JOSHUA 24:7 - Cho Bible Common Language 2016

⁷ ngami naw ka m’htei gui vai ah kyap ne ng’khü u sei, kei naw hmüpnak cu ngami la Egypt chang gui ah ng’lak ung ka tha ci. Kei naw tuinu cu Egypt chang gui ah khan ah long khai ah ci ngäsei, tui naw hteh gui ci. Kei naw Egypt ah khan ah a i ah ka bi cu nangmi naw nami hmat ci. “‘Nangmi bungpuk ah aksho nami om ci.

JOSHUA 24:7 Referans Kwoze

THULÄÄN NAK 4:34

Egypt khaw ah nangmi ah hmawk ah Bawipa nami Khanpughi naw abi ah mäih ah tha hlü ne hteit ne a hei pakhui khaw ungka chang la ba ne, amät ah chang ah pyang ciah Khanpughi om man ne ang? Nami mik awn nami hmuh vai ah ani naw dämduh ciah a huham la ak thagui cu mang ci. Ani naw leigai la ng’tuk nak law püi ci. Cäi-aih vai la cäicat vai gui bik ci, kyihkyawk vai gui kyak sak ci.

PHYAWN NAK 14:20

Egypt gui la Israel gui ah ng’lak ah ng’düm ci. Khaw ng’mei naw Egypt gui cu mü shi gui ci, cun ung phi Israel gui täng ah dei khang ci. Cun ah kyasei mü pum ung gakap gui cu tumat la tumat kä ng’et hlawt ci gui.

PHYAWN NAK 14:10

Israel gui naw ghangpughang la a gakap gui naw tu gui khai gui ah ami k’pha law gui cu hmu u neta, kyikyawk u ne, Bawipa naw am htei gui vai ah kyap m’lau ci gui.

PHYAWN NAK 14:31

Bawipa naw m’gäi ciah a huham awn Egypt gui a hnim gui cu Israel gui naw hmu u neta, kyi u ne Bawipa ung ng’düi ci gui. Bawipa cu yum ci gui, ak chang Moses phi yum ci gui.

THULÄÄN NAK 29:2

Moses naw Israel chang avan cu a täng ah khü gui neta, a pyen nak gui cu, “Bawipa naw Egypt ghangpughang, a bawi gui la a khaw avan ung a i a bi cu nangmi nami mät naw nami mät nami hmuk khai.

THULÄÄN NAK 1:46

Cun kawn ah keimi cu Kadesh ung akshou kami om kawn ah,

HEBRU 3:17

Khokum phli-kip ung Khanpughi naw am lung she nak gui cu a u gui ang? Cheishoh nak bi ne pui kiang ma ah kyu ne sik ci gui ah kiak ci nei.

THULÄÄN NAK 2:14

Cun ung Kadesh Banea kami hteh tak awn ah khokum thumkip lei cheit lawk ci. Acun ah ng’shon ung ng’tuk bi hning ciah chang gui avan sik ci gui, cun ah ami kyak vai ah Bawipa naw a pyen pyi ah kyak ci.