JOSHUA 23:12 - Cho Bible Common Language 2016

¹² Nangmi cu kä bekhüt ne, nami ng’lung ah om ba ciah shin ah pakhui gui awn, nam ing’dawn tu ah a kyak ung, ngami awn nami chungla ah a kyak ung,

JOSHUA 23:12 Referans Kwoze

THULÄÄN NAK 7:3

Ngami awn kä nami ng’chungla en vai, nami htanau gui phi ngami awn kä ami ng’chungla en vai.

ZEPHANIAH 1:6

Kei ungka ng’hlat ne kä na läk ba ci gui la kä law ba ne, kä na ng’yoi thäh law ba ci gui phi, ka m’di gui khai.”

EZEKIEL 18:24

“Cun ung phi düng ciah chang naw akni abi nawng ne, Chang she gui ah bi ah akshe gui la shemshai ci gui cu abi ah a kyak ung ani cu ghing lä khai ang? Ka nei, ani akni abi phung kä shüm pet vai nei. Kä abekhüt nak la akat nak ah phäh ah ani cu sik khai nei.

1 JOHAN 2:9

Akdei ung ka om ci nei ci netah, a phäi nau gen ciah chang cu, a tuhchü hmüp khui ung om ciah kyak ci.

ROMAN 12:9

M’hni nak cu akcang ah yumhni nak ah a kyak vai nei. Shetkat nak cu thüi na u ne, ni kyom nak cu k’pang khüp vä.

JOHAN 6:66

Cun ung tün ne Bawipa Jesuh ah angkhah püi gui akda cu kängläk tu ba ne ng’hlat ba shüt ci gui.

MATTHE 12:45

Cun kawn ah amät ah mä shekha pi ciah khoshe pachih cu va khü tu ba gui sei, acun ung a täng ah om ci gui. Cun ah kyasei khoshe ah kai ah chang, ak hnu ah a shetkat nak cu, ak htük ungka ah mä, shekha law pi ci. Shin cu tuhbäi shekhak ciah chang gui ung gawk lawk khai ah a mawng ah kyak ci nei” cine pyen na gui ci.

ISAIAH 1:4

Nangmi nami hmüp ci, nangmi cu cheishoh ciah pakhui, Nangmi m’shetkat ne shekak ciah chang! Nami hmakat nak naw ning kaih tawn gui ci nei! Nangmi naw Bawipa, Israel gui ah theingcim ciah Khanpughi cu hnu na u ne, ani cu nami ng’hlah tak ci.

SAM 125:5

Cun ung phi changshe gui na m’kyuk gui yah ung, na lam ng’pleng tak ci gui cu, yuk m’kyuk gui ä. Israel gui ah khan ah dimdeeih nak om sä!

SAM 36:3

Ani ah ang thu cu ng’thu she ah kya ne, hleei nak awn be ci; Ani naw cüivai nak la nikiom nak cu kä bi ba ci.

1 GHANGPUGHANG GUI 11:4

ani a ghi law kawn ah ngami naw ani cu a khawhei khanpughi gui khawihnah nak ung luh püi sak ci.

1 GHANGPUGHANG GUI 11:2

Bawipa naw Israel gui cu shin ah chang gui awn kä ami ng’chungla vai ah thumkhän gui sei phi ani naw chu na gui ci, a i ah kyasei ci ung cun gui naw Israel gui a ami bekhüt nak cu a hei khanpughi gui täng ah ng’hlah püi sak ci.

ATÜNNAK 34:3

Cun ung phi hnumi hta cu kyom ciah hmu law neta ani cu m’hni lawk ci.

ATÜNNAK 2:24

Cun ah kyasei pami naw anu la apa nawng shüt ne, akchu cu ng’pungkhah püi sei, ngani cu tumat ah kya lawk ci goi.

THULÄÄN NAK 7:4

A i ah kyasei ci ung ngami naw, nami htanau gui cu, Bawipa awn ng’shawng ne a hei khanpughi gui khawihnah vai ah lam shüm khai gui. Acun ah mäih ah a kyak law ung Bawipa naw ning m’lungshe na gui neta, ang ghit ah ning m’di gui khai.

JOSHUA 23:11

Cun kawn ah nami geing nak vai, Bawipa nami Khanpughi nami m’hni vai.

SUKI GUI 3:6

Ngami cu acun gui awn ng’chungla u ne, ami khanpughi gui phi khawihnah tuk ci gui.

THULÄÄN NAK 6:15

Ahei khanpughi gui nami khawihnah ah a kyak ung Bawipa ah m’lungshe nak cu mei ah mäih ah law ne ning hnungtuk püi gui ne, ning m’di gui yawp khai. A i ah kyasei ci ung nangmi ning om püi gui ciah Bawipa nami Khanpughi cu a u awn phi kä täng tuk ci

SUKI GUI 14:3

Cun ung phi anu la apa naw, “A i ah kyasei nang naw Khanpughi kä yum ciah Philistin hnumi hta, hteit ne na chu nak hlü ang? Mi mät ah pahta, mimät ah chang avan ung hnumi hta kä na hmu hning ne ma?” cine ng’shik ci goi. Cun ung phi Samson naw apa am, “Kei ah phäh ah nami na lak pek vai ka ng’yak hlü cu ani ah kyak ci nei, ani cu ka m’hni ci nei” cik ci.