JOSHUA 24:11 - Cho Bible Common Language 2016

¹¹ Nangmi naw Jordan tuinu kat ne, Jerikho ung nami gawk ci. Jerikho chang gui naw ning tu gui ci gui, Amorit, Perizzit, Kanaanit, Hittit, Kirkashit, Hivit, la Jebusit gui naw phi ning tu gui ci gui. Cun ung phi cun gui ami van ah khan ah näng nak ka ning pe gui ci.

JOSHUA 24:11 Referans Kwoze

LAMKTU 13:19

Ani naw Kanaan kho ungka changpakhui chih cu nawng gui netah, cun ah kho cu ak chang gui am khäm sak gui ci.

LAMKTU 7:45

Kami pupa gui naw cun ah khaw-phung cu, ami pa gui ah kut ung do u neh Khanpughi naw ak täm gui ah om nak khaw ah, Joshua awn atäng ah ami tuk gui yah ung m’kawn neh hteh püi ci gui. Cun ah khaw-phung cu David ah uk yah ung khüt sei cun ah khaw ah om ci.

SAM 114:5

Tuinu, a i ah kiyasei na dawng ang? O Jordan tuinu, a i ah kyasei na ng’düm ang?

SAM 114:3

Tuisen tuinu naw hmu neta dawng ci, Jordan tuinu cu kä lon ah ng’düm ci.

SAM 105:44

Ani naw chang khuihei gui ah khaw cu ngami am pe gui ne, ami kho hmun phi lak sak gui ci,

JOSHUA 4:23

Nang mi naw kä nami kah yawp pha ah chuih, Bawipa nami Khanpughi naw, nami hmawk ah Jordan tui a hu sak ah mawng, cu nami m’thein gui vai nei, cun cu mikmi ah hmawk ah tuisen tuinu a hu sak ah mäih ah kyak ci nei.

THULÄÄN NAK 7:1

Bawipa nami Khanpughi naw tuhbäi nami khäm law vai ah khaw ung, ning hteh püi gui khai. Ani naw cun ah khaw ungka pakhui akda k’täm gui khai. Nangmi nami gawk ah a kyak ung nangmi ah ta ng’ghaw pi ne huham mah pi ciah pakhui chih cu ani naw k’täm khai. Cun gui cu Hittit gui, Kirkashit gui, Amorit gui, Kanaanit gui, Perizzit gui, Hivit gui, la Jebusit gui ah kyak ci.

PHYAWN NAK 23:23

Kei ah khanchang cu na ma ung hteit neta, Amorit gui, Hittit gui, Perizzit gui, Kanaanit gui, Hivit gui la Jebusit gui ah khaw ah ning hteh püi khai, ngami cu kei naw ka m’di gui khai nei.

ATÜNNAK 15:19

Kenit gui, Kenizzit gui, Kadmonit gui,

PHYAWN NAK 3:8

Egypt gui ah kut ungka ka gun gui khai ah kei ka lawk ci, ngami cu Egypt khaw ah kaa bämang nak khaw, bühmang ne ng’lei nik ciah khaw, ami ng’shon nak, tuhbäi chü Kanaanit gui, Hittit gui, Amorit gui, Perizzit gui, Hivit gui la Jebusit gui ah om nak ah ka hteh püi ba gui khai.

PHYAWN NAK 3:17

Egypt khaw, akshe ah ami ci cun nak gui ungka, ka hteh püi ba gui khai ciah kei naw ka k’bäi pyi ci nei. Kei naw büh mang ne anglei nik ciah khaw-Kanaanit, Hittite, Amorit, Perizzit, Hivit, la Jebusit chang gui ah khaw ah ka hteh püi gui khai.

PHYAWN NAK 13:5

Bawipa naw nami pupa gui am aktung ah shai a tak cu, Kanaanit gui, Hittit gui, Amorit gui, Hivit gui la Jebusit gui ah khaw cu a ning pek gui ah kyak ci. Ani naw bämang ne ng’lei nik ciah khaw ah a ning hteh püi ba gui ung, akum tä, a htük bäih ah cha ung nami bi vai.

PHYAWN NAK 23:28

Na ga gui cu cäiktat nak awn ka güüt gui khai. Hivit gui, Kanaanit gui, Hittit gui cu na ma ung ka k’täm gui khai.

PHYAWN NAK 23:31

Kei naw nami khawgii cu Akaba tui ng’khep ungka naw Mediteranean Tuili, bungpuk ungka naw Euphratis tuinu ung khüt khai ah ka ng’shawng sak khai. Cun ah khaw ah a bä nak ah khan ung huham ka ning pek khai, nang naw ngami cu mata gui ne na k’täm gui khai.

PHYAWN NAK 33:2

Lam ning m’shüm gui khai ah khanchang cu kei naw ka tüi lawk khai nei. Kanaanit gui, Amorit gui, Hittit gui, Perizzit gui, Hivit gui la Jebusit gui cu kei naw ka k’täm gui khai nei.

JOSHUA 3:10

Nangmi nami gawk law ah a kyak ung ani naw, Kanaanit gui, Hittit gui, Hivit gui, Perizzit gui, Kirkashit gui, Amorit gui la Jebisit gui cu k’täm gui khai. Ghing ciah Khanpughi nami ng’lung ah om ci, cicu nami hmat klawk khai.

JOSHUA 4:1

Pakhui avan naw Jordan tuinu ami kah awn ah Bawipa naw Joshua a pyen nak cu,

JOSHUA 4:19

A cha ät nak ah a hnüüp gha hnüüp ung chang gui naw Jordan tuinu cu hei kat u neta, Kilkal ung phung tuk ci gui, cun cu Jerikho a kyangtäng ah kyak ci.

JOSHUA 9:2

Ngami ami van law ne ng’cut ne ng’bum u neta, Joshua al Israel gui cu tuk gui vai ah pawng ci gui.