JOSHUA 23:14 - Cho Bible Common Language 2016

¹⁴ “Tuhbäi kei ka sih nak vai ah akhin gawk lawk ci nei. Nangmi chang päng naw am lung kyong, a ngaih kyong ung nami hmat ci, Bawipa nami Khanpughi naw a shaitak ah mäih ah akni phung avan ning pe gui pyi ci. Ani naw a shaitak phung cu pang kheng geng ci, tumat phi kä yu kyak ci.

JOSHUA 23:14 Referans Kwoze

LUKA 21:33

Khankho la khomdek ang pyi ung phi, kei ah ng’thu cu kä ng’pyi khai.

1 GHANGPUGHANG GUI 2:2

Ka sih nak vai gawk lawk ci. Na khüi ghat vai, na k’thamah vai.

THUSHÄUTU 9:10

Na bi lawh phung cu tha na ne na bi vai nei, a i ah kyasei ci ung, hnünthawh nak, ngaih-tüh nak, hmuhmat nak, cüivai nak gui cu sih nak ah khaw ung kä om ba khai nei — cun cu nang naw na hteh nak ah kyak ci.

KHEI NAK 23:19

Khanpughi cu hleei ciah chang ah mäih ah kä kyak ci; Ani cu am lung ngaih m’thawng ciah chang ah mäih ah kä kyak ci. A shaitak phung cu ani naw bik ci. Ang thu ah mäih ah ani naw bik ci.

1 GHANGPUGHANG GUI 8:56

“A shaitak ah mäih ah a chang gui am dimdeeih nak pek ciah Bawipa cu m’tamkhah vä. Ani naw a changshäm Moses ung shaitak abi avan cu pang khek ci.

1 SAMUEL 3:19

Samuel cu ng’vai lawk ci, Bawipa naw a täng ah om püi ne, a päng bi sei, Samuel ah ng’thu avan cu akcang ah kümbe lawk ci.

THUSHÄUTU 12:5

Nangmi cu a hlüng nak ung nami kyik khai, lam nami hteh ung kyihkyawk vai kyak khai. Nami lusam bawk khai; nami mät naw nami mät khak sei nami hteit khai, nami ng’yak hlü nak phung avan maih khai. Mikmi cu ak hnu ah ng’düm nak ah hmun ung mi hteit khai, lam yung ah chang gui kyap khai gui.

PHYAWN NAK 3:8

Egypt gui ah kut ungka ka gun gui khai ah kei ka lawk ci, ngami cu Egypt khaw ah kaa bämang nak khaw, bühmang ne ng’lei nik ciah khaw, ami ng’shon nak, tuhbäi chü Kanaanit gui, Hittit gui, Amorit gui, Perizzit gui, Hivit gui la Jebusit gui ah om nak ah ka hteh püi ba gui khai.

HEBRU 9:27

Chang cu hnü ät bäng si ne, cun kawn ah Khanpughi ah m’khawichaa nak cu gah ci.

JOB 30:23

Nang naw sih nak ah na na hteh püi ciah ka hmat ci. Cun cu chang päng ah bui awt ah kya ci.

EZEKIEL 20:28

Kei naw ka pek gui vai ah shaitak ka bi ah khaw ah ka hteh püi gui ci. Ngami naw khomhtung hlüng gui la sing ghing m’kim gui ami hmuh law ung ngami naw cun gui ami van am khawihnah nak cu douthak ci gui. Ngami naw khawihnah m’khih ami douthak nak la sapyit tui douthak vai ah ami law püi nak awn kei cu na m’lungshe sak ci gui.

ATÜNNAK 47:29

Asih nak vai ng’et law khäta, a hta Joseph cu khü neta ang thu püi cu, “Ka phei goi ah ng’lak ung na kut k’thoi neta, “Egypt khaw ung kä ka ning m’ciim khai nei” cine thukhän aküi na bi vai.