JOSHUA 24:20 - Cho Bible Common Language 2016

²⁰ nangmi naw a khaw hei khanpughi gui khawihnah vai a, ani nami hteh tak ah a kyak ung, ani naw ng’hlat ne ning hnungtuk püi gui khai, ning m’kyuk gui khai. Ani cu yanä nangmi ung ani man pang ung phi, ani naw ning m’di gui khai.”

JOSHUA 24:20 Referans Kwoze

LAMKTU 7:42

Cun ah kyasei Khanpughi naw ng’hlah tah gui neh, khankho ah aisi gui ah k’taigü sak gui ci. Cun ah mawng Profet gui ah ca guk cu; Israel chang gui aw, nang mi naw ‘Pya lün nu ah khaw kum phli-kip ah kyawng ung m’ghu ng’tha neh nami tumbei cu,

EZEKIEL 18:24

“Cun ung phi düng ciah chang naw akni abi nawng ne, Chang she gui ah bi ah akshe gui la shemshai ci gui cu abi ah a kyak ung ani cu ghing lä khai ang? Ka nei, ani akni abi phung kä shüm pet vai nei. Kä abekhüt nak la akat nak ah phäh ah ani cu sik khai nei.

JEREMIAH 17:13

Bawipa, nang cu Israel gui ah ngaih u ah na kyak ci; Nang ning nawng ciah chang avan cu lü ng’aa nak ung gawk khai. Ngami cu m’vut ung guk ah ming ah mäih ah maih khai gui. A i kyasei ci ung Tuici lawng ah na kyak ciah nang Bawipa ami ning nawng ah phäh ah kyak ci.

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

ISAIAH 63:10

Cun ung phi ngami naw hnungtuk küknet püi u ne, amumcha Theing cu thüi khai ah cik ci gui. Cun ah kyasei Bawipa cu ami ga ah kya law ne, ani naw ng’tuk püi gus ci.

ISAIAH 1:28

Cun ung phi shekak ci la ani hnu ng’tuk püi ciah chang phung cu ani naw güüt khai. Ani nawng ciah chaung päng cu, ani naw ngawn khai.

EZRA 8:22

Lam mi hteh sangung ga nü ung na shungvong gui khai ah ng’se cun gakap gui, ghangpughang ah k’thäh vai ah kei ka lü ng’aa ci nei. A i ah kyasei ci ung, ani yi hnei ci phung cu, kami Khanpughi naw phyuhtheh ci nei. Cun ung phi ani ng’hlah tak ci läi cu, thüi na ne m’kyuk ci nei, cine ani am ka m’thein pyi nei.

2 SHONTÄP NAK 15:2

ani cu ghangpughang Asa hmuk khai ah hteit ci. Ani naw ng’khü neta, “Na ngai ä, ghangpughang Asa, Judah la Benjamin ung chang avan naw! Nangmi cu ani ung nami om ah chuih Bawipa naw ning om püi gui ci nei. Nangmi naw ani nami shui ah a kyak ung ning hmuh sak gui khai nei, cun ung phi nangmi naw nami ng’hlah tak läi ung ning nawng gui khai nei.

HEBRU 10:38

Ng’düng ciah kakchang gui cu yum ne ghing khai gui nei; Cung ung phi ng’hlat ba ciah chang läi cu, kei naw kä ka yei nak khai nei,” ciah om ci.

THULÄÄN NAK 4:25

“Nangmi cu cun khaw ung akshou nu nami om law ung phi, nami hta nau, nami tu gui ada law ung phi, a i ah mäih ah phi nami mät ah phäh ah a gup pyang ne katnak kä nami bi en vai. Bawipa täng ah ka naw teng ung cun cu akshe ah kyak ci. Acun naw ani m’lungshe sak ci.

THULÄÄN NAK 4:26

Tuhngawi kei naw khankho la khomdek cu ning hnungtuk püi gui ne saksi khai ah ka khü ci. Nangmi naw kä nami na ngaih ah a kyak ung shin ah khaw ungka nami maih khai. Jordan tuinu kat ne nami khäm vai ah khaw ung nangmi akshou kä nami om khai. Nangmi cu nami htin khai ah ning m’di gui vai.

JOSHUA 24:21

Chang gui naw Joshua am, “Ka nei. Keimi naw Bawipa ah bii kami bik khai nei” cik ci gui.

1 SAMUEL 12:15

Cun ung phi Bawipa ah thu kä ngai ne, a thumkhän kä nami läk ah a kyak ung, ani naw nangmi la nami ghangpughang cu ning hnu ng’tuk püi gui khai.

1 SAMUEL 12:25

Cun ung phi katnak nami bi lä ah a kyak ung, nangmi la nami ghangpughang cu ning m’di gui khai,” cik ci.

1 SHONTÄP NAK 28:8

Cun ah kyasei tuhbäi ka chang gui aw, mi Khanpughi ah ma ah Bawipa ah chang gui Israel gui ami van ah ma ah, ka ning bi sak gui cu, Bawipa mi Khanpughi naw ana thumkhän gui phung geing na ne mi läk khai nei, cun ung nangmi naw shin ah khaw k’ni cu k’täi ne nami ka nak khai, ngawi ah nami htangshon am phi nami pek khai” cik ci.

SAM 89:31

Kei ah ka m’shüm thein gui cu a i ah kä sui u ne, ka thumkhän cu kä ami khäm ah a kyak ung,