JOSHUA 24:33 - Cho Bible Common Language 2016

³³ Aaron ah hta Eleazar cu si sei Kibeah ung phuh ci gui. Cun ah gawnu cu Ephraim khawgui ung om ci, cun cu a hta Phinehas am a pek ah kyak ci.

JOSHUA 24:33 Referans Kwoze

JOSHUA 22:13

Israel chang gui naw taigü Eleazar ah hta Phinehas cu Kilead khaw, Reuben, Kad la akyang täng Manasseh pakhui chang gui ah tüi ci gui.

PHYAWN NAK 6:25

Eleazar, Aaron ah hta naw Putiel ah hta tumat chu nak ci, ani cu Phinehas ah hta ci. Shin gui cu ami kyongkhui ng’vai gui Levi pakhui ah pahta gui ah kyak ci.

HEBRU 7:24

Cun ung phi Bawipa Jesuh cu angtäi ghing ci kya ne, Taigü ah kia ne khuut abi cun phi a hei ah kut ung kä gawk hlawt ci.

LAMKTU 13:36

David cu a ghin om yah ung Khanpughi ah ng’yak hlü ah bi bik ci, a sih kawn ah a pupa gui ah ng’cim hmun pei ah m’cim tuk ci gui. A pumsa cu ng’cim hmun ah thukat nak ung gawk ci.

ZEKHARIAH 1:5

Nami pupa gui lacun ah prophet gui cu kä om ba ci gui.

SAM 49:10

Chang van ah hmuhmat cu, cüi vai ci phi sik ci, chang gu ang shekha phi sik ci, ami van naw ami khawh cu ami hta nau-am nawng pe shüt ci gui.

JOB 30:23

Nang naw sih nak ah na na hteh püi ciah ka hmat ci. Cun cu chang päng ah bui awt ah kya ci.

JOSHUA 14:1

Shin gui cu Kanaan khaw Jordan tuinu ah akhei täng cu Israel chang gui naw a i hawkcha ah ami ng’pai ciah mawng ah kyak ci. Taigü Eleayar, Nun ah hta Joshua la Israel pakhui kyong chang ung ami ng’vai gui naw chang gui am k’pai gui ci gui.

KHEI NAK 3:32

Levit gui ah ami bawi cu taigü Aaron ah hta Eleazar ah kyak ci. Ani cu Atheingcim Hmun ung bilo ci gui uk gui ne tängpang ciah kyak ci.

PHYAWN NAK 6:23

Aaron naw Amminadab ah hta, Nashon ah be, Eisheba cu chu nak ci; ani cu Nadab, Abihu, Eleazar la Ithamar ah hta ci.

SUKI GUI 17:8

Ani naw Bethlem cu nawng shut ne a om nak vai shui ci. Ani cu lam a hteh sangung Ephraim khaw-gui, Mika him ung gawk lawk ci.

1 SAMUEL 1:1

Elkanah ming nak ciah chang tumat om ci, ani cu Ephraim pakhui ah kyak ci, Ephraim kho m’htung nawi Ramah gawnu ah om ci. Ani cu Jeroham ah hta Elihu ah tu ah kyak ci, Tohu kyong khui, Zuph pa ng’pai ung ka ah kyak ci.

1 SAMUEL 9:4

Ngami naw Ephraim khaw gui la Shalishah khaw nawi pum ung hteit ne shui ci gui, cun ung phi kä hmu ba ci gui; cun ah kyasei Shaalim khaw nawi ah hteit ci gui, cun phi la gui kä om ci gui. Cun kawn ah Benjamin khaw hmun ung phi hteit ci gui, cun ung phi kä hmu ba ci gui.

2 SAMUEL 20:21

Cun cu keimi ah pawng püi ah kä kyak ci. Ephraim khaw gui ungka Bikri ah hta Sheba ming nak ciah chang naw Ghangpughang David cu hnu ng’tuk püi ci. Cun ah chang cu ap vä, kei mang gaw ungka, ka ng’hlat ba khai nei” cik ci. Hnumi naw, “Keimi naw ani ah lu cu pang khan ungka naw kami ning ak ghawh khai nei” cik ci.

1 GHANGPUGHANG GUI 4:8

Uktu gha lei goi ah ami ng’ming gui la ami uk ah khawpäng gui cu: Benhur: Ephraim ah khawngyung khaw

2 GHANGPUGHANG GUI 5:22

Kehazi naw, “Ka nei, cun ung phi a tuhbäi ng’lung, Ephraim khomhtung ah hnih lawk ciah prophet ng’bum cu gawk law u sei, ka bawi naw ka ning m’thein gui vai pyen ci. Ngami am nangmi naw ngui pit phia thumkip la suinu ni ng’yung goi cu nami pek gui vai ah ng’ya hlük ci nei” cik ci.

SUKI GUI 18:13

Ngami cu cun ung ka hteit u ne, Ephraim khaw-gui Mikah im ung gawk ci gui.

EZRA 7:5

Bukki cu Abishua ah hta, Abishua cu Phmehas ah hta, Phinehas cu Eleazar ah hta Elesyar cu Aaron ah hta ah kyak ci.