JOSHUA 23:9 - Cho Bible Common Language 2016

⁹ Bawipa naw däm ne huham mah ciah pakhui gui cu namima ung k’täm pyi ci. Nangmi nin hnungtuk püi gui ne a u phi kä düi hning ci.

JOSHUA 23:9 Referans Kwoze

JOSHUA 1:5

Joshua, nang na ghin ah chuih a u naw kä ning m’di hlawt khai nei. Kei naw Moses ka om püi ah mäih ah ka ning om püi khai nei. Kei naw angtäi sei ka ning om püi khai, kei naw kä ka ning nawng phung khai.

THULÄÄN NAK 11:23

Nangmi naw nami gawk nak ah khaw avan ung chang gui cu ani naw k’täm gui khai. Nangmi ah dämduh pi ne huham mah pi ciah pakhui gui ah khäm ah khaw cu nangmi naw nami khäm khai.

JOSHUA 23:5

Bawipa nami Khanpughi naw nangmi ungka naw ng’hlah ba sak gui khai, namima ung a hei ah ktäm gui khai. Bawipa nami Khanpughi ah shaitak ah mäih ah nangmi naw nami khaw cu nami kaa nak khai.

PHYAWN NAK 23:30

Cun ung phi nangmi naw khaw nami khäm hning güt, ngami cu api täi, api täi ah ka k’täm gui khai.

JOSHUA 15:14

Kaleb naw Anah ah htangshon gui cu mang gaw ah k’pung ah k’täm gui ci, cun gui cu Sheshai, Ahiman, la Talmai pahta gui ah kyak ci.

THULÄÄN NAK 7:24

Ani naw ami ghangpughang cu nangmi ah huham kyong ah tha khai. Nangmi naw nami ngawn gui khai. Ngami cu m’hnih ah chang ah kyak khai gui. A u naw nangmi kä ning düm sak gui hlawt khai. Nangmi naw chang a päng nami m’di khai.

LAMKTU 7:45

Kami pupa gui naw cun ah khaw-phung cu, ami pa gui ah kut ung do u neh Khanpughi naw ak täm gui ah om nak khaw ah, Joshua awn atäng ah ami tuk gui yah ung m’kawn neh hteh püi ci gui. Cun ah khaw-phung cu David ah uk yah ung khüt sei cun ah khaw ah om ci.

PHYAWN NAK 23:23

Kei ah khanchang cu na ma ung hteit neta, Amorit gui, Hittit gui, Perizzit gui, Kanaanit gui, Hivit gui la Jebusit gui ah khaw ah ning hteh püi khai, ngami cu kei naw ka m’di gui khai nei.

JOSHUA 23:8

Cun kan vaisü ung tuhbäi ung khüt sei nami om ah mäih ah Bawipa ung nami bekhüt vai.

JOSHUA 24:18

Kei shin ah khaw ung kami gawk law yah ung shin ung om ciah Amorit gui ami van cu Bawipa naw k’täm gui ci. Cun ah kyasei keimi phi Bawipa ah bii kami bik khai nei, ani cu kami Khanpughi nei” cik ci gui.

1 GHANGPUGHANG GUI 21:26

Ani cu Amorit chang gui ah mäih ah a gup gui khawihnah ne lüng aa nak pikbäih ah katnak cu bik ci. Amorit gui cu Israel chang gui ami khaw ung ami gawk law sangung Bawipa naw aktäm gui ah kyak ci.)

2 SHONTÄP NAK 20:7

Nang cu keimi ah Khanpughi ah na kyak ci. Na chang gui Israel gui shin ah khaw ung ami law ba yah ung, shin ung om ciah chang gui cu nang naw na k’täm gui ci, shin ah khaw cu na teihpüi Abraham ah hta ng’shon gui am, ngawi yä ami kaa nak vai ah na pe gui ci.