JOSHUA 23:8 - Cho Bible Common Language 2016

⁸ Cun kan vaisü ung tuhbäi ung khüt sei nami om ah mäih ah Bawipa ung nami bekhüt vai.

JOSHUA 23:8 Referans Kwoze

THULÄÄN NAK 10:20

Bawipa nami Khanpughi ah ng’thu bäng läk ne, ani bäng khawihnah vä. Ani ung bekhüt ne ani ah ming bäng ung nami shaitak nak bi vä.

JOSHUA 22:5

Moses naw a ning thumkhän gui ah thukhän cu ng’hteicha khai ah nami läk vai. Bawipa nami Khanpughi cu nami m’hni vai, angyak hlü ami bi vai, ang thumkhän nami läk vai, ani ung nami bekhüt vai, nami m’lung kyong ghin nak avan awn akhuut nami bi vai” cine m’cäi gui ci.

LAMKTU 11:23

Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.

THULÄÄN NAK 13:4

Bawipa cu läk vä, ani cu m’taam vä, a pyen ah om ne ang thumkhän cu k’pang vä. Ani khawihnah ne ani ung bekhüt vä.

THULÄÄN NAK 11:22

“Kei naw ka ning pek gui thukhän avan cu bekhüt ne nami läk vai. Bawipa nami Khanpughi cu nami m’hni vai, ang thumkhän nami bi vai. Ani ung nami bekhüt vai.

THULÄÄN NAK 4:4

Cun ung phi Bawipa nami Khanpughi ung nami bekhüt cicu tuh güt nami ghing ci.

JOSHUA 23:7

Nami ng’lung ah pawih ba ciah shin ah chang gui awn kä nami guigong vai, ami khanpughi gui ah ming kä nami pyen tu vai, acun gui ah ming awn kä nami ng’phyun vai, cun ah khanpughi gui kä nami khawihnah vai, ami ma ah kä nami m’khuukdong vai.

JOSHUA 23:9

Bawipa naw däm ne huham mah ciah pakhui gui cu namima ung k’täm pyi ci. Nangmi nin hnungtuk püi gui ne a u phi kä düi hning ci.

2 GHANGPUGHANG GUI 18:6

Ani cu Bawipa ung bekhüt ne, angthu kä läk ah kä om ci, Bawipa naw Moses am a pek ah thumkhän avan cu geing na ne k’pang ci.

THULÄÄN NAK 8:20

Bawipa ah thu kä nami läk ah a kyak ung, ami ma ung ani naw am di law gui vai ah pakhui gui ah mäih ah nangmi phi ning m’di gui khai.

THULÄÄN NAK 13:5

Cun ung phi changshäm ah nami kyak nak ah Egypt khaw ah kaa ning gung gui ciahBawipa hnungtuk püi ne, ng’thu ning m’thein gui ciah mang phlan ci, kä cun ung, prophet cu sih nak nami pek vai nei. Cun ah mäih cu changshe ah kyak ci. Cun ah chang naw, Bawipa naw nami om ih vai ah a ning thumkhän gui ah ghin nak ungka a lam hei ung ning hteh püi gui ci nei. Ani cu ngawn vai, cun cu shin ah akshe nami mät ungka nami nawt heng ah kyak ci.