JOSHUA 23:10 - Cho Bible Common Language 2016

¹⁰ Nangmi ungka chan tumat naw chang phia khak dawng khai ah bi hning ci, a i ah kyasei ci ung a shaitak ah mäih ah Bawipa Khanpughi naw nangmi ah phäh ah ng’tuk bik ci.

JOSHUA 23:10 Referans Kwoze

THULÄÄN NAK 32:30

A i ah kyasei chang tumat naw chang phia gha a hnim gui ang? A i ah kyasei chang hnih naw chang phia phia a hnim gui ang? Bawipa nami Khanpughi naw ngami nawng gui ci. M’gäi ciah ami Khanpughi naw ngami mlungsi sak gui ci.

TAIGÜTHUM 26:8

nangmi chang hma naw chang phia nami m’khüt khai, chang phya naw chang phia phia nami m’khüt khai.

THULÄÄN NAK 3:22

Kä nami kyih en gui vai, Bawipa nami Khanpughi naw nangmi ah phäh ah ng’tuk bik khai.

PHYAWN NAK 14:14

Nangmi ah hmawk ah Bawipa naw ng’tuk bik khai, nangmi naw a i nami bi vai phi kä hlü khai” cik ci.

SAM 35:1

O Bawipa, na hnu ng’tuk püi ci gui cu, hnu ng’tuk püi ä, Na ng’tuk püi ci gui cu ng’tuk püi gui ä!

THULÄÄN NAK 20:4

Bawipa nami Khanpughi cu nangmi awn atäng ah hteit ci, ani naw näng nak ning pe gui khai.

ROMAN 8:31

Shin ah a mawng gui avan cu teng ah a kyak ung, Khanpughi cu mik mi lam ah a om ung a u naw na hnu ng’tuk püi gui hning khai ang!

SAM 46:7

M’gäi ciah Bawipa cu mikmi awn atäng ah om ci; Jakob ah Khanpughi cu mi ng’zi nak ah kyak ci.

JOSHUA 23:3

Bawipa nami Khanpughi naw nangmi ah bi nak awn shin ah pakhui gui avan ah khan ah a päng a bi cu nangmi naw nami hmu pyi ci. Bawipa nami Khanpughi naw nangmi ah phäh ah ng’tuk bik ci.

1 SAMUEL 14:6

Jonathan naw chang nong am, “Philistin chang hei gui ah phung ah ni va ng’kat khai. Bawipa naw na m’htei goi hman khai; ana m’htei goi ah a kyak ung kä ma ne, näng nak na pe goi khai, mi ken ung phi a i kä kyak khai” cik ci.

JOSHUA 10:42

Joshua naw hnü ät ng’tuk lam awn ghangpughang gui avan la ami khawpäng gui cu khäm yawp ci, a i ah kyasei ci ung Bawipa Israel Khanpughi naw Israel gui ah phäh ah ng’tuk a näng ah kyak ci.

SUKI GUI 15:15

Cun kawn ah ani naw kä a shou pha ung sik ciah sela ah am kha guh cu hmu neta, kawp ne yuk la neta, acun am chang phia gha ngawn gui ci.

2 SAMUEL 23:8

Shin gui cu David ah mingthang ciah gakap gui ah kyak ci: a tumat nak cu Josheb Basshebeth, ani naw ak htei kawt sei chang phia cheit awn ng’tu u ne, ng’tuk nak tumat ung avan ngawn gui ci.

SUKI GUI 3:31

Cun tawi lawk ciah ami ng’vai cu Anath ah hta Shamkar ah kyak ci. Ani naw htung m’shum awn philistine chang phya chuk cu ngawn gui ne, Israel gui cu gung gui ci.

THULÄÄN NAK 20:3

‘Israel chang gui ngai vä, Tuhngawi nangmi cu ng’tuk nak ung nami hteit lawk khai, nami ga gui kä nami kyih en gui vai. Nami tha kä a maih en vai ah kä nami dängphai en vai.

THULÄÄN NAK 28:7

“Nami ga gui naw ami ning tuk law gui ung, Bawipa naw hniim gui khai. Ngami naw lam tumat ung law ne ami ning tuk law pang ung phi lam avan ung dawng ba khai gui.

THULÄÄN NAK 32:20

“Kei naw kä ka m’hteihtang ba gui khai, cine ani naw pyen ci. Cun ah linglai ne kä bekhüt ciah chang gui ah khan ah a i ah kya lawk ci, cicu kei naw ka hmuk khai.

JOSHUA 23:11

Cun kawn ah nami geing nak vai, Bawipa nami Khanpughi nami m’hni vai.

1 SHONTÄP NAK 5:22

Ngami naw ga akda ngawn ci gui, a i ah kyasei ci ung cun ah ng’tuk nak cu Khanpughi ah ng’yak hlü ah kyak ci. Cun kawn ah ngami cu cun ah khopäng ah hteit ne omktu ah ami kyak güt om ci gui.

ISAIAH 30:17

Nang gagui gakap tumat nami hmuh ung, nangmi phia khak nami dawng khai nei, nangmi avan nami dawng vai ah ga kap hma cu bä khai nei. M’htung lai ung alantäng bäng pawih khai, cun kawn ah a u gakap phi kä k’pawih khai nei!

ZEKHARIAH 12:8

Cun sangung Bawipa naw Jerusalem ung om ci gui cu, shungvong gui khai. Ngami ungka ak ghawi pikbäih phi David ah mäih ah khüighat khai. David ah htangshon gui naw Bawipa ah khanchang ah mäih ah, Khanpughi a mät ah mäih ah lam shüm gui khai gui.

TAIGÜTHUM 26:7

Nangmi cu nami ga gui ah khan ah nami näng khai,

1 SHONTÄP NAK 5:20

Ngami naw ami Khanpughi ngaih u u ne, am hteihtang gui vai ah taigü ci gui, Khanpughi naw ami taigü ngaih pe gui ne, Hakrit gui la ami khochang gui ah khan ah näng na pe gui ci.