JOSHUA 24:16 - Cho Bible Common Language 2016

¹⁶ Chang gui naw m’shang ba u ne, “Keimi naw a hei Khanpughi ah bii bi vai ah Bawipa cu kä kami nawng khai nei!

JOSHUA 24:16 Referans Kwoze

1 SAMUEL 12:23

Kei ah phäh ah, Bawipa naw ana taa cu, nangmi ah phäh ah kä taigü ba nak awn, ani hnu ng’tuk püi ne kei ka hma nak ah kyak ci. Acun nak vai sü ung, kei naw ka ning m’thein gui vai cu nangmi ah phäh ah nik ci la düng ci nami bi vai ah kyak ci.

ROMAN 6:2

Cun ah kä kyak ci nei, katnak mi hnu nah pyi ciah chang cu, a i ah kya sei katnak ung mi ng’len ba lä vai ang!

ROMAN 3:6

Cun ah kä kyak ci, Khanpughi kä a ng’düng ah a kyak ung, a i chaa khomdek khan cu m’khoichaa hlawt khai ang!

JOSHUA 24:15

Ani ah bii bi vai cu kä nami ng’yak hlü ah a kyak ung, a u ah bii bi vai cu tuhngawi nami phukpit vai. Mesopotamia ah nami pupa gui ah khawihnah man ah khanpughi gui ang? Tuhbäi nangmi naw nami om nak ah khaw mah gui, Amorit gui ah khanpughi gui ang? Kei la ka kyongchang läi naw Bawipa ah bii kami bik khai nei.”

JOSHUA 24:17

Bawipa kami Khanpughi naw keimi la kami pa gui cu, Egypt khaw ah khleihtein ungka, na k’plawk ba gui ci nei, ani naw am dang ah cäi aih vai gui cu kami hmuk ci nei. Keimi naw kami kaan law ah chang pakhui gui avan ah ng’lung ah kami hteh nak päng ung ani naw k’pang ne na k’phyawn gui ci nei.

JOSHUA 22:29

Keimi naw Bawipa cu akcang ah kä kami hnungtuk püi ci, m’khih ne douthak nak vai, htang douthak nak vai la khawihnah nak vai ah sonkyang co ne, a hnu ah läk nak kami ng’düm ciah kä kyak ci. Bawipa ah om nak ah Phung ah ma ah ng’düi ciah Bawipa mi Khanpughi ah sonkiang ah kawn ah keimi naw a hei sonkyang kä kami co ci nei” cik ci gui.

SAM 119:106

Kei naw tuhbäi na m’shümthei läk vai ah akcang ah ka shaitak cu ka k’pang khai nei.