JOSHUA 23:7 - Cho Bible Common Language 2016

⁷ Nami ng’lung ah pawih ba ciah shin ah chang gui awn kä nami guigong vai, ami khanpughi gui ah ming kä nami pyen tu vai, acun gui ah ming awn kä nami ng’phyun vai, cun ah khanpughi gui kä nami khawihnah vai, ami ma ah kä nami m’khuukdong vai.

JOSHUA 23:7 Referans Kwoze

PHYAWN NAK 23:13

“Kei, Bawipa naw ka ning thu püi gui phung cu nami ngaih vai. A hei khanpughi gui ah kä nami taigü vai, ami ming pang phi kä nami pyen vai.

JEREMIAH 5:7

Bawipa naw ng’shi gui ci, “Ka chang gui ah katnak a i ah kiasei ka m’geinsei gui vai ang? Ngami naw kei na nawng u ne Khanpughi akcang ah kä kyak ci gui cu khawihnah ci gui nei. Kei naw ka chang gui cu ami phü ah ka m’bei gui ci. Cun ung phi ngami cu chang ah chu hta kat püi u ne pawmya chang gui awn akhin ng’pyi sak ci gui.

SAM 16:4

A hei khanpughi ah lam ghü ciah chang gui cu, ami mät ah khüikha nak akda gah ci gui nei. Ngami ah vawihpeh cu kei naw kä ka dou khai nei; ngami ah Khanpughi cu kä ka khawihnah khai nei.

PHYAWN NAK 23:33

Cun ah chang gui cu nami khaw ung kä nami om tu sak gui vai. Nami om tu sak gui ung kei nami na katnak vai ah ning bi sak gui khai gui. Ami khanpughi gui nami khawihnah tu ah a kyak ung, nangmi ah phäh ah m’hling ung ng’awk ne sih ah kyak khai” cine Moses am pyen nak ci.

EPHESIAN 5:11

Hnüp khui ung om ciah chang gui ah bi, kä ak ni gui cu, kä nami bi en tu vai, cun gui cu nami dang sak vai nei.

1 KORIN 15:33

Ang lih lat ah kä ngai en vä. “Ang khawt püi a shet ung chang k’ni shek ci.”

ZEPHANIAH 1:5

Im khan ah kai ne khohni ni, cha ni, aisi ni khawihnah ci gui phi ka m’di gui khai. Kei na khawihnah ne bekhüt pang te ne phi, Milak khanpughi ah ming la ba cicu ka m’di khai.

NG'THU K'THUUK~ 4:14

Changshe ah hteh nak ung kä na hteh tu vai, chang shekha bang ne kä na läk vai.

JOSHUA 23:12

Nangmi cu kä bekhüt ne, nami ng’lung ah om ba ciah shin ah pakhui gui awn, nam ing’dawn tu ah a kyak ung, ngami awn nami chungla ah a kyak ung,

HOSEA 2:17

Kei naw ani cu Baala ah ng’thu kä ka pyen ba sak khai.

KHEI NAK 32:38

Nebo, Baal Meon (Shin ah ming cu ami m’thawng), la Sibmah ah kyak ci. Ngami naw akthai ah ami cawh ba ah gawnu gui cu ang ming akthai sui ba ci gui.

PHYAWN NAK 20:5

A i ah a gup ah ma ah phi kä nami m’khukdong vai, kä nami khawihnah vai, a i ah kyasei ci ung, kei cu Bawipa, nami Khanpughi, a u awn phi kä ka ni täng ci. Kei na gen ci gui ah khan ah m’kyuk nak ka law püi ci. Ami hta ng’shon, shon thum, shon phli güt ung ka m’kyuk gui ci.

THULÄÄN NAK 6:13

Bawipa nami Khanpughi cu nami taamkhah vai, ani bäng nami khawihnah vai, ani ah ming bäng ung shaitak nami bi vai.

THULÄÄN NAK 10:20

Bawipa nami Khanpughi ah ng’thu bäng läk ne, ani bäng khawihnah vä. Ani ung bekhüt ne ani ah ming bäng ung nami shaitak nak bi vä.

JOSHUA 23:8

Cun kan vaisü ung tuhbäi ung khüt sei nami om ah mäih ah Bawipa ung nami bekhüt vai.

JEREMIAH 12:16

Ngami naw ami m’lung kyong avan awn kei ah ka chang gui ah yum nak cu dou u ne, shin cha ah ng’tam u ne, “Bawipa a ghin ah mäih ah” — cine, zan ä Baal ung ng’tam ne ka chang gui ami m’thei thang ah mäih ah ami ng’tam ah a kyak ung, — ngami cu kei ah chang amshah ah kya u ne, bühmang khai gui.

KHEI NAK 33:55

Cun ung phi cun ah khaw ung om ci gui cu kä nami k’täm ah a kyak ung nami mik ung ng’pyüm ah mäih ah, nami veei ung ng’hling ah mäih ning yaica sak gui khai, ngami naw ning tuk püi gui khai gui.

THULÄÄN NAK 6:14

Ahei khanpughi kä nami khawihnah vai. Nami peileng ah om c iah chang gui ah khanpughi kä nami khawihnah tu vai.

2 GHANGPUGHANG GUI 5:18

Cun ah kyasei Siria khanpughi ah om nak Rimmon Taigüim ah ghangpughang khah püi ne ka khawihnah tu cu Bawipa naw na m’gein khai ah ka ng’ngaih u ci. Akcang ah Bawipa naw na m’gein khai nei!”

2 GHANGPUGHANG GUI 17:12

Agup kä khawihnah vai ciah Bawipa ah thumkhän cu kä ngai ci gui.

2 SHONTÄP NAK 7:19

Cun ung phi nang la na chang gui naw ka ning pek gui ah thukhän gui la thumkhän gui cu angtäi sei kä läk u ne, a hei khanpughi gui ami khawihnah ah a kyak ung,