JOSHUA 23:11 - Cho Bible Common Language 2016

¹¹ Cun kawn ah nami geing nak vai, Bawipa nami Khanpughi nami m’hni vai.

JOSHUA 23:11 Referans Kwoze

JOSHUA 22:5

Moses naw a ning thumkhän gui ah thukhän cu ng’hteicha khai ah nami läk vai. Bawipa nami Khanpughi cu nami m’hni vai, angyak hlü ami bi vai, ang thumkhän nami läk vai, ani ung nami bekhüt vai, nami m’lung kyong ghin nak avan awn akhuut nami bi vai” cine m’cäi gui ci.

ROMAN 8:28

Khanpughi m’hni u sei ang yak hlü ah a khü gui ah chang gui naw, ami bilawh nak ungka ng’dang lawk khai ah, Khanpughi naw ngahmi awn a täng ah a bilawh cu mi hmat ci.

NG'THU K'THUUK~ 4:23

Na m’lung ngaih cu na geing nak vai, na ghin nak cu na m’lung ngaih naw ghaat sak ci.

HEBRU 12:15

Khanpughi ah chimgein nak cu a u naw Kä noi maa-en sä. Khak ciah sing naw am äm tui awn chang akda cu yaica sak ci, acun ah mäih ah a u phi kä ah kiak-en vai nei.

1 KORIN 16:22

A u chang phi Bawipa kä m’hni ci phung cu — kyuk sä! Marana tha — Kami Bawipa Kyum law ä!

1 KORIN 8:3

Cun ung phi Khanpughi m’hni ciah chang cu Khanpughi naw hmuhmat ci.

PHYAWN NAK 20:6

Cun ung phi kei na m’hni ne ka thukhän läk ci gui ah khan ah ng’shon phia khüt ung ka m’hni nak ka m’dang ci.

EPHESIAN 5:15

Cun ah kyasei nami ghin nak cu nami geing nak vai nei, chang gu k’aang ah mäih ah kä om u ne, chang lunglaang ah mäih ah nami om vai nei.

LUKA 21:34

“Nangmi cu ei awk yeikyai nak düt la khomdek pumsa ah phäh düt ah kä mü thai u ne, geing na ne nami om vai nei.

THULÄÄN NAK 4:9

Geing na ne nami om vai. Nami mik awn nami hmuh cu nami ghin nak chuih kä nami hnih vai ah htei khai ah nami bi vai. Nami hta gui la nami tu gui am nami m’thein gui vai.

THULÄÄN NAK 4:15

“Sinai M’htung khan ah mei ungka naw Bawipa naw a ning thu püi gui sang ung nangmi naw amüi kä nami hmuk ci. Nami mät ah ni nak vai nami ng’hteicha vai.

JOSHUA 23:10

Nangmi ungka chan tumat naw chang phia khak dawng khai ah bi hning ci, a i ah kyasei ci ung a shaitak ah mäih ah Bawipa Khanpughi naw nangmi ah phäh ah ng’tuk bik ci.

JOSHUA 23:12

Nangmi cu kä bekhüt ne, nami ng’lung ah om ba ciah shin ah pakhui gui awn, nam ing’dawn tu ah a kyak ung, ngami awn nami chungla ah a kyak ung,

THULÄÄN NAK 30:16

Tuhngawi kei naw ka ning pek gui ah Bawipa nami Khanpughi ah thumkhän gui cu nami läk ah a kyak ung, ani nami m’hni ah a kyak ung, nami läk ah a kyak ung, ang thukhän avan nami k’pan ah a kyak ung, nangmi cu bühmang u ne, chang akda ah changpakhui ah nami kyak khai. Nangmi naw nami khäm law vai ah khaw ung Bawipa nami Khanpughi naw hriham ning pe gui khai.

THULÄÄN NAK 30:20

Bawipa nami Khanpughi cu m’hni yum vä, a bet ng’yah vä, bekhüt vä, cun ung nangmi ah nami htangshong gui cu nami pughi gui Abraham, Issak, la Jakob am apet ah kho ung ghi ne nami ghing khai.