JOSHUA 24:32 - Cho Bible Common Language 2016

³² Joshua ah a pumsa, Israel chang gui naw Egypt ah ka ami law püi ba cu, Shekhem ung phuh ci gui. Cun cu Jakob naw Shekhem ah pa, Hamora ah hta gui ah a hleih ah khawbung ah vang ah kyak ci, ngui phia awn a hleih ah kyak ci. Cun ah khaw cu Joseph ah htangshon gui naw khui m’düng ci gui.

JOSHUA 24:32 Referans Kwoze

ATÜNNAK 50:25

Cun kawn ah Joseph naw a chang gui cu ng’thu ami khän vai ah m’cäi gui ci. Ani naw, “Thukhäm na pe vä, Khanpughi naw mi khaw ah a ning hteh püi ba gui hnüüp ung ka pumsa cu nami hteh püi ba vai nei” ciah kyak ci.

ATÜNNAK 33:19

Ani naw Shekhem ah pa Hamora ah htangshon gui ah ami khaw amshah cu ngui phia awn thong ba ci.

PHYAWN NAK 13:19

Moses naw Joseph ah apumsa cu hteh püi ci. Acun ah a bi vai ah Joseph naw Israel gui am aktung ah shai a tak ah phäh ah kyak ci. Joseph naw, “Khanpughi naw a ning gun ba gui hnüüp ung, shin ah hmun ungka ka pumsa cu nami hteh püi ba vai nei” cik ci.

LAMKTU 7:16

Ami gok gui cu Shehem pigaw ah hteh püi gui netah Hamora pahta ni ah Abraham naw ngui awn a thawn ba ah ng’cim hmun ung m’cim gui ci gui.

HEBRU 11:22

Josef naw asih law vai ung, Israel chang gui Egypt kho ah kaa ami phiawn law vai ah mawng pyein ne, apumsa ah a mawng a pyein cu a yum nak ah kyak ci.

JOHAN 4:5

Ngami cu Samria kho Jakob naw a hta Josef-am a peit ah lo pei ah, Saika pigawnu ah gawk lawk ci gui.

ATÜNNAK 48:22

Nang ah chaw, na phäi gui ah chaw ah kä kyak ciah Shekhem khohmun cu ka ning pek nei. Cun ah hmun cu ang lei nik ci, Amorit gui ah kut ungka ka li la ka khim awn ka gah ah kyak ci” cine m’cäi ci.

LAMKTU 7:15

Jakob cu Egypt khaw ah law tuk ci, acu ah amät lah a hta gui ami van sih tuk ci gui.

ATÜNNAK 50:24

Ani naw a phäinau gui am, “Kei cu ka si law vai ci nei, cun ung phi Khanpughi naw akcang ah ning m’htei gui khai nei. Ani naw shin ah khaw ungka naw Abraham, Isaak la Jakob ni ah ma ah, ak htük bäih ah ng’thu akhän nak ah khaw ah, lam ning m’shüm ba gui khai nei.