JOSHUA 23:6 - Cho Bible Common Language 2016

⁶ Cun ah kyasei geing na ne nami läk vai, Moses ah thumkhän ca uk ung ami guk phung cu nami bi vai. Api phi kä nami nawng en vai.

JOSHUA 23:6 Referans Kwoze

THULÄÄN NAK 28:14

Cun ung phi nangmi naw a i ung phi, ang thu kä läk ne kä nami om vai. A hei khanpughi gui kä nami khawihnah vai, abi kä nami bi vai.

THULÄÄN NAK 5:32

“Israel chang gui, Bawipa nami Khanpughi ah thumkhän nü nami bi vai ah ng’hteicha vä. Ang thumkhän a pihta phi kä läk ne kä nami om vai.

HEBRU 12:4

Nangmi cu shet katnak ung ng’tuk nami bi nak ung, sih nak ah m’lawi ung kä nami gawk pha hnga ci nei.

THULÄÄN NAK 17:20

A shin cu, ani cu Israel paw gui ah ta bä tuba ciah a ngaih nak la a i ung phi, Bawipa ah thukhän kä a läk nak hning cu k’pan pek khai. Cun ung ani naw khokum akda uk khai, a htangshon gui naw Israel khaw cu ng’shon akda ung uk khai gui.

THULÄÄN NAK 12:32

“Ka ning thumkhän gui phung cu nami bi vai. Api awn phi kä nami m’khah vai, api phi kä nami lak vai.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

1 KORIN 16:13

Nami cüivai vai, nami yum nak ung khäng htek sei nami ng’düih vai, nami hlui cang vai, nami k’thamah vai.

JEREMIAH 9:3

Ngami cu akphlüt ah hleei pyen ge vai ah om ci gui; Düng nak ah hnün ung kä ng’düng nak gui naw kho uk ci. Bawipa naw pyen ci, “Ka chang gui naw akshe cu tumat ng’pyi sei tumat bik ci gui, kei ami na Khanpughi ah käng kiaa man ci gui.”

SAM 101:3

akshe cu kä ka hnimgei phung khai nei. Khanpughi ah ng’hlah tak ci gui ah bilawh cu, kei naw ka thüi nak ci nei; kei cu ngami awn kä ka ng’gui ng’pha khai nei.

SAM 119:102

Nang na mät cu ka ning saya ah kiasei, na m’shüm thein gui cu kä ka nawng phung ci nei.

1 GHANGPUGHANG GUI 2:3

Bawipa na Khanpughi naw bi vai ah ak bäi cu na bi vai. Moses ah thukhän ung guk ah thukhän gui la Thumkhän gui avan cu na läk vai, cun ah kyasei na hteh nak päng ah na bi nak päng ung bämang nak om khai.