JOSHUA 24:15 - Cho Bible Common Language 2016

¹⁵ Ani ah bii bi vai cu kä nami ng’yak hlü ah a kyak ung, a u ah bii bi vai cu tuhngawi nami phukpit vai. Mesopotamia ah nami pupa gui ah khawihnah man ah khanpughi gui ang? Tuhbäi nangmi naw nami om nak ah khaw mah gui, Amorit gui ah khanpughi gui ang? Kei la ka kyongchang läi naw Bawipa ah bii kami bik khai nei.”

JOSHUA 24:15 Referans Kwoze

1 GHANGPUGHANG GUI 18:21

Elijah naw chang gui ah pei ah hteit neta a pyen cu, “Nangmi ah m’lung kyong pyan nak vai cu a i güt lüng khai ang? Bawipa cu Khanpughi ah a kyak ung khawihnah vä; Baala cu khanpughi ah a kyak ung khawihnah vä!” Cun ung phi chang gui cu m’kha ät ah phi kä ng’htau ci gui.

THULÄÄN NAK 29:18

Nami cim vai vai, pami, hnumi, kyongchang, pakhui, shin ung tuhngawi ng’düi ci phung cu, a u chang phi Bawipa mi Khanpughi ng’hlata ne, a hei pakhui gui ah khanpughi gui kä ami khawihnah en vai. Cun cu kha ne m’äm ah ciaha ghing thawh sak ciah ang yung ah mäih ah kyak ci.

EZEKIEL 20:39

Uktu Bawipa naw pyen ci, “Tuhbäi, Israel gui nami van, nami mät! Hteit u ne nami a gup gui cu khawihnah vä! Cun ung phi kei naw ka ning k’bäi gui cu, cun kawn ah nangmi naw kei nami na ngaih vai, nami agup gui am m’cümhnah nak douthak ne, kei ah ming theing ah thang nami m’shet nak cu nami ng’düm vai.

LAMKTU 11:23

Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.

PHYAWN NAK 23:24

Ami khanpughi gui ah ma ah kä na kawp vai, kä na khawihnah vai, ami yum nak ah mäih ah kä nami bi en tu vai. Ami khanpughi gui m’di gui ne, theing ciah ami lungktou gup gui phi nami m’shet vai.

SUKI GUI 6:10

Kei naw ka ning m’thein gui ci, kei cu Bawipa nami na Khanpughi nei, nangmi naw tuhbäi nami om nak ah khaw kanak ciah Amorit gui ah khanpughi gui cu kä nami khawihnah en tu vai. Cun ung phi nangmi naw kä nami na ngai ci.

ATÜNNAK 18:19

A hta gui la a htangshon gui naw kei ah ng’thu ngai u ne, düng ci la bä ci ami bi vai ah, m’cäi gui khai ah ani cu ka ghü ci. A cun ah ami om ung ani ah hmawk ah ka shaitak phung cu ka kümbe sak khai” cik ci.

SAM 101:2

Kei ah ka hnün thawh cu kä chei khai nei. A i yah ung kei ah na lawk khai aw? Kei cu ka mät ah im ah ang cim ah ka om khai,

SAM 119:106

Kei naw tuhbäi na m’shümthei läk vai ah akcang ah ka shaitak cu ka k’pang khai nei.

THULÄÄN NAK 13:7

Tumat mat naw ning tüihtok gui khai, Nami pei ah om ciah chang gui ah khanpughi gui, nami khawihnah tu vai ah, kä cun ung ang shawng ah om ciah chang gui ah khanpughi gui.

PHYAWN NAK 34:15

A cu ah om ciah chang awn api ah phi kä nami ng’hteh hton en vai, a i ah kyasei ci ung ngami naw ami khoshe khanpughi cu khawihnah u ne, ami m’ghu tha law ung, nami ng’laak tu vai ah ning khü gui khai gui. Cun ung ngami naw ami khanpughi gui am ami douthak ah ei, ei vai ah mawng ung tüihtok nak nami gah khai.

ATÜNNAK 35:2

Cun kawn ah Jakob naw akyong ungka gui la a chang gui avan am, “Nami ng’lung ah om ciah a hei khanpughi gui cu nawng u ne, nami mät theingcim sak u ne, nami suisak phi ng’thong yawp vä.

JOSHUA 24:16

Chang gui naw m’shang ba u ne, “Keimi naw a hei Khanpughi ah bii bi vai ah Bawipa cu kä kami nawng khai nei!

DANIEL 3:18

Cun ah kä ana hun gui ah a kyak ung phi, nang ghangpughang naw na hmat vai cu, kemi naw nang ah khanpughi kä kami khawihnah khai, nang ah na ng’lin ah ghui agup ah ma ah kä kami m’khuk dong khai nei” cik ci gui.

MIKHAH 4:5

Pakhui päng naw amät ah khanpughi khawihnah ne läk khai, cun ung phi keimi naw Bawipa kami Khanpughi angtäi sei khawihnah ne kami läk khai.

PHYAWN NAK 23:2

Katnak bi u ne, taga nak k’phleng ne ami saksi law ung chang ah da nak täng düt ah kä na läk tu vai.

TAIGÜTHUM 14:42

Cun ah ghawh ah lung gui ah hnün ung, a hei lung gui tha ba vai, paang cu plasta akthai awn hluk ba vai.

1 SHONTÄP NAK 1:14

Kanaan cun phi Jebusit gui, Amorit gui, Kirkashit gui,