JOSHUA 24:27 - Cho Bible Common Language 2016

²⁷ Ani naw chang gui am, “shin ah lung cu mikmi ah saksi ah kyak ci, Ashin naw Bawipa naw ana ng’htau püi gui ah ng’thu avan cu ng’yak ci nei. Cun ah kia ne shin naw nangmi ning hnungtuk püi gui ne saksi ci nei, nami Khanpughi nami hnungtuk püi nak vai ungka ning k’pang gui ci nei” cik ci.

JOSHUA 24:27 Referans Kwoze

LUKA 19:40

Bawipa Jesuh naw, “Kei naw akcang ka pyein cu, shin ah chang gui adüm ah ami om ah a kyak ung lung gui cu tho law ne m’lau lawk khai gui nei” cik ci.

JOSHUA 22:34

Reuben la Kad chang gui naw, “Bawipa cu Khanpughi ah kyak ciah klia sei shin ah sonkiang cu mi van ah phäh ah saksi ah kyak ci” cik ci gui. Cun ah kyasei” saksi” ah aming sui ci ui.

MATTHE 10:33

Cun ung phi chang gui ah ma ah kei na hnu ng’tuk püi ciah chang cu, khankho ka Pa ah ma ah kei naw ka hnu ng’tuk püi khai.

THULÄÄN NAK 31:26

“Shin ah Khanpughi ah thukhän ca uk cu la neta, Bawipa nami Khanpughi ah Thukhäm M’küm ah ang leng ung nami tha vai. Cun ung shin cu a chang gui hnu ng’tuk püi gui ciah saksi ah kya ne a cun ung om khai.

ISAIAH 1:2

Bawipa naw, “Khomdek la khomik, kei naw ka pyen law vai cu ngai vä! Kei naw ka m’ghin gui ah ak hmaw gui naw na hnu ng’tuk püi ci gui nei.

NG'THU K'THUUK~ 30:9

Kei naw akdäm ka tak ung kei naw nang kä ka ning ya hlük ciah ka pyen khai. Kei ka dukhaih ah a kyak ung kei cu m’gu ne ka Khanpughi ah khan ah thüisei nak ka law püi khai nei.

JOB 31:23

A i ah kyasei ciung kei naw Khanpughi ah m’kyuk nak cu ka kyih ci nei. A cun ah mäih cu kä ka bi phung khai nei.

1 SAMUEL 7:12

Samuel naw lung la ne, Mizpah la shen ah ng’lak ung k’süm neta, “Bawipa naw lam pum ung na m’htei gui ci nei” ci neta, acun cu “M’htei ciah lung” ngah sui ci.

THULÄÄN NAK 32:1

“Khankho la khomdek ka thu ngai vä, Kei naw a i ka pyen cu akheng ah ngai vä.

THULÄÄN NAK 31:21

Cun kawn ah kyih vai ah leigai akda ami khan ah gawk lawk khai. Cun ung phi shin ah ng’äi cu m’cu lä khai gui, a cun cu ngami hnu ng’tuk gui ne saksi ah ng’düi khai. Tuhbäi pang phi, kei naw ka pek gui vai ah ka shai tak nak ah khaw ung kä ka hteh püi gui pha ung, ngami naw a i ngaihtüh ci gui cicu kei naw ka hmat ci.”

TITUS 1:16

Ngami naw Khanpughi kami hmat ci nei ami ci ung phi ami hnün thawh naw maa na gui ci. Ngami cu thüi nak vai kya u ne, thu kä ngai u ne, akni phung api phi, kä bi tu hning ciah chang gui ah kyak ci.

THULÄÄN NAK 31:19

“Tuhbäi shin ah ng’äi na guk vai. Shin cu Israel chang gui na m’thein gui vai, cun ung shin cu ngami hnu ng’tuk püi gui ciah saksi ah ng’düi khai.

THULÄÄN NAK 30:19

Kei naw tuhbäi nami ghü vai ah ghin nak la sih nak, Khanpughi ah hriham la Khanpughi ah plah taam nak, ka ning pe gui ci. Nangmi naw ghü nak nami bi ung saksi khai ah khankhaw la khomdek ka khü ci. Ghin nak cu ghü vä.

THULÄÄN NAK 4:26

Tuhngawi kei naw khankho la khomdek cu ning hnungtuk püi gui ne saksi khai ah ka khü ci. Nangmi naw kä nami na ngaih ah a kyak ung shin ah khaw ungka nami maih khai. Jordan tuinu kat ne nami khäm vai ah khaw ung nangmi akshou kä nami om khai. Nangmi cu nami htin khai ah ning m’di gui vai.

THU PHLAAN 3:8

Nang ah na bi cu kei naw ka hmat ci, Nang ung hlüngtai nak api a om ung phi, kei ah m’thei cu läk ne kei ah khan ah na bekhüt cu kei naw ka hmat ci. Kei naw na maa ah m’kawt cu ka hnawng ci, cun ah m’kawt cu a u naw kä khai hlawt khai.

HABAKKUK 2:11

K’paang ungka lung gui naw ning kyap ne ning hnungtuk püi gui sei, ng’lawng dang piang ci gui ah kyah shalawng ci.

KHEI NAK 11:20

Cha ät lüng ung nami hnga ung meh aluh law güt, nami gaw nak güt nami ei khai nei. Acun ah kya lawk khai, a i ah kyasei ci ung, nangmi naw nami ng’lung ah om ciah Bawipa cu nami hnungtuk püi ci. Egypt khaw kä kami hteh tak vai sü, cine ama ah chiu nami m’da ci.

JOSHUA 24:28

Cun kawn ah Joshua naw chang gui cu tüi ba gui sei, chang päng cu ami khaw phäh phäh ah hteit ba ci gui.

JOB 31:28

Cun ah mäih gui cu sih nak awn m’kyuk vai kyak ci nei. A cun naw Khanpughi cu ma nak ci nei.

ISAIAH 59:13

Keimi naw kami ning hnung’tuk pui küknet püi ci nei, kami ning läk vai ah kami mak ci nei. Kei mi naw chang hei gui shedam na u ne, nang ung ka, a hei ah kami ng’hlat ci nei. Kami ngaih-tüh kä hman ci, kami ng’thu phi hleei ah kyak ci.