JOSHUA 24:21 - Cho Bible Common Language 2016

²¹ Chang gui naw Joshua am, “Ka nei. Keimi naw Bawipa ah bii kami bik khai nei” cik ci gui.

JOSHUA 24:21 Referans Kwoze

ISAIAH 44:5

“Chang gui tumat ci tumat ci naw, kei cu Bawipa ah na chang nei” cik khai gui. Ngami cu Israel chang gui ung law ne ng’dawn tuk khai gui. A chang sing naw ami ban ung Bawipa ah ming awn m’hnüt khai gui, ami mät naw ami mät khanpughi ah chang tumat ah ng’khü khai gui.”

PHYAWN NAK 20:19

Ngami naw Moses am, “Nang naw na ng’thu püi gui ung keimi naw kami ngai khai, cun ung phi Khanpughi naw na ng’thu püi gui sei kami kyik ci, kami si lawk khai nei” cik ci gui.

PHYAWN NAK 19:8

Chang gui ami van naw a täng ah m’shang u ne, “Bawipa ah a pyen phung cu kami bik khai nei” cik ci gui. Moses naw a cun cu Bawipa am m’thein ba ci.

THULÄÄN NAK 26:17

Tuhngawi nangmi naw Bawipa cu nami Khanpughi ah nami ng’kiaa ci. Ani nami läk khai, ang thukhän avan nami pang khai, ang thumkhän avan nami bik khai ah shai nami tak ci.

PHYAWN NAK 24:7

Cun kawn ah ani naw thukhän ca-uk cu lak ci, cun ung Bawipa ah thumkhän ami guk ah kyak ci. Ani naw cun cu chang gui ah ma ah m’lau ne phat ci. Chang gui naw, “Mikmi naw Bawipa cu mi ngai khai, ang thumkhän phung cu mi bik khai” cik ci gui.

PHYAWN NAK 24:3

Moses naw hteit ne Bawipa thumkhän la thuküi cu chang gui am m’thein gui ci. Chang gui avan naw a täng ah, “Bawipa ah pyen phung cu kami bik khai nei” cik ci gui.

JOSHUA 24:20

nangmi naw a khaw hei khanpughi gui khawihnah vai a, ani nami hteh tak ah a kyak ung, ani naw ng’hlat ne ning hnungtuk püi gui khai, ning m’kyuk gui khai. Ani cu yanä nangmi ung ani man pang ung phi, ani naw ning m’di gui khai.”

JOSHUA 24:22

Joshua naw ngami am, “Akcang ah nangmi ung nami mät cu saksi ah kia u ne, nangmi naw Bawipa ah bii bi vai ah nami ghü ci nei” ci na gui ci. Ngami naw, “ä, keimi cu saksi gui nei” cik ci gui.