Biblia Todo Logo
Bib sou entènèt

- Piblisite -




JOSHUA 24:31 - Cho Bible Common Language 2016

31 Joshua a ghin yah a chuih ung Israel chang gui naw Khanpughi ah bii bik ci gui. Ani asih kawn ah phi ngami naw k’täi ne bik ci gui. Bawipa naw Israel gui ah khan ah a bi päng ami mät naw hmu tuk ciah ami ng’vai gui ami ghin ah chuih acun ah bik ci gui.

Gade chapit la Kopi




JOSHUA 24:31
13 Referans Kwoze  

Joshua a ghin yah ah chuih Israel chang gui naw Bawipa cu khawihnah ci gui, ani a sih kawn ung phi, Bawipa naw Israel gui ah hmawk ah küikyang ciah abi gui avan ami mät naw hmuk ci gui ah ami ng’vai gui ami ghin ah chuih ngami naw yum gäk gäk ci gui.


Cun ah kyasei Bawipa Khanpughi ah thukhän kä ng’ya man ciah nami hta ng’shon gui naw, cun cu ng’zak khai gui. Cun ah kyasei, nangmi naw Jordan tuinu kat ne, nami khäm law vai ah khaw ung, ngami ami om ah chuih, ani läk vai ah ngami cu ng’thei khai gui.”


Kei naw ka hmat ci, kei ka sih kawn ah chang gui naw, kei ah m’theithang gui cu shetkat shi u ne, hnu nak khai gui. Cun kawn ah lawk ciah akhin gui ung, ngami cu leigai awn ng’hmuk khai gui, a i ah kyasei ci ung ani cu m’lungshe sak khai gui.”


Ani awn a täng ah nami buiawt law nak ung Bawipa ah mawng nami ng’thei nak gui cu, tuhngawi shüm ba vä. Cun buiawt ci gui cu nangmi, nami hta nau gui ah kä kyak ci. Nangmi naw Bawipa ah dämduh a huham, am gäi nak la


Cun ah kya sei teihpüi gui aw, kei ka om yah ung ka ng’thu nakmi ngaih ah mäih ah, tuhbäi kei kä ka om yah ung ka ng’thu nami ngaih vai cu ak küikyang pi ah kyak ci. Nangmi naw hun nak ak be ah nami gah nak vai ah kyih aa nak awn nami bilawh vai,


Kei ka hteh ba kawn ah k’hnei sou gui cu nami ng’lung ah law u ne m’ghä m’ce ne ning tuten gui khai gui cicu ka hmat pyi ci.


Ani naw Taigü Jehoiada a ghin ah chuih Bawipa naw amhni vai ah bik ci.


Ä! Nangmi cu shin ah dämduh ciah Bawipa ah bi avan nami hmuk ciah kyak ci.


Siidim khaw cu k’paan awn be ciah m’ghawng khui gui bäng ah kyak ci. Sodom la Komorrah ung ghangpughang gui la ami chang gui cu ng’tuk nak ungka dawng u ne, m’ghawng ah lut ne si yawp ci gui. Amshah ghangpughang thum gui cu m’htung täng ah dawng ne phyawng ci gui.


Joshua naw Israel chang gui cu tüi gui sei, hteit u ne, ami mät ah chaw phäh phäh vai ah khaw cu ka nak ci gui.


Acun ah ng’shon ung ka chang gui cu si yawp u sei, acun tawi lawk ciah ng’shon gui naw Bawipa la Israel gui ah hmawk ah ani naw abi gui cu m’hnih ci gui.


Ghangpughang Josiah naw Israel chang gui ah khopäng gui ung om ciah shemshai ciah a gup gui avan cu m’di yawp ci. Ani a ghin yah a chuih, chang gui naw ami pupa gui ah Khanpughi Bawipa ah bii bi sak gui ci.


Swiv nou:

Piblisite


Piblisite