JOSHUA 24:14 - Cho Bible Common Language 2016

¹⁴ Tuhbäi cun kawn ah, Joshua naw k’täi ne, “Bawipa cu m’tamkhah ne kyäp nep nak la bekhüt nak awn abii nami bi vai. Egypt la Mesopotamia khaw ah nami pupa gui naw ami khawihnah man ah khanpughi gui cu nami phyawn nak gui vai, Bawipa bäng ah khut nami bi vai.

JOSHUA 24:14 Referans Kwoze

1 SAMUEL 12:24

Bawipa läk ne, nami m’lung kyong avan awn bekhüt ne abi nami bi vai. Nangmi ah phäh ah küikyang ciah bi abi cu nami shüm ba vai.

THULÄÄN NAK 10:12

“Tuhbäi, Israel chang gui, Bawipa nami Khanpughi naw a i a ning thäh gui cu ngai vä. Bawipa khawihnah vä, a thumkhän avan bi vä, ani m’hni vä, nami m’lung kyong avan awn abi bi vä.

ATÜNNAK 35:2

Cun kawn ah Jakob naw akyong ungka gui la a chang gui avan am, “Nami ng’lung ah om ciah a hei khanpughi gui cu nawng u ne, nami mät theingcim sak u ne, nami suisak phi ng’thong yawp vä.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

JOSHUA 24:23

“Cun ung nangmi ung om ciah a khaw hei khanpughi gui cu nami nawng vai nei” ci neta, ani naw k’thäh gui ne, Bawipa Israel Khanpughi ah ma ah nami bekhüt nak cu nami ng’kham vai nei” cik ci.

SAM 119:1

Yeikyai nak om ci gui cu a ghing nak ung cheishoh nak kä om sei, Bawipa ah thukhän ung ghing ci gui ah kyak ci.

EZEKIEL 20:18

Cun nak vai sü ung, kei naw ami ng’lung ah chang nong gui cu ka m’cäi gui ci: Nami pupa gui ah pyan ah thukhän gui kä nami k’pan vai; ami thungyo gui kä nami läk vai, ami agup gui awn nami mät kä nami lelawi sak vai.

SAM 111:10

Khanpughi kyih aa nak cu cüivai nak ah lam ah kyak ci; Ani ah thumkhän läk ciah chang phung-am gei ciah m’khoi cha nak cu pek ci. Ani cu angtäi sei m’taam nei.

JOB 28:28

Khanpughi naw chang gui pyen na gui ci, “Nami cüivai vai nei, Nangmi naw Bawipa cu nami chang m’sui vai nei. Nami hmat vai cu, nangmi cu akshe ungka nami ng’hlah law ba vai.”

EZRA 9:11

Cun cu na changshäm prophet gui ung na na pek gui ah kyak ci, keimi maw kami khäm law vai ah khaw cu kä theingthap ciah khaw ah ngami mi naw na m’thein gui ci gui nei, a i ah kya sedi ci ung cun ung om ciah chang gui naw, vang ungka vcang ah khüt khai ah shekat hnün thawh nak awn ami be sak nei.

2 GHANGPUGHANG GUI 20:3

“Bawipa, na shüm ä, kei cu bekhüt ne htingling ne nang ah bi ka bik ci nei. Nang naw ka bi vai ah na ng’yak hlü cu angtäi sei k’tha na ne ka bik ci nei,” ci neta ani cu aktä ah kyap ci.

JOSHUA 24:2

Joshua naw chang gui avan am, “Shin cu Bawipa, Israel Khanpughi naw a pyen ah kyak ci,” Cau pui nami pupa gui cu Euphratis tuionu ah van ga ung om u ne, a hei khanpughi gui khawihnah man ci gui. Nami pupa tumat cu Terah, Abraham la Nahor ah pa ah kyak ci.

THULÄÄN NAK 18:13

Bawipa ung akbe ah bekhüt vä.”

TAIGÜTHUM 17:7

Israel chang gui cu kä bekhüt ne, kä ami kyak en ba vai bung pya ah khogam khawihnah nak ah seima kä ami ngawn en ba vai. Israel chang gui naw shin ah thungyo lawk ciah akhin avan ung ami pan khek vai.

LAMKTU 9:31

Cun ah kyasei cun yah ung, Judea, Kalile, la Samaria khrithabum gui cu ding gei nak om lawk ci. Khrithabum ghui cu Khanpughi kyih aa m’hlüngtai u ne, Mumcha Theing ah htagui be nak awn da law pi k’täi ci gui.

LUKA 8:15

Ng’lei k’ni ung kya lawk ciah m’shi ci cu, Khanpughi ah ng’thu ang yak kwn ah nik ci la ng’düng ciah, m’lung khäng htek khai ah yum ne, vuipai m’theih tak ciah kyak ci.

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

EZEKIEL 23:3

Ngani ani hmaw yah ung Egypt ah om ci goi, ngani cu ani hta ah ani kyak nak shum ni ne pawm zau Chang ah kya lawk ci goi.

PHILIPPIAN 1:10

Cun ah kya sei nangmi naw ak ni pi cu nami ghü hning khai nei. Cun ung vah nangmi cu Bawi Khrit a law ba hnüüp ung, m’kat nak kä om ciah kä theingthap nak cu nami phiawn nak khai.

EPHESIAN 6:24

Kä si hlawt ciah m’hni nak awn mi Bawipa Khrit m’hni ciah chang gui ah khan ah Khanpughi ah m’geinsei nak cu kümbe ne om sä.

SAM 130:4

Cun ung phi na na m’geinsei gui ah akyak ung, nang ung kami m’chang m’sui khai nei.

SAM 119:80

Na thumkhän küm khai ah ka läk nak vai ah thu ng’a ne di nak ung na pyang m’tham ä.

JOB 1:1

Uz khaw ung Joba ming nak ciah chang tumat om ci. Ani cu Khanpughi khawihnah ne akni ung bekhüt ci. Ani cu chang niah kyak ci. Akshe kä a bi vai ah geing nak ci.

ATÜNNAK 17:1

Abram a khawkum 99 a law sang ung Bawipa cu Abram ah ma ah dang law neta, “Kei cu Hlüngtai ciah Khanpughi ah ka kyak ci, ka ng’thu ngai ne angtäi sei düng cicu na bi vai.

1 SAMUEL 7:3

Samuel naw Israel chang gui am, “Nang mi cu nami m’lung avan awn Bawipa täng ah nami ng’hlah law ba ah a kyak ung, a khaw hei khanpughi gui la Astarte ah a gup cu nami nawt heng vai. Bawipa ung nami mät avan nami ng’ap vai, ani bäng nami khawihnah vai, cun ung ani naw Philistin gui ah huham ung ka ning k’phiawn gui khai” cik ci.

1 SAMUEL 12:14

Bawipa nami Khanpughi cu nami m’tamkhah ah a kyak ung, abi nami b ung, nami ngaih ung, ang thumkhän nami läk ung, nangmi la nami ghangpughang naw a hnu nami läk ah a kyak ung, avan cu nangmi ung ni bä yawp khai.

THULÄÄN NAK 6:13

Bawipa nami Khanpughi cu nami taamkhah vai, ani bäng nami khawihnah vai, ani ah ming bäng ung shaitak nami bi vai.

SAM 81:10

Kei cu Egypt kho ah ka, ka ning law püi ba ciah, Bawipa na Khanpughi nei. Na shai m’an ä, ka ning m’bei khai nei.

MIKHAH 6:8

“Kä cun ung Bawipa naw mikmi am a i nik ciah na m’thein gui ci nei. Ani naw mikmi ung angyak hlü cu shin ah kyak ci: düng ci bi vai, m’hni nak m’dang vai, la m’lung neim nak awn mi Khanpughi ung ghin vai, gui ah kyak ci.