtäi ghing ciah ghangpughang nei. Nang na m’lungshe ung khomdek cu thüng ci, nang ah m’lungshe cu changpakhui gui naw kä näng ci gui.

2 GHANGPUGHANG GUI 19:4

Assirian uktubawi ah tüih law ah gabawi naw ghing ciah Khanpughi cu päipih ci. Na Khanpughi Bawipa naw cun ah päipih nak ah ng’thu cu ng’ya ne, cun ah ng’thu ci gui cu m’kyuk gui sä. Cun ah kyasei pawih ba ciah mi chang gui ah phäh ah Khanpughi ah taigü ä.”

JOSHUA 22:31

Eleazar ah hta Phinehas. Taigüpa naw a pyen nak gui cu, “Bawipa naw na om püi gui ciah tuhbäi keimi naw kami hmat ci nei, Nangmi naw ani kä nami hnungtuk püi ci, cun ah kia ne Bawipa naw am kyuk nak vai ungka, Israel chang gui cu nami phyawn sak gui ci nei” cik ci.

THULÄÄN NAK 31:17

Cun ah a kyak law ung ngami ah khan ah kei cu ka m’lung she khai; kei naw ka nawng gui khai, ngami cu dishum khai gui. Kyih vai ah leigai akda ami khan ah gawk lawk khai, cun kawn ah ngami naw hmat lawk khai gui, shin gui ngami ah khan ah a kyak law cu, kei, ami na Khanpughi naw kä ka om püi ba gui ah hmawk ah kyak ci, ciah hmat khai gui.

PHYAWN NAK 3:8

Egypt gui ah kut ungka ka gun gui khai ah kei ka lawk ci, ngami cu Egypt khaw ah kaa bämang nak khaw, bühmang ne ng’lei nik ciah khaw, ami ng’shon nak, tuhbäi chü Kanaanit gui, Hittit gui, Amorit gui, Perizzit gui, Hivit gui la Jebusit gui ah om nak ah ka hteh püi ba gui khai.

1 THESSALONIAN 1:9

Keimi kami law ah mawng la a i cha nami na dou gui ah mawng, düng ne ghing ciah Khanpughi ah a khuut bi vai la khankho ah ka kyum law ba khai ah A Htapa ngäng vai ah hmawk ah a gup gui nawng shüt ne Khanpughi ah nami ng’hlah law ba ah mawng gui cu, cun ah chang gui naw pyein sak ci gui nei.

HOSEA 1:10

Israel chang gui cu tuinu kem ah laigin ah mäih ah kyak khai gui, kä khei tai vai, kä nüt tai vai ah kyak khai gui, Tuhbäi Khanpughi naw pyen ah gui ci, “Nangmi cu kei ah kä ning chang gui nei,” Cun ung phi ani naw shi cha ah a pyen nak vai ah hnüüp cu gawk lawk khai nei “Nangmi cu ghing ciah Khanpughi ah hta nau gui nei!”

SAM 9:16

Bawipa naw amät ah düng ciah am khoicha nak awn amät cu dang sak ci nei. Changshe gui cu ami mät ah shetkat nak ung ng’awk ci gui nei.

THULÄÄN NAK 5:26

Ghing ciah Khanpughi, mei ungka naw thu pyen sei ng’ya pyi ciah chang cu ghing ba lä man ne ang?

MATTHE 16:16

Simon Peter naw, “Nang cu angtäi ghing ciah Khanpughi ah Htapa, Messiah ah na kyak ci,” cine pyein ci.

ISAIAH 7:14

Bä khai, Bawipa amät naw m’hnüt nak ning pek khai: hmumihta cu käu mah ne pamihta ah hta lawk khai, aming cu ‘Immanuel’ ah sui khai gui.

1 GHANGPUGHANG GUI 22:28

Mikaiah naw pyen ne, “Nang phyawng ne na law ba ah a kyak ung, kei ung Bawipa naw ng’thu kä pyen ciah kyak khai!” Ani naw m’khah ba ne, “Chang päng naw kei ah ng’thu cu ngai vä!” cik ci.

JOSHUA 21:45

Bawipa naw Israel gui ung abi ah shaitak päng cu paang khenggeng ci.

PHYAWN NAK 17:7

Cun ah hmun cu Massah la Meribah ah sui ci gui, a i ah kyasei ci ung Israel gui naw ng’thu m’da ne, Bawipa m’nüm u ne, Bawipa naw na om püi gui ci ang? Kä na om püi gui ci ang? Ami ci nak ah kyak ci.

JOHAN 6:69

Nang cu Khanpughi ungka kyum lawk ciah, khanchang theing ah na kiak cu, tuhbäi hmat ne kami ning yum ci nei” cine pyein ci.

THULÄÄN NAK 7:21

Cun ah kyasei shin ah chang gui kä nami kyih gui vai. Bawipa nami Khanpughi cu nangmi awn a täng ah om ci. Ani cu dämduh ciah Khanpughi, kyih vai tumat ah kyak ci.

JOSHUA 3:9

Cun kawn ah Joshua naw chang gui am, “Shin ung law vä, Bawipa nami Khanpughi ah pyen cu ngai law vä.

JOSHUA 9:1

Israel gui ah näng nak cu Jordan tuinu akhei täng ghanpughang gui ami van naw hmat ci gui, khawgui gui, m’htung nawi gui la Mediteranean tuinu kem khaw avan ung a siiptäng Lebanon ung khüt ci; cun gui cu Hittit, Amorit, Kanaanit, Perizzit, Hivit la Jebusit gui ah ghangpughang gui ah kyak ci.

1 SAMUEL 26:6

David naw Hittite chang Ahimelek la Abishai, Joab ah a phäi (ani cu Zeruiah) cu khü goi ne, “Nang ni ung ka a u ang Saul ah phung ah kei awn a täng ah a hteh tu kaw?” cik ci. Abishai naw, “Ä, ka hteit tuk khai” cik ci.

SAM 42:2

Ghing ciah Khanpughi, nang cu tui ah gha ne ka ning ging co ci nei. A i yah ung na ma ah hteit ne, ka ning khawihnah hlawt khai aw?

ATÜNNAK 15:21

Amorit gui, Kanaanit gui, Kirkashit gui la Jebusit chang gui phi, nang ah htangshon gui am ka ap gui khai nei.

KHEI NAK 13:29

Khaw ah a htumtäng ah Amalek chang gui om ci gui. Khaw gui täng ah Hittit gui, Jebusit gui la Amorit chang gui om ci gui. Kanaan chang gui cu Mediteranean tuinu pei la Jordan tuinukem yung ah om ci gui.”

JOSHUA 11:3

Ani naw shin gui am phi thu m’khäh gui ci; Amorit gui, Hittit gui, Perizzit gui la khogui khaw ung om ciah Jebusit gui ah kyak ci. Mizpah khaw Hermon m’htung nawi ung om ci gui ah Hivit gui am phi thu m’khäh gui ci.

JOSHUA 12:8

Shin ah khawbung ung khawgui gui, a hei täng m’htung nawi gui, Jordan khaw nawi la acun ah m’htung nawi gui, a kiangtäng khaw dou la ahtum täng khaw ng’gau ung khüt ci. Shin ah khaw ung Hittit gui, Amorit gui, Kanaanit gui, Perizzit gui, Hivit gui la Jebusit gui ah pyu im gui om ci.

JOSHUA 24:11

Nangmi naw Jordan tuinu kat ne, Jerikho ung nami gawk ci. Jerikho chang gui naw ning tu gui ci gui, Amorit, Perizzit, Kanaanit, Hittit, Kirkashit, Hivit, la Jebusit gui naw phi ning tu gui ci gui. Cun ung phi cun gui ami van ah khan ah näng nak ka ning pe gui ci.

1 SHONTÄP NAK 1:14

Kanaan cun phi Jebusit gui, Amorit gui, Kirkashit gui,