JOSHUA 23:3 - Cho Bible Common Language 2016

³ Bawipa nami Khanpughi naw nangmi ah bi nak awn shin ah pakhui gui avan ah khan ah a päng a bi cu nangmi naw nami hmu pyi ci. Bawipa nami Khanpughi naw nangmi ah phäh ah ng’tuk bik ci.

JOSHUA 23:3 Referans Kwoze

PHYAWN NAK 14:14

Nangmi ah hmawk ah Bawipa naw ng’tuk bik khai, nangmi naw a i nami bi vai phi kä hlü khai” cik ci.

JOSHUA 10:42

Joshua naw hnü ät ng’tuk lam awn ghangpughang gui avan la ami khawpäng gui cu khäm yawp ci, a i ah kyasei ci ung Bawipa Israel Khanpughi naw Israel gui ah phäh ah ng’tuk a näng ah kyak ci.

JOSHUA 10:14

Cau phi shin ah mäih ah kä kia man ci, ngawi ah phi shin ah mäih ah kä kia ba khai. Hnicim chang ah thu Bawipa naw a ngaih yah ung shin ah mäih ah khaw hnüüp cu kyak ci. Bawipa cu Israel gui täng ah om ne ng’tuk bik ci.

MALAKHI 1:5

Israel chang gui naw shin gui cu ami mät ah mik awn hmuk khai gui, ngami naw, “Israel khaw akpung yung ah phi Bawipa cu hlüngtai ci nei” cik khai gui.

THULÄÄN NAK 20:4

Bawipa nami Khanpughi cu nangmi awn atäng ah hteit ci, ani naw näng nak ning pe gui khai.

THULÄÄN NAK 4:9

Geing na ne nami om vai. Nami mik awn nami hmuh cu nami ghin nak chuih kä nami hnih vai ah htei khai ah nami bi vai. Nami hta gui la nami tu gui am nami m’thein gui vai.

THULÄÄN NAK 1:30

Bawipa nami Khanpughi naw ning chuisaw gui khai, ani naw nangmi ah phäh ah ng’tuk bik khai. Egypt la

JOSHUA 23:10

Nangmi ungka chan tumat naw chang phia khak dawng khai ah bi hning ci, a i ah kyasei ci ung a shaitak ah mäih ah Bawipa Khanpughi naw nangmi ah phäh ah ng’tuk bik ci.

EZEKIEL 20:28

Kei naw ka pek gui vai ah shaitak ka bi ah khaw ah ka hteh püi gui ci. Ngami naw khomhtung hlüng gui la sing ghing m’kim gui ami hmuh law ung ngami naw cun gui ami van am khawihnah nak cu douthak ci gui. Ngami naw khawihnah m’khih ami douthak nak la sapyit tui douthak vai ah ami law püi nak awn kei cu na m’lungshe sak ci gui.

PHYAWN NAK 19:4

“Kei Bawipa naw, Egypt gui ah khan ah a i ka bi la hmu naw ang phia awn a hta a chan ah mäih ah ning chang gui ne, kamät ah ka ning law püi gui cu nang mi naw nami hmuk ci.

THULÄÄN NAK 7:17

“Shin ah chang gui nangmi ah ta da tuba u sei, kä nami täm gui hlawt vai ah mawng cu kä nami pyen en vai.

THULÄÄN NAK 7:24

Ani naw ami ghangpughang cu nangmi ah huham kyong ah tha khai. Nangmi naw nami ngawn gui khai. Ngami cu m’hnih ah chang ah kyak khai gui. A u naw nangmi kä ning düm sak gui hlawt khai. Nangmi naw chang a päng nami m’di khai.