JOSHUA 24:19 - Cho Bible Common Language 2016

¹⁹ Joshua naw chang gui am, “Cun ung phi nangmi cu Bawipa ah bii bi vai ah kä nami khin khaa ci nei. Ani cu theingciim ciah Khanpughi ah kya ne, nangmi ah hmakat nak cu kä ning m’geinsei gui khai. Ani naw ng’kükneet püi ci a u phi kä m’gein ci,

JOSHUA 24:19 Referans Kwoze

ISAIAH 5:16

Cun ung phi m’gäi ciah Bawipa naw a däinduh nak cu hman ci a bi nak awn m’dang ci, ani naw a theincüm nak cu a chang gui am khaicha nak awn m’than ci.

PHYAWN NAK 23:21

A pyen ah nami om vai, a ng’thu nami ngaih vai, kä nami hnungtuk püi vai, kei naw ka tüih law ah kyak ci, cun ah hnungtuk püi ci gui cu ani naw kä m’hlawt gui khai.

SAM 99:9

Bawipa mi Khanpughi cu m’taam vä, Theingcim ciah khomhtung ung khawihnah vä! Bawipa mi Khanpughi cu Theingcim ci nei.

SAM 99:5

Bawipa mi Khanpughi cu m’taam vä; A mang kiang ah pei ah khawihnah vä! Ani theingcim ci nei!

TAIGÜTHUM 19:2

Israel chang gui a pyen nak gui vai ah am thein cu, “Nami theingcim vai, a i ah kyasei ci ung kei, Bawipa, nami na Khanpughi cu ka theingcim ci.

PHYAWN NAK 20:5

A i ah a gup ah ma ah phi kä nami m’khukdong vai, kä nami khawihnah vai, a i ah kyasei ci ung, kei cu Bawipa, nami Khanpughi, a u awn phi kä ka ni täng ci. Kei na gen ci gui ah khan ah m’kyuk nak ka law püi ci. Ami hta ng’shon, shon thum, shon phli güt ung ka m’kyuk gui ci.

1 SAMUEL 6:20

Beth Shemesh ah chang gui naw, “Theing cim ciah Khanpughi, Bawipa ah ma ah a u ng’düi hning khai ang? Mikmi ungka naw ani a hei ah hteit khai ah a hawi mi tüi khai ang?” cik ci.

PHYAWN NAK 34:14

“A hei khanpughi kä nami khawihnah vai, a i ah kyasei ci ung Kei, Bawipa m’tumtäng nak phung ka lum k’she nak ci nei.

MATTHE 6:24

‘A u chang phi bawi hnih ah changshäm ah kä kya hlawt khai, a bawi tumat cu gen ne tumat cu m’hni khai; tumat ah pyein ah om-ne, tumat cu a i ah kä sui khai. Nangmi cu Khanpughi ah chang la ghui ngui ah chang ah akawng ät ah kä nami kya hlawt khai.

ISAIAH 30:15

Uktu Bawipa, Theingcim ciah Israel khanpughi naw chang gui pyen na gui ci, “Law ba vä, adüm hta ah kei ung ng’ap ba vä. Nangmi cu gaigawng ne nami phyawng khai.” Cun ung phi nangmi naw cun ah bi vai cu nami mak ci.

ISAIAH 30:11

Kami lam ung ka, ng’nawn vä, kami lam kä shung en vä. Nangmi ah theingcim ciah gsvaek khanpughi ah mawng kä kami ng’ya hlük ci nei.”

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

1 SAMUEL 3:14

Cun ah kyasei Eli ah kyong ung aktung ah ka m’dang cu, a i khawihnah nak, a i douthak nak naw phi, shin ah kyih vai ah katnak ah a phu cu kä heng hlawt khai,” cik ci.

RUT 1:15

Naomi naw ani am, “Ruth, na paihta nai cu ak chang gui la ak khanpughi ah hteit ba ci nei. Ani awn a täng ah na im ah hteit tu ba ä” cik ci.

JOSHUA 24:23

“Cun ung nangmi ung om ciah a khaw hei khanpughi gui cu nami nawng vai nei” ci neta, ani naw k’thäh gui ne, Bawipa Israel Khanpughi ah ma ah nami bekhüt nak cu nami ng’kham vai nei” cik ci.

TAIGÜTHUM 20:26

Nangmi nami theingcim vai, kei bäng ung nami ng’khäm vai. A i ah kyasei ci ung kei cu Bawipa, kei cu ka theingcim ci. Kei naw chang khuihei gui ungka ka ning k’pai gui ci, cun ah kyasei nangmi cu kei bäng ung nami ng’khäm vai.

TAIGÜTHUM 10:3

Cun kawn ah Moses naw Aaron am, “Shin cu Bawipa naw a yuk ng’thu law yah ung a pyen ah mawng ah kyak ci, ‘Kei ah khuut bik ci phung naw kei ah theingcim nak cu a kyih aa vai; kei naw ka bämang nak cu ka chang gui ung ka m’than khai’ cik ci.” Cun ung phi Aaron cu kä chawkchek ne om ci.

HABAKKUK 1:13

Shin ah changshe gui, kä bekhüt ci gui, a i ah kyasei na ng’düih püi gui ang? Na mik cu theing ciim ci, akshe kä na teng hlük ci, cheishoh nak bik ciah chang täng ah kä na ng’düi ci, Ngami naw ami mät ah mä yum pi ciah chang ami m’di yah ung, a i ah kyasei adüm ah na om ang?

ISAIAH 27:11

Sing ghing guiah ami ng’ban gui cü chawng ne hnet sei, hnumi gui naw mei ah cih vai ah lak ci gui nei. A i ah kyasei ci ung chang gui naw a i kä hmat ba ci gui, Tüisho gui ciah khanpughi naw kä m’gein gui khai, chimgein nak api phi kä m’dang gui ci.

PHYAWN NAK 34:7

Hta ng’shon phia gha gha ung ka shaitak cu ka shum khenggeng ci, akshe la katnak cu ka m’geinsei ci. Cun ung phi kei naw ami pupa gui ah shetkat ah phäh ah ami hta ng’shon ak thum nak la ak phli nak khüt khai ah kä m’kyuk gui ah kä ka om khai nei” cik ci.

TAIGÜTHUM 20:7

Nami mät naw nami mät nami theingcim sak vai, a i ah kyasei ci ung kei cu Bawipa nami na Khanpughi ah kyak ci.

JOSHUA 24:18

Kei shin ah khaw ung kami gawk law yah ung shin ung om ciah Amorit gui ami van cu Bawipa naw k’täm gui ci. Cun ah kyasei keimi phi Bawipa ah bii kami bik khai nei, ani cu kami Khanpughi nei” cik ci gui.

SAM 99:3

Chang avan naw dämduh ne hlüngtai ciah aming cu m’taam khai nei. Ani cu theingcim ci nei!

NAHUM 1:2

Bawipa Khanpughi naw ani ng’längna püi cicu kä M’düm ci. Ani naw ani hnungtuk püi ci cu m’kyuk ci. A m’lungshe nak awn thung ba gui ci.

TAIGÜTHUM 11:44

Kei cu Bawipa nami na Khanpughi ah kyak ci, nangmi cu nami theingcim vai, a i ah kyasei ci ung kei cu ka theingcim ci.

TAIGÜTHUM 11:45

Kei cu Egypt ungka ka ning law püi ba gui ciah Bawipa, cun ah kyasei kei cu nami Khanpughi ah ka kyak ci. Nangmi cu nami theingcim vai, a i ah kyasei ci ung kei cu ka theingcim ci.

ISAIAH 2:9

A chang sing cu zu ng’kia u ne, lü ng’a khai gui nei. Bawipa, kä geinsei en gui ä!